චාර්ලි චැප්ලින් කිව්වම නොදන්න කෙනෙක් නම් නැහැ. විශේෂයෙන් කුඩා දරුවන් මේ චරිතයට ගොඩක් ආදරේ කරනවා. ඒ තරමටම ලෝකප්‍රසිද්ධ හාස්‍යජනක නළුවෙකු වන චාර්ලි චැප්ලින් (Charlie Chaplin) ගැන තමයි මේ කියන්න යන්නේ. හාස්‍ය උපදවන නළුවෙකු ලෙස ඔහුගේ රංගන දිවිය ගෙවුනද ඔහුගේ සැබෑ ජීවිතය තුල නොදත් කතා කිහිපයක් තමයි මේ ලිපියේ අන්‍තර්ගතවෙලා තියෙන්නේ.
මොහු ගැන මුලින්ම කෙටි සඳහනක් කරනවානම්,
මොහු බ්‍රිතාන්‍ය ජාතිකයෙකි. චැප්ලින් හාස්‍ය උත්පාදක නලුවකු හා චිත්‍රපටකරුවකු සහ රචකයකුද වනවා.
නිහඬ නළුවෙක් විධියට තමයි චැප්ලින් කා අතරත් ජනප්‍රිය වුණේ. චැප්ලින් චිත්‍රපට කර්මාන්ත ඉතිහසයේ ඉතා සුවිශේෂී පුද්ගලයකු ලෙස සලකනු ලබනවා. වර්ෂ 1914 අවුරුද්දේ Making a Living කියන චිත්‍රපටියෙන් චැප්ලින් කරලියට එනවා. එසේ එන චැප්ලින් චිත්‍රපට 35ක් සඳහා රංගනයෙන් දායක වෙලා තියනවා. ඔහු චිත්‍රපට අධ්‍යක්ෂවරයෙකුද වනවා. තම සිනමා ග්‍රන්ත තිර පිටපත් ලිවීම, අධ්‍යක්ෂණය, නිෂ්පාදන, සංස්කරණය මෙන්ම රංගන කටයුතු සඳහා සංගීත සංයෝජන සිදු වූයේද චැප්ලින් අතිනි. චැප්ලින් මියයන විට 88 වන වියේ පසුවුනා. මියයාමට වසරකට පෙරත් ඔහු චිත්‍රපටයක රඟපා තිබෙනවා. මොහුගේ රංගන දිවිය වසර 75 ක් පමණ වනවා. 20 වන සියවසේ හොලිවුඩ් චිත්‍රපට කලාව උඩුයටිකුරු කල විහිළු නළුවෙකු ලෙස මොහු ඉමහත් ප්‍රසිද්ධියක් උසුලනවා.
දැන් බලමු චැප්ලින් ගේ ඇතුලාන්ත ජීවිතයේ විශේෂ සිද්ධීන් මොනවද කියලා.
චාර්ලි චැප්ලින් ඉපදිලා තියෙන්නෙ 1889 අප්‍රෙල් 16. ඇඩොල්ෆ් හිට්ලර් ඉපදිලා තියෙන්නෙ 1889 අප්‍රෙල් 20. ඒ අනුව බැලුවම හිට්රල් ට වඩා චැප්ලින් දවස් 4ක් තමා වැඩිමල්. එකම අවුරුද්දේ තමා ඉපදිලා තියෙන්නේ.
තව දෙයක් තමයි ගොඩක් අය හිතුවේ චැප්ලින්ට තියෙන්නෙ දුඹුරු පාට ඇස් කියලා. නමුත් ඔහුට ඇත්තටම තියෙන්නෙ නිල් පාට ඇස්. කවුරුත් දන්නා ලෝකප්‍රකට ටයිම් සඟරාවේ කවරයේ නළුවෙකුට ඉඩ ලැබුණු මුල්ම අවස්ථාව තමයි 1925 ජූලි 6 කලාපය. ඒ තමයි මේ චැප්ලින්.
පසු කාලෙක චාර්ලි චැප්ලින්ගේ අතිමහත් ජනප්‍රියත්වය නිසාම විවිධ පුද්ගලයින් ඔහුව අනුකරණය කරන්න පටන් ගන්නවා. මේ නිසාම දවසක් ඇමෙරිකාවේ චැප්ලින් තරඟයක් පැවැත්වෙනවා. Charlie Chaplin Look-Alike Contest ලෙසයි මෙය නම් කරලා තිබුණේ.
චාර්ලි චැප්ලින් 1977 වර්ෂයේ දෙසැම්බර් මස 25 වනදා ස්විස්ටර්ලන්තයේදි හෘදයාබාධයක් හේතුවෙන් මිය යනවා. 1978 මාර්තු 2 වනදා ඔහුගේ දේහය බහාලූ මිනීපෙට්ටිය සොරුන් විසින් හාරා ගොඩගනු ලබනවා. මෙසේ ගොඩගනු ලබන පෙට්ටිය ඉරිඟු හේනක නැවත වලදමනවා. එසේ කරන්නේ එය වෙන්දේසියක් සඳහා විකිනීමටයි. සොරුන් විසින් චැප්ලින් ගේ බිරිඳගෙන් කප්පම් ඉල්ලනු ලබා තිබෙනවා. එනම් ඩොලර් 600000ක්. ඒ ලංකාවේ මුදලින් නම් කෝටි 11ක් පමණ. එහෙත් ඔහුගේ බිරිඳ එම මුදල් ලබා දීම ප්‍රතික්ෂේප කරලා තියෙනවා. කෙසේ හෝ මාස 3ක් ඇතුලත සොරුන් සමඟම නැවත එම සිරුර බහාලු මිනී පෙට්ටිය සොයාගනු ලබා තිබෙනවා. සොහොනෙන් අතුරුදන් වූ චැප්ලින් ලෙසත් ඒ කාලයේ පුවතක් නිර්මාණය වුණා.
2014 වසරේදී මෙම ආන්දෝලනාත්මක සිද්ධිය ප්‍රංශ ජාතික චිත්‍රපට අධ්‍යක්ෂවරයෙකු වූ ක්ෂේවියර් බොවිස් විසින් චිත්‍රපටයකට පවා ගොඩ නගනු ලැබුවා.
එසේම චැප්ලින් මියගොස් වසර කීපයකට පසු 1981 වර්ෂයේ 3623 Chaplin නමින් ග්‍රාහකයක් නම් කරනු ලබනවා.
1992 වර්ෂයේ චැප්ලින් නමින් චිත්‍රපටයක් නිර්මාණය වෙනවා. මේ චිත්‍රපටියේ විශේෂත්වයක් තියනවා. ඒ තමයි මේ චිත්‍රපටියේ චාර්ලි චැප්ලින්ගේ අම්මගේ චරිතය නිරුපණය කරන්නේ ඔහුගේම දියණියක් වන ගෙරල්ඩින් චැප්ලින් වීමයි.
චැප්ලින් ගේ රංගන ජීවිතයට ආදරය කරනා බොහෝ දෙනෙකු ඔහුගේ සැබෑ ජීවිතයේ මේ සිදුවීම් නම් අහලා නැතුව ඇති.
උපුටා ගැනීම: The Lanka Post