හුඟ දවසකින් යමක් ලියන්න බැරි වුණා .ඒ එක දිගටම විභාග රැසක් ලඟ ලඟම තිබුන නිසාත්,මගෙ කතාව පොතෙ වැඩ කටයුතු කරගෙන යන නිසාත්
අද මට ලියන්න හිතුනේ ගුරු සේවයේ ලද අත් දැකීමක් සමබන්ධවයි.මේක එක්තරා විදිහකට දරුවන්ගෙ ජිවිතෙ වෙනස් කරන්න පුළුවන් ඌ අවස්ථාවක් හැටියට හඳුන්වන්න පුළුවන් .
මා මේ කියන්න යන කතාව තුලින් කියන්න උත්සහා කරන්නෙ,ගුරුවරයෙක් හැටියට අපි කියන එක වචනයකින් ,එක ක්‍රියාවකින් දරුවෙකුගෙ මුළු ජිවිතෙම වෙනස් කරන්න පුළුවන් .ඒක සමහර විට කුඩා බොරුවක් වෙන්නත් පුළුවන් .බොරුවක් උනත් එයින් දරුවෙකුගෙ ජිවිතෙ වෙනසක් වෙනවා නම් කොච්චර ලොකු පිනක් ද?
මගෙ මුල්ම පත්වීම ලැබෙන්නෙ අංගොඩ ශ්‍රී රාහුල විද්‍යලයට.අංගොඩ කියපු ගමන් පත්වීම භාරගන්න ටිකක් අදිමදි කළා.නමුත් ඔන දෙයක් ඉක්මනින්ම හුරුවෙන මම පාසලට වැඩ බාරගන්න ගියා.
පාසල් ගේට්ටුවෙන් ඇතුල්වන විටම මට පාසලට ලොකු ආදරයක් ඇති වුණා.
පාසල ඉදිරිපිට ප්‍රදර්ශනයට තිබුනෙ .ගුණදාස කපුගෙ මහාත්මයාගෙ
‘ සබඳ අපි කඳු නොවෙමු උනුත් පරයා නැගෙන
සුනිල දිය දාහාර වෙමු එකම ගඟකට වැටෙන.
කියන ගීතයේ කොටසක් ඇතුලත් පුවරුවක් ඉතිං මට ඒකට හරිම ආස හිතුනා.එවකට සිටි විදුහල්පති ඇම්, එ කරුණාරත්න විදුහල්පති තුමා අතින් මම වැඩ බාරගත්තා .
වැඩ බාරගත්ත ගමන්ම හමුවුණු මැණිකේ ගුරුතුමිය ජිවිතෙ ට දුන් ආදර්ශය මගෙ මුළු ගුරු ජිවිතෙ ම වෙනස් කළා.
ඇය මාව ඇය ලඟට අරගෙන ජිවිතෙ හොඳම උපදෙස දුන්නා.
පුතෙ මේක රැකියවක් නොවෙයි .මේක ගරු සේවයක්. මගෙ පුතා තරුණයි, මේ පාසල් වල ඉන්න තරුණ දූවලා පුතලා ඔයලා වට එකතු වෙනවා.විශේෂයෙන් ගැහැනු දරුවෝ ඔයාලට ආකර්ෂණය වෙනවා.තරුණ දරුවෝ නිසා ඔයාලාගෙ හිත් සමහර විට වෙනස් වෙන්න පුළුවන් .එක නිසා හැම වෙලාවේම තමන් කරන්නෙ ගරු සේවයක් කියලා හිතෙ තියාගන්න .දෙමපියන්ට හාමුදුරුවන්ට ඇරුණාම වැඳුම් ලබන එකම.කෙනා ගුරුවරයා පමණයි .අපි එ වැදුම් ලබන්න සුදුසුකම් තියෙන ගුරුවරු වෙන්න ඕනේ.
දරුවෝ වෙනුවෙන් කරන්න පුළුවන් උපරිම සේවය කරන්න පුතෙ .අපිට මොන ප්‍රශ්නය ආවත් මේ විශ්වය අපිව ආරක්ෂා කරනවා.ඔයාගෙ ජිවිතෙ දරුවෝ කරගන්න.ඔයාට කවදාවත් වරදින්නෙ නැහැ .
එ වචන අදටත් මගෙ මනසෙ රැඳිලා තියෙනවා .
මැණිකේ මිස් දුන් සියලුම උපදෙස් හිතෙ තියාගෙන දරුවන්ට ඉගැන්වීම් කටයුතු ආරම්භ කරනවා. ඔය අතර මැණිකෙ මිස් කිවුවා වගේම තරුණ දරුවන් බොහෝ දෙනා ඇත්තටම මා වටා එකතු වෙනවා.
එ සහිත්‍ය ගැන කතාකරන්න.ගීත විචාර ගැන අහන්න.රටෙ සමාජ දේශපාලනය ගැන විෂය කරුණු වලට අදාල දේ වැනි නොයෙකුත් මතෘකා ඔය අතර තිබුනා.
ඔය අතර එවකට සමාන්‍ය පෙළ විභාගයට මුහුණ දෙන්න ඉන්න සිසුන් පිරිසක් මගෙ විභාගය ගැන විස්තර අහාන වෙලාවක මම කිවුවා .
පුතෙ උඹලා දැන් හොඳටම මහාන්සි උනොත් O/l ගොඩාදාගන්න පුළුවන් .ලොකු ප්‍රතිපලයක් ගැන හිතන්නෙ නැතිව උසස්පෙළ ට උවමනා කරන අවම සුදුසුකම සුපුරා ගනින්.
මම එහේම කිවුවාම දරුවෝ මගෙන් ඇහුවේ අවම සුදුසුකම කොච්චරක් ද කියලා
මම කිවුවා අවම සුදුසුක තමයි පුතෙ එකවර විෂයන් 6 සමත්වෙලා ඒකට සම්මාන හතරක් තිබුනා නම් ඇති .හැබැයි සිංහල ,බුද්ධාගම අනිවාර්යයෙන්ම සම්මාන තියෙන්න ඔනේ .
අපො සර් 4/6 නම් කොහොම හරි කරලා දාගන්න පුළුවන් ඒත් ගණන් ඉංග්‍රීසි හිතන්නවත් බැහැ .
දරුවෝ එහේම කිවුවාම මම මේහේම කිවුවා .
ඉතිං ගණන්, ඉංග්‍රීසි අතහැරලා අනිත් ටික හොඳට පාස් වෙන්න.
එත් සර් ගණන් ඉංග්‍රීසි නැතිව උසස්පෙළ කරන්න පුළුවන්ද?
පුළුවන් හැබැයි ගණන් දෙන්නම් කියලා තමයි කරන්න වෙන්නෙ. ඊලඟ අවුරුද්දෙ ගණන් දෙන්න වෙනවා.
එතකොට මොනවද සර් කරන්න පුළුවන් විෂයන්
කලා විෂයන් තමයි පුතෙ .
අපිව එහේම ඉස්කොලේ ට ගනියිද?
අනිවාර්යයෙන්ම ගන්නවා. උඹලා පාස් වෙයන්කෝ මම අනිවාර්යයෙන්ම මැදිහත් වෙනවා .මගේ ඒ වචනය දරුවන්ට ලොකු හයියක් වුණා .
සර් ගණන් දෙවෙනි සැරෙ කරලා.පස් වුනාට අවුලක් නැද්ද .
මෙන්න මේ වෙලාවෙ මම දෘරුවන්‍ට බොරුවක් කියනවා.
පුතෙ අද මම ගුරුවරයෙක් උනාට මමත් මුලින්ම ගණන් ෆේල්,ගණන් දෙන්නම් කියලා තමයි උසස්පෙළ කළේ.ඉතිං මුලින් ගණන් ෆේල් මම අද ගුරුවරයෙක් වෙනකම් ඇවිත් තියෙනවා .අපි ගමනක් යනවානම් වැට් වැටි හරි එ ගමන යන්න හිතට අරගෙන කොහොමහරි අවසානයට යන්න ඕනේ.
මම කියපු එ බොරුව දරුවන්ට ලොකු සවියක් වු බව මට දැනුනා.ඇත්තටම එ වසරේ හිතපුවත් නැති විදිහට දරුවෝ සමත් වෙලා.උසස්පෙළ කරන්න අවස්ථාව හිමි කරගත්තා .
මේ මෑතකදි එ දරුවන්ගෙ උත්සව අවස්ථාවකට සහාභාගි වෙන්න මට අවස්ථාව ලැබුනා .එතන හිටිය දරුවෝ දෙන්නෙක් මගෙ අත්දෙක අල්ලගෙන කඳුළු ඇස්වල පුරවගෙන කතාකරන්න ගත්තා .
සර් ,සර් දන්නවද සර් අපෙ ඉස්කෝලේට ආවේ නැත්නම් අපි අද මෙතන නැහැ .
එ මොකද පුතෙ .
සර්ට මතකද අපිට 0/L ලංවෙලා තියෙද්දි අපිට කිවුවා උසස්පෙළ කරන්න අවම සුදුසුකම හදාගනින් කියලා.
එක එදා අපිට ලොකු හයියක් වුණා. ඊටත් වඩා සර් කිවුවා නේද සර් ගණන් ෆේල් වෙලා දෙවෙනි සැරෙ ගණන් කලේ A/L කරන ගමන් කියලා
එහේම කරලත් අද ගුරුවරයෙක් වෙනකම් ආවා කියලා .
ආ ඔව් ඔව්
අන්න ඒක අපිට ලොකු බලපෑමක් කළා.මම ගෙදර ගිහිලා අම්මාට කිවුවා .අපෙ සර් ගුරුවරයෙක් වෙලා තියෙන්නෙ මෙහේම ඇවිත් කියලා ,අම්මාත් පුදුම උනා.සර්ට එහේම එන්න පුළුවන් නම් අපිටත් පුළුවන් නෙ කියලා තමයි මම උනන්දු වුනෙ .
මම විතරක් නොවෙයි අපෙ බොහො දෙනා උන්නදු වුනෙ ,එදා සර්ගෙ වචනයට පිංසිදුවෙන්න ෆේල් වෙන්න හිටපු අපෙ උන් ගොඩක් උසස්පෙළ කරන්න සුදුසුකම් ලැබුවා .අපි දෙන්නත් එහේම ෆෙල් වෙන්න හිටපු දෙන්නෙක්
අද මමත් ගුරුවරයෙක් ,මෙයා හොඳම හොඳ job එකක් කරනවා .අපි අද වහන වල යනවා.අපෙ අතහැරලා තිබුන ජිවිතෙ ට සර් මාරම ශක්තියක් වුනා .
සර් අපෙ ඉස්කොලේ ට ආවෙ නැත්නම් අපි අද මැට් මෝල්ලු වගෙ පැත්තක කියලා.
අඩ අඩා මගෙ දෙපා වැඳ එ දරුවන් මාව තදින් වැළඳ ගත්තා .
මටත් නොදැනීම මගේ දෑස් තෙත් වුණා ගුරුවරයෙක්ට ලබන්න පුළුවන් මීට වඩා සතුටක් ඇති කියලා.මම.හිතන්නෙ නැහැ .ඉගෙනගන්න පුළුවන් එකා උඩටම අරගෙන යනවට වඩා අපෙන් ගිලිහෙන දරුවන් වෙනුවෙන් එක වචනයකින් අපිට කොමපණ නම්.වෙනසක් කරන්න පුළුවන් ද ?
ඔබත් ගුරුවරයෙක් නම් ,දෙමව්පියෙක් වැඩිහියෙක් නම්.වරක් දෙවරක් නොව සිය දහාවරක් හිතන්න.අපෙ එක වචනයක්.ලොකු වෙනසක් කරන්න පුළුවන් .බොරුවක් උවත් සමාජ යහාපතට යොදාගන්න පුළුවන් .
උපුටා ගැනීම: ඉන්දුක ප්‍රනාන්දු .