ඔබ සමහරවිට සිතනවා ඇත්තේ බ්‍රිතාන්‍ය මහ රැජින දිනපතාම ඉතාම අනර්ඝ ආහාර වෙලක් බුක්ති විඳිනවා ඇති කියාය. නමුත් එය නිවැරදිම අදහසක් නොවේ.
බ්‍රිතාන්‍ය ටෙලිග්‍රාෆ් පුවත්පතට අනුව බකිංහැම් මාළිගයේ රාජකීය සූපවේදියා වන මාර්ක් ෆ්ලැනගන් විසින් සති දෙකකට වරක් මහ රැජිනට නිර්දේශ කරන ආහාර වර්ග ඇතුලත් ලැයිස්තුවක් ලබාදෙයි. ඇයට එම ලැයිස්තුවේ සඳහන් ආහාර වර්ග වලින් තමන් කැමති දෑ තෝරාගත හැක.
කෙසේ නමුත් රාජකීය මුළුතැන්ගෙයි හිටපු සූපවේදියෙක් වන ඩැරන් මැක්ග්‍රාඩි පවසන්නේ, මහ රැජින කෑම සම්බන්ධයෙන් විශේෂ සැලකිල්ලක් නොදක්වන බවය. ඇය පුදුරැ වී සිටින්නේ යැපීමට අවශ්‍ය කරන තරමට පමණක් ආහාර ගැනීමට බවය. නමුත්, පිලිප් කුමාරයා කෑම සම්බන්ධයෙන් විශේෂ උනන්දුවක් දක්වන බවත්, ඔහු කෑම පිළිබද කතා කිරීමටත් කැමැත්තක් දක්වන බවත් සඳහන් ය.
බිස්නස් ඉන්සයිඩර් වෙබ් අඩවිය විසින් මහ රැජින දිනපතා ආහාරයට ගන්නා කෑම බීම වර්ග ගැන සමීක්ෂණයක් සිදුකර ඇත. එයට ඇය උදෑසන අවදි වු පසු පානය කරන තේ වර්ගය, කන බිස්කට් වර්ගයේ සිට අඩු කාබෝහයිඩ්‍රේට් ප්‍රමාණයක් අඩංගු වන ඇයගේ දිවා ආහාරය, රාත්‍රියේදි ගන්නා ෂැම්පේයින් වීදුරැව හා චොකලට් වලට ඇති රැජිනගේ විශේෂ රැචිය ගැන විස්තර ද අැතුලත් ය.
මහ රැජිනගේ ආහාරයට සුදුසු කෑම වර්ග තෝරාගැනීමේ දී ඇයට උපදෙස් දීමට හා සහය වීමට වෙනම පිරිසක් සිටින අතර එම පිරිස ඇය වෙයිට්රෝස් නම් සුපිරි වෙළදසැලෙන් බඩු මිලදී ගැනීමෙදි පවා සහය වෙයි. පහත දැක්වෙන්නේ මහ රැජිනගේ ප්‍රධාන ආහාර වේල් සහ එම ප්‍රධාන ආහාර වේල් අතරතුර ඇය ගන්නා අනෙක් කෑම වර්ග ගැන විස්තරයක් ය.
මහ රැජින තම දිනය ආරම්භ කරන්නේ තේ සහ බිස්කට් සමඟින් ය. එයට බොන් චයිනා (bone china) වර්ගයේ කෝප්පයකට වක්කර ගන්නා නැවුම්ව පිළියෙල කරගත් අර්ල් ග්‍රේ (Earl Grey) තේ සහ බිස්කට් කිහිපයක් අැතුලත් ය. ඇය තම තේ කෝප්පයට කිරි හා සිනී එකතු කරගන්නේ නැත.
ඉන්පසු ඇය යොමුවන්නේ උදෑසන ආහාරයටය. එහි සාමාන්‍යයෙන් අඩංගු වන්නේ ධාන්‍යමය ආහාර (cereal) සහ පළතුරැ වර්ගය. ටෙලිග්‍රාෆ් පුවත්පතට අනුව බොහෝවිට එයට ඇතුලත් වන්නේ Kellogg’s සමාගම විසින් නිපදවන Special K වර්ගයේ Quaker ඕට්ස් සහ Weetabix නම් තිරිඟු වලින් සෑදු ධාන්‍ය ආහාරයය.
ඇය ඇතැම් අවස්ථාවලදී දොඩම් වලින් සෑදු ජෑම් සමඟ පාන් ද (toast and marmalade) ආහාරයට ගනී. ජෑම් රාජකීය නිවහනට සපයන්නේ Wilkin & Sons සමාගම විසින්ය.
එමෙන්ම අැය බිත්තර හා සැමන් මාළු සමඟ ට්‍රෆල් ( scrambled eggs, smoked salmon and truffle) ආහාරයට ගැනීමටත් ඇතැම්විට යොමු වෙයි. එයිනුත් දුඹුරැ පැහැති බිත්තර වලටත් ඇය ප්‍රියතාවයක් දක්වයි.
දහවල් ආහාරයට පෙර මහ රැජින ජින් සහ Dubonnet නම් ආහාර දිරවීම පහසු කරවන පැණිරස වයින් වර්ගයක්, ලෙමන් පෙත්තක් හා අයිස් කැට සමඟ පානය කරයි.
මහ රැජිනගේ දහවල් ආහාරය මාළු සමඟ එළවළු වැනි සරළ දෙයකි. ඩැරන් මැක්ග්‍රේඩි නම් හිටපු රාජකීය සූපවේදියා පවසන ආකාරයට ඇය ප්‍රියතාවයක් දක්වන්නේ ග්‍රිල් කෙරෑ ඩෝවර් සෝල් (Dover sole) නම් මාළු වර්ගය සමඟ නිවිති හෝ කොජෙට් (Courgette) නම් එළවළු සාරයයි.
එමෙන්ම ඇය ග්‍රිල් කරපු කුකුල් මස් හා සලාද ආහාරයට ගැනීමට ප්‍රිය කරයි. තනිවම ආහාර ගන්නා විට පිෂ්ඨය නොමැති ආහාර ගැනීමේ ප්‍රතිපත්තියක් ඇයට ඇතිබව මැක්ග්‍රේඩි, ඩේලිමේල් පුවත්පතට පවසා ඇත. එනම් ඇගේ ආහාර වේලට, බත්, අර්තාපල් හෝ පැස්ටා අඩංගු වන්නේ නැත.
මහ රැජින පුරැද්දක් වශයෙන් දිනපතා සවස තේ පානය කරයි. තේ පානයේදී ඇය කියුකම්බර්, සැල්මන් මාළු, බිත්තර සහ මයෝනීස් යෙදු හෝ හැම් සහ මස්ටර්ට් යෙදු කුඩා සැන්ඩ්විච් පෙති ආහාරයට ගනියි. එමෙන්ම ජෑම් පෙනීස් (Jam pennies) නමින් හැදින්වෙන ඉංග්‍රීසි පෙන්සයක හැඩයට කැපු රාස්ප්බෙරි ජෑම් (Raspberry jam) යෙදු කුඩා සැන්ඩ්විච් ද අනුභව කරයි.
මැක්ග්‍රේඩි පවසන ආකාරයට සවස තේ පානයට, McVities නම් බිස්කට් වර්ගය, ස්කෝන් (Scone) නම් කැවිලි වර්ගය මෙන්ම ඇයගේ ප්‍රියතම මෙන්ම විලියම් හා කේට්ගේ විවාහ මංගල උත්සවයෙත් පිළිගැන්වු පැණි, ක්‍රීම්, ඉඟුරැ, පළතුරැ හා චොකලට් යොදා සෑදු කේක් වර්ගය ද ඇතුලත්ය.
රාත්‍රී ආහාරය සදහා සැන්ඩ්‍රින්හැම් හා බැල්මොරල් වල පිහිටි ගොවිපොළවලින් ගෙනෙන හරක් මස්, මුවමස් (venison) හෝ සැල්මන් මාළු යොදාගනියි. මස් වර්ග කුට්ටි කපා ගේලික් (Gaelic steak) ක්‍රමයට සකසන අතර බිම්මල් සෝස්, ක්‍රීම් සහ විස්කි සමඟ පිළිගන්වයි.
එමෙන්ම ඇය Lea and Perrins සෝස්, HP සෝස් හා Heinz කෙචප් ද භාවිතයට ගනියි.
අතුරුපස සඳහා බැල්මොරල් ගොවිපොලෙන් ගෙන්වා ගන්නා ස්ට්‍රෝබෙරි ද වින්සර් මාළිගාවේ හරිතාගාරවල වවන පැණි රසයෙන් යුත් සුදු පීච් ද යොදා ගනියි.
මිල අධික අනර්ඝ චොකලට් මෙන්ම සාමාන්‍ය කුඩා වෙළදසැල් වලින් ගන්නා චොකලට් වර්ග වලටද මහ රැජින එකසේ ප්‍රියතාවයක් දක්වයි.
Charbonnel et Walker, Bendicks සහ Prestat වැනි චොකලට් වර්ග රාජකීය නිවහනට ගෙන්වීමට අවසර ඇති අතර, Cadbury හා Nestle වැනි සාමාන්‍ය වෙළදසැල් වලින් මිල දී ගන්නා චොකලට් වර්ගද රාජකීය නිවහනෙන් සොයාගත හැක.
චොකලට් යෙදු බිස්කට් කේක් මෙන්ම චොකලට් මූස් හා සාම්ප්‍රදායික චොකලට් පිරවුමක් සහිත ස්පොන්ජ් කේක් ද ඇයගේ ප්‍රියතම අතුරැපස් ලැයිස්තුවට ඇතුලත්ය.
ද ඉන්ඩිපෙන්ඩන්ට් පුවත්පතට අනුව මහ රැජින ෂැම්පේයින් වීදුරැවක් පානය කිරීමෙන් පසුව ඇයගේ දිනය අවසන් කරදමයි. Bollinger, Lanson, Krug ද ඇතුළුව ෂැම්පේයින් වර්ග අටක් රාජකීය නිවහනට ගෙන්වීමට අවසර ඇත.
මහ රැජින වයින් පානය සඳහා දැඩි කැමැත්තක් නොදැක්වුවද උසස් වර්ගයේ වයින් වර්ග කිහිපයක් රාජකීය නිවහනට ගෙන්වීමට අවසර දී ඇත…
……….අන්තර්ජාලය ඇසුරෙනි……..
උපුටා ගැනීම: දැනුම සොයන්න මේ පාරෙන් එන්න