ඔන්න ඉතින් චීනෙන් ගත්තු ණය ගෙවාගන්න බැරුව, ලංකාව චීනෙට විකුණලා දැම්මලු…
චීන්නුත් කිසිම වෙනසක් නැතුව ලංකාව තමන්ගෙම රටේ පළාතක් විදියට පිළිගත්තලු…
දැන් ලංකාව කියන්නෙ චීනෙම කෑල්ලක්…
උදේ හවස බස් යනවා වගේ ෆ්ලයිට් යනවා…
චීන්නු මෙහෙ ජීවත් වෙනවා..
අපි ගිහින් චීනෙ ජීවත් වෙනවා…
ඉතින් තව අවුරුදු විස්සකින් විතර චීනෙ :
“රතු මකරි බස් රථය හෙට පෙරවරු 10 ට බීජිං නුවට බර්ඩ් නෙස්ට් ක්‍රීඩාංගණයට… ඩීජේ ලයිට්, ස්මෝක් මැෂින්, පාටි ලයිට් සහ තවත් විශේෂාංග රැසක් සමඟින්…” 🚌
“ජෙට් ලී සමඟ රන්ජන් රාමනායක රඟන නවතම සිනෙමා පටය ‘මමයි ඩ්‍රැගන්’ සඳුදා සිට සිනමාහල්වල…” 🐉
“අභ්‍යවකාශ මෙහෙයුම්වලට මුදල් නාස්ති කිරීම නතරකරන්න. ඒ මුදල් බුද්ධ සාසනයේ දියුණුවට යොදවන්න. මල්වතු අස්ගිරි හිමිවරුන්ගෙන් චීන ජනපතිට සන්දේශයක්…”
“අඟහරු ග්‍රහයා මතට යැවූ ‘ගම්බාර 2’ චන්ද්‍රිකා මෙහෙයුම අසාර්ථක වීම, බටහිර ගැති එන්ජීඕ කුමන්ත්‍රණයක ප්‍රතිඵලයක් බව විමල් වීරවංශ මහතා පවසයි…” 🛰️
“චීනයේ සර්පයන් මැරීම නවතා දමා, පිරටටින් සර්ප මස් ආනයනය කිරීමට යෝජනාවක්…” 🐍
“බංග්ලාදේශ සංචාරය සඳහා චීන ක්‍රිකට් කණ්ඩායම නම්කෙරේ… ෂෙයි යුආන්ග්ට සහ චෙන්ග් ජයවීරට කණ්ඩායමේ ඉඩ ලැබෙයි…” 🏏
“රාවණා රජුගේ දේහය සෙවීමේ මෙහෙයුමක් ආරම්භ කිරීමට චීන රජය සැරසෙයි… මෙහෙයුමේ නායකත්වය සහස්‍රමුඛ රාවණ ගයාන් සඳකැළුම්ට…”
“දැන් ඔය චීන්නු ලැඟගෙන හිටියට ඒ දවස්වල ඔය හරියත් පාලනය කරේ අපේ රාවණා රජතුමා තමයි… හරිනම් ලංකාව විතරක් නෙමේ ඔය චීනෙ අයිතිය තියෙන්නෙත් සිංහලයන්ට… ඕකුන් අපිට අයිති රට බලෙන් තියාගෙන ඉන්නෙ…”
“මේහ්… ඔයා ඊයෙ දෙවෙනි ඉනිම බැලුවද… ඊයෙ අනුහස් චුංහුවා එක්ක රණ්ඩු උනානෙ බොරුවට… එවුනාට මේ පාරනම් අනුහස් එයාව බඳියි වගේ…. මොනා උනත් අපරාදෙ අවන්තයි දෙව්මියි ඩිවෝස් උනේ අර බෝජින්ග් හින්දා…” (දෙවෙනි ඉනිම)
“ඔන්න බලමුකො ඒකෙත් හැටි… පැන්ඩා අම්මෙකුයි, පැන්ඩා පුතෙකුයි කෑම හොයාගෙන යද්දි වගා ළිඳකට වැටිලා… පස්සෙ ප්‍රදේශවාසීන් දැකලා වනජීවි එකට කතාකරලා… වනජීවි එකේ මාමලා ඇවිත් තමයි මේ පැන්ඩා අම්මවයි, පුතාවයි බේරගෙන තියෙන්නෙ… මේ දර්ශන අපිට එව්වෙ වූහාන්වල ෂියැන්ග් ද සිල්වා…” (අටපට්ටම)
“චයිනීස් රෙස්ටුරන්ට් වලින් කන්න එපා… ඒ කෑමවලට සිංහලයන්ව වඳකරන බේත් දාලා තියෙනවා…”
-මකර ලේ සංවිධානය-
“ඉල්ලීම් කිහිපයක් මුල් කරගනිමින් එක්සත් චීන අන්තර් විශ්වවිද්‍යාලීය ශිෂ්‍ය බලමණ්ඩලය අදත් විරෝධතාවයක…”
“අවසන් වසර 10 තුළ චීනයේ වංචා, දූෂණ සහ මූල්‍ය අක්‍රමිකතා ඉතා සීග්‍රයෙන් ඉහළ ගොස් ඇති බව වාර්තා පෙන්වා දෙනවා…”
ඒ කාලෙ හැදෙන අලුත් සින්දු :
“මකරට මං බිලිවෙන්නම්
කුංග්ෆු ඉගෙන ගෙන එන්නම්
ඔයාව මට ලැබෙනවනම්
චීනෙක් වී ඉපදෙන්නම්…”
“දිග ඇස් ඇති සුදු කොට චීනා
සමඟින් පැනගොස් සුදු නෝනා
දුන්නත් මට රුදුරු වේදනා
නෑ මා ළඟ වෛර චේතනා…”
උපුටා ගැනීමකි