බොක නෑයා (වැල් වටාරම්)

හෙනම ගූ චරිතයක්‍ ය.හරි වයසේ දීග නොයෑම හේතුවෙන් ඔලුව කුරුවල් වී ඇති නිසා නැන්දාගේ ආසම ටොපික් එක කසාදය ය.

දැකලාවත් නැති කෙල්ලන්ට චරිත සහතික දීමට නැන්දා හෙන ආසය.ඒ ඉතරක් නෙමෙයි ය.නැන්දා කියන හැටියට ඔසරි අදින්න පුලුවන් අහවල් අහවල් ක්‍රයිටීරියා ෆුල් ෆිල් නම් විතරය.ඒ කිව්වේ උඩ රට බොදු ගොවි කුලවත් නම් ඉතරක්මය.

එහෙම නැති උන් ඔසරි නැතුව නයිටි හරි ඇදන් කසාද බැන්දට කමක් නැතිය.එයා කියන විදිහට එයාගෙන් කොල්ලො කොච්චර ඇහුවත් එයැයිට සැට් වෙන පරම්පරාවක එකෙක් ඇහුවේ නැතිලුය.

අපේ අම්මත් ලොකු නැන්දත් මේ නැන්දා කෙලින පච අහන් ඉන්න හෙනම ආසය.කොච්චර නම් ආසද කියනවා නම් කට ඇරන් අහන් ඉන්නවාය.අපේ ලොකු නැන්දා නම් අනුන්ගේ කෝප්පයක් හෝදන්න තියනවා නම් ණයට හරි සබන් ගෙනත් හෝදන නිසා ඒකේ ලොකු අවුලක් මට නැතිය.

මේ දවස් වල නැන්දගේ බයිට් එක අපේ අයියාය.

පුතා ගෑනු ලමයට කියන්න ඔසරිය අදින්නම ඕනේ කියලා.නැත්තන් මේ කසාදේ වෙන්නෙ මගෙ මිනිය උඩින් තමා.අනික මේ පවුලේ පලවෙනි වග කිය යුතු කසාදේ.ඒවා මේ ආගිය අතේ වෙන්න දෙන්න බෑ.

නැන්දා වමට බර කරලා ටෝක් ඉශූ කරන්න පටන් ගන්නේ එහෙමය.

නැන්දා කතා කරන්න ගත්තම අපේ ගෙදර උන් අහුවෙච්ච අහුවෙච්ච තැන්වල ඉද ගන්නේ සූරියප්පෙරුම මහත්තයා දොරමඩලාවට ආවා වගේ ය.කොහොමත් ඒ ගෑනිත් කතා කරන්න ගත්තම පිස්සට හැත්තැම්මේ නෑ වගේ කියෝනවාය.

නංගිට කියන්න නංගි අපේ අර වඳ පුංචි අම්මගේ දෙවනි කසාදේ ලොකු පුතාගේ කසාදේ.ඇන්දේ නෑ නේ නිලමෙ ඇදුම.ඕවා වස් වදිනවා.අනික ලොකු නංගිට කියන්න අපේ මැරිච්ච ආච්චිලා සීයලා උනත් ඉන්න තැනක හිට බලන් ඇත්තේ.එයැලයි උනත් හිත් කඩන්න බෑ නේ.

අපේ ආච්චිලා සීයලා මැරිච්ච තැන්වල ඉදන් අහවල් ලබ්බක් බලන්නදැයි කියලා මට හිතේ.මැරිච්ච උන් වලෙන් නැගිට්ටන් ඇවිත් මගුල් ගෙවල්වලට ගෙනියන නැන්දාට තියෙන්නේ එසේ මෙසේ ට්‍රැක් එකක් නොවන බව මගේ ටිකිරි මොලේට වැටහේ.ඒත් අම්මාට එය නොවැටහේ.ඕවා වටහා දෙන්නට ගොස් අධෝ මුඛයෙන් දුම් යන්න අහගන්න බැරි නිසා මම ඔහේ හිටියෙමි.

අනිත් එක හොද නැකතක් බලන්න ඕනේ.ආයේ කතා දෙකක් නෑ නැකත් මල් මසුරන් ටිකට ඕනේ.මොකද මුලු දීගෙම තියෙන්නේ නැකත උඩ.

නැකතක් බලලා බන්දලා දීපු පොඩි පුංචිගේ ලොකු කෙල්ල සති දෙකකට කලින් මගුල අතෑරලා පංසලේ ඇබිත්තියා එක්ක ගිය හැටි ඉස්සල්ලාම අපිට කිව්වේද මේ නැන්දාමය.ඒ කසාදේ ද නැකත් පොරොන්දන් බැලුවේද නැන්දාය.

ඊට කාලෙකට කලින් බැදලා නැකතට එලියට බැස්ස අපේ මාමාගේ බාල කොල්ලයි උගේ ගෑනි යට කොරාගෙන මාර්ග සංවර්ධන අධිකාරියේ බ්‍රේක් නැති ගල් රෝලක් ගිය හැටිද මට ලාවට මතකය.නැකත කොච්චර හොදද කියනවා නම් කපල් එක පාරෙන් ගැලෙව්වේ හංදියේ ආප්ප කඩේ රූපේ මාමාගේ ආප්ප හැන්දෙන්ය.එච්චර වෙලත් මේ ගෑනිගේ නරි වාදන් අහන අපේ ගෙදර උන්ට ගහන්න ඕනෑ ඉලපතට රීලාය.

ලොකු නංගිට කියන්න අර නිමල් අක්කාගේ ලොකු පුතාගේ කසාදේ.වෙලාවක් බැලුවේ නෑ.පෝරුවට නගිනකොටම මනාලයාගේ සපත්තුව කැඩුනා.

ඒ සපත්තු දෙක පිටකොටුවෙන් මම එපා කියද්දි ඒ කුනා ලාබෙට ගත්තා කියලා මම දන්න නිසා මම කට තද කර ගත්තෙමි.

ඒ විතරක්ද.මනාලයාගේ තාත්තාගේ වාහනේ.

ඇයි හැප්පුනාද….?

අම්මා කම්මුලේ අත තියාගෙන හෙන මූඩ් එකෙන් අහනවාය.

නෑ ෆිනෑන්ස් එකෙන් ඉස්සුවානේ.අන්තිමට හනිමූන් ගියේ බස් එකේ.ඔව්.

සීසන් එකට බස් එකේ ගියේ.අන්න ඒකයි.වෙලාවක් නම් බලන්නම ඕනේ ය කියන්නේ…

අපේ අම්මත් නැන්දත් ඇන තියාගෙන කට ඇරන් අහන් ඉන්නවාය.

අයියට පෝරියල් එක දුන්නට පස්සේ නැන්දා ඊලගට ටාගට් කරේ මාවය….

පොඩි පුතාට දැන් එකක් ඉන්නවද ?

ඔව් විස්ස විද්‍යාලේ දරුවෙක් ඉන්නවනේ.අම්මා කට උල් කරලා කිව්වාය.

මම පොඩි පුතාටත් කියන්නේ ඒකයි.

දැන්ම ගිහිල්ලා කුජ රාහූ පූජාවක් කරන්න ඕනේ.වැටකෙයියාමල් අසූ හාරදාහක් පූජා කරලා බලු කපුටු දානයක් දෙන්න ඕනේ

ඊටත් ඔක්කොටම කලින් දැන්ම ගිහින් අර කන්ද පල්ලේ දේවාලේ පහනක් පත්තු කරලා එන්න..

නැන්දා කෙල කෝටි ගානක් පූජාවල් ලිස්ට් එකක් කිව්වාය.

තව පොඩ්ඩෙන් අමතක වෙනවා.

ඔක්කොටම කලින් ගණපති පූජාවක් කරලා ඒ ලමයට නූලක් දාපන් කැම්පස් ඉන්නවා නම් ඒක ඕනෙමයි.

මට කොනක ඉදන් හොමන් වගේය.

ඔච්චර නූල් ගැට ගහන්න මම ගෑනිව සව් කොළ අලෝලා උඩ අරිනවා කියලා හිතන් ඉන්නවද දන්නේ නෑ.මට තනිවම සිතුනේය.

එක අතකට නැන්දට කසාදයක් සැට් උනේ නැත්තේ වෙලාවටය.

සැට් උනා නම් හරි යන්නෙම පූසාරියෙක්‍ ය.

උපුටා ගැනීම: Malintha Lakmal