කෝල් (වැල්වටාරම්)

හලෝ හලෝ පුතේ . ඕ ……….නැන්දෙ කියන්න. ඉතිං ළමයො මොකද කරන්නෙ මේ ටිකේ. (මුංට අපේ ගෙදර උන් ගැන ගානක් නෑ මගෙ ඕපෙ තමා අහන්නෙ)මොනා කරන්නද නැන්දෙ මේ ටිකේ කතා ලියනවා. මොනවා කතා ලියනවා. ඒ මොන විකාරයක්ද බං. විකාරයක් එවෙයි නැන්දෙ ඉස්සරත් ලියලා ඇතෑරලා දැම්මනෙ. ආයෙ ලියන්න ගත්තා. ඒ හින්දා කතා කියනවා දැං. ඕවා මොනවටද බං. ආයෙ රස්සාවක් හොයාගත්තෙ නැද්ද.රස්සවක් ඒ මොන එහෙකටද. ඇයි බං උබ අර ……………. රස්සවෙන් අයින් වුනා කිව්වෙ. ආ ඔව් ඔව් ඒක ඇති කියලා හිතුනා. මොනවද බං ඔය කරන වැඩ රජයේ රස්සවකින් අයින් වෙනවද බං මිනිහෙක්. ඔව් මේ මං අයින් වුනේ. ඇත්ත කියපං උබ අයින් වුනාද අයින් කලාද. නැන්ද ඉතිං කැමති එකක් හිතාගත්තට අවුලක් නෑ. කොහොමත් උන්ට දරාගන්න බැරුව මාව අයින් කරන්න කලින් මංම අයින් වුනා.ඒක උන්ටත් මටත් ලේසී නේ. අනේ මංදා බං උබත් බලපං අපිටත් …………….. කියලා වැඩක් කරගන්න තිබ්බ එකනෙ. ආ ඔව් නේද. දැං මොනවා කරන්නද නැන්දෙ. දැං උබ මොනවද ඇත්තටම කරන්නෙ. ඇත්ත තමා කිව්වෙ නැන්දෙ කතා ලියනවා. අනේ මේ උබ ඔය රස්සවක් හොයාගනින් බං ඔය මගුල් ලියලා කාටද හරියන්නෙ. එහෙම අවුලක් නම් නෑ නැන්දෙ හරි ගිය වුන් ඉන්නවා සෑහෙන්න. අනෙ මේ පලයං බං යන්න. ඔන්න ඔය මගුල් ඇතෑරලා රස්සාවක් හොයාගනින්. ඒක නෙවෙයි උබ අර කඩයක්ද මොකක්ද දැම්මෙ ඒක මොකෝ. ආ ඒක වහල ඔන්ලයින් කරන්නෙ දැං. මොන මගුලක්ද බං කරන්ම බැරි මගුල් කරන්නෙ. නෑ නෑ වහලම දාල නෑ. ඒක ඔන්ලයින් කරන්නෙ. අනෙ මෙ අපි නොදන්න ඔන්ලයින්. හා නැන්දෙ. අපේ එකා නම් දැං මාර්කටින් එක්සෙකෙටිව්. ආ එහෙමද ඒමොකේද නැන්දෙ. ………….. ඉන්ශුවරන්ස් එකේ.ආ එහෙමද. ඒකෙ මොනවද කරන්නෙ. ආ අපේ එකා තමා ඔය ඔක්කොම ලොක්කන්ට ඉන්ශුවරන්ස් දාන්නෙ. ආ එහෙමත් එකක් නැන්දෙ හොදයි නෙ. ඔව් හොදයි තමා කොමිසන් එකත් හම්බෙනවා. (යකෝ උන්ට කමිශන් තමා හම්බෙන්නෙ) ආ එහෙනම් හොඳයි නෙ නැන්දෙ. ඔව් උබලට උවමනාවක් නැති කමනෙ ඕනනම් මං අපේ එකාට කියලා දාල දෙන්නම්. අපේ එකා දැනටම ගොඩක් කොල්ලො කෙල්ලො දාල තියෙනවා. අපේ එකා කිව්වම පටස් ගාල ගන්නෙ (ඔව් ඔව් එහෙම කම්පැනි වලින් පට ගාල ගන්නවා තමාවැඩට)එක්කො එපා නැන්දෙ මං මෙහෙම ඉන්නම් ශේප් එකේ. උබලත් අනේ මංදා බං. ගමේ නොඉඳ කොළඹ ගියා ඉගන ගන්න. ඒ ගිහිං දැං ඒකෙ නැවතිලා ඇති වැඩකුත් නෑ. කරගන්න දේකුත් නෑ. ඒ වුනාටබිගන ගත්තනෙ නැන්දෙ. මොනවද බං උබල ඉගන ගත්තෙ. එක්කො එකක් කරන්න ඕන. උපාධි කියලම කියකට දිව්වද. යකෝ රටත් ගිහිං ආවනෙ. නිකං සල්ලි වියදම විතරයිනෙ. ආ ඒවට වියදම් නෑ ශිෂ්‍යත්වයක් නෙ. අනේ මේ අපි නොදන්න ශිෂ්‍යත්ව. මෙන්න මේ ගමට ඇවිල්ලා කුකුල් කොටුවක් ඌරු කොටුවක් වත් කරන් ඉදපං. ඒවා මට සෙට් වෙන්නෙ නෑ නැන්දෙ. මතකද උබට ඒකාලෙ කිව්වා උබ කොළඹ ගිහිං ඉගන ගෙන ජනාධිපති වෙන්නද කියලා. දැං ඇත්තනෙ ඉතිං. ජනාධිපති නම් වුනේ නෑ නැන්දෙ ඉතිං ඒත් මෙහෙ ආවයින් මොනව අරි කරගත්තනෙ.

අනෙ මේ කොල්ලො උබ ඕවා දාල මෙහෙ වරෙන් උබට ඕවා හරියන්නෙ නෑ. අපේ කොල්ල දැනටම ලොක්කෙක් ඒක හිංදා උබටත් ඒකෙන් රස්සාවක් අරන් දෙන්නම්. ඕන වෙලාවට වැඩට ගිහිං ඕන වෙලාවට ගෙදර ඉන්න පුලුවන්. හෙටත් යනව කවුද ලොක්කෙක් හම්බෙන්න මොකක්ද කොම්පැනියක ඉන්න එවුන්ට ඉන්සුවරන්ස් දාන්න. ආ එහෙමද. හොදයි හොදයි. එහෙනම් තියන්නම් බං උබලත් අපේ එවුන්නෙ මොනව වුනත්. ආ ඔව්මයි නේද. හරි හරි. ආ මේ නැන්දෙ ඒක නෙවෙයි. ඇයි මොකො. නෑ මේ මං නැන්දලගෙ අයියට කෝල් එකක් දෙන්න හිටියෙ පණිවිඩයක් දෙන්න. ආ ඒ මොකක්ද මං කියන්නම්. නැන්දෙ අයියට කියන්න හෙට එපොයින්ට්න්ට් එක අනිද්දට දාගන්න කියලා හෙට නිදහස් දවස නිසා අපේ කොම්පැනියෙ එවුන්ට මං නිවාඩු දෙනවා කියලා. මොකක් ඒ කිව්වෙ. නෑ නැන්දෙ අයියා දවස් ගානක් කෝල් කර කර මැරෙන්න හැදුව මගෙ කොම්පැනියෙ එවුන්ට ඉන්සුවරන්ස් දාන්න. මං කිව්ව වරෙන් කියලා. මට අමතක වුනා හෙට නිවාඩු කියලා. එහෙනම් තියන්නම් නැන්දෙ. ඒ කියන්නෙ උබ කොම්පැනියක වැඩත් කරනවද. නෑ නැන්දෙ ඒක මගෙම කොම්පැනිය. මං ඒකෙ අයිතිකාරයා. අයියා තාම දන්නෙ නෑ ඒ මං කියලා. මගෙ යාලුවෙක් නම්බරේ දීල කතා කලේ. ඒත් මං ගාව අයියගෙ නම්බරේ තිබ්බා. ඒකයි.

මේ මට අද උදෙන්ම ඇත්තටම ආව කෝල් එකක්. අයියා මගෙ මේ ෆේස්බුක් එකවුන්ට් එකේ නෑ. ඒ නිසා බය නැතුව දැම්මෙ. ඒකත් කාවවත් අපහසු තාවට පත් කරන්න නෙවෙයි.

අන්තිමටම කියන්න තියෙන්නෙ මෙච්චරයි

උබලට කැමති දෙයක් කරන්නම ඕන කියල හිතෙනවනම් කරපල්ලා. එක එකාගෙ කතා අහන්නෙපා එච්චරයි. එහෙනම් ජය වේවා.