මේක වුනේ මගේ යාළුවෙක් වන සුදේවට කියලා හිතා ගන්නකෝ.
සුදේව ඒකාලේ ඔෆිස් එකේ පාවිච්චි කලේ තඩි එක්සෙකටිව් මේසයක්. ඒත් එයා එක්සෙකටිව් කෙනෙක් නෙමෙයි. පස්සේ පාලනාධිකාරිය තීරණය කලා. ප්ලයිවුඩ් වලින් හදපු වර්ක්ස්ටේෂන් කියන මේසයි කැරකෙන පුටුයි දෙන්න. හරිද?
නන් එක්සෙකටිව් අයට තඩි මේසෙක ඉන්න දීලා, එක්සෙකටිව් අය පොඩිමේස වල ඉන්න වෙච්ච එකට සමහරු ඔරොප්පුවෙන් හිටියේ. ඒත් සුදේවයත්, සුනිල් මහත්තයත් බහිරවයො වගේ තඩි මේස දෙකක ඉන්න එක අනික් උන්ට හෙන අවුල්.
නන් එක්සෙකටිව් අයට ගනන් කරලා කැරකෙන පුටුයි වර්ක්ස්ටේෂන් ඕඩර කරලා තිබුනේ.
ඕව එන දවසේ සුදේව ඔපීසියේ හිටියේ නෑ.
ඒවෙනකොට කාමර (කියුබිකල්) ගහන් හිටපු එක්සෙකටිව් සෙට් එක අර කැරකෙන පුටු ටික ගල් කරලා!
පුටු ඕඩර් කලේ ජනහිතකාමී හිටපු වැඩබලන අංශප්‍රධානියා. ඒත් මේ දවස් වල උන්නේ ඇමරිකාවෙන් ආනයනය කල ෆන්කි ඩයලයක් වන ප්‍රගීත්.
ප්‍රගීත් උන්නැහේ ගෙදරින් ගෙනාවා වගේ පුටු ටික හිතවතුන් හිතවතියන්ට “ඕකේ…යෑහ්..” ගගා බෙදලලු.
ඊලඟ දවසේ ඔපීසියේ නව පෙනුම දැක්කම සුදේවට හරි සතුටුයි.
ඒත් සුදේවගේ වර්ක්ස්ටේෂන් එකේ තියෙන්නේ කබල් ලී පුටුවක්!!!
“හරියට ටයි කෝට් දාගෙන අන්ඩර්වෙයා එකකින් ඉන්නවා වගේ.” සුදේවට හිතුන.
සුදේව හතරවටේ බලන කොට එක හිස් කියුබිකල් එකක කැරකෙන පුටු රාජයෙක් අස්වාමිකව විරාජමානව වැඩ ඉන්නවා!!!
සුදේව ඔය පුටුරාජයා තල්ලුකර ගෙන එයාගේ වර්ක්ස්ටේෂන් එකට යනවා.
ඔය වෙලාවේ “ෆන්කි ප්‍රගියා” ඔපීසියට සැප්ත් වෙනවා.
“හේයි…ඩෝන්ට් ටේක් දිස්…අයි විල් ඕඩර් වන් ඉන් ෆියුචර්… ඕකේ යෑහ්…” (ඕක ගන්නෙපා යකෝ…පස්සෙ දවසක එකක් අරං දෙඤ්ඤං..) කියලා බෙරිහන් දුන්නා.
“මේ අයි යූස් දිස් ඩොක්ටර්.. නෝ වන් යූස් දිස් ඉන් දිස් මෝමන්ට්.” කියල සුදේව බැගෑපත්ව කිව්වා. (මේක දැනට කවුරුත් පාවිච්චියට ගන්නෑනේ ඩොක්ටර්… මම මේක ගන්නද?)
“නෝව්..නෝව්… ඩෝන්ට් ටේක් දිස්.. ඉට්ස් මයි ෆයිනල් ඩිසිෂන්…ඕකේ…යෑහ්” (මේක ගන්නේ එහෙම නෑ. මගේ අන්තිම තීරණේ මේකයි… හරිය..) ෆන්කි ඩොකා කීවා.
මොනා කරන්නද? සුදේව පුටුව එතන දාලා කබල් පුටුවේ වාඩිවෙලා වැඩකලා.
ඒත් සුදේවගේ හිතට හරිනෑ.
එයා ගියා ප්‍රගියගේ සෙකට්‍රි සුකුමලී ගාවට, ඉල්ලගත්තා ෆයිල් එක, අලගිය මුලගිය වැලගිය තැන් හොයලා. ෆන්කියාටයි සුකුමලීටයි කොපි කරලා දඩ ඊමේල් එකක් ගැහුවා සාධාරණය උදෙසා.
එදා හවස සුදේව වැඩ ඇරිලා යන්න හදනකොට බෝතලේකට විතර වග කියලා හිටපු ෆන්කි ඩොකා නාලාගිරියා වගේ මිට මොලෝගෙන දුවගෙන එනවා. පස්සෙන් තුස්නීම්බූතවෙලා වගේ එන්නෙ සුකුමලී..
“ශුධේව! ථමුෂෙධ භොෂ්..මමධ..ථමුෂෙ ඉන්න ඕන මඨ ඕන විදිහඨ… ඕකේ… යෑහ්..භලාඝමු” කියලා ආලෝකෙ වේගෙන් චුත වුනා සුදේවට වචනයක් වත් හිතාගන්න ඉස්සෙල්ලා. සුකුමලී ෆන්කියා පස්සෙන් ඇදිලා ගියා.
ෆන්කියා ගාව තොඳොල් වෙන ගෑනු පරාණ දෙකකුයි පුරුස පරාණෙකුයි ගේම ඩිසයින් කලා කියල පස්සෙ ආරංචි වුනා.
සුදේවගේ ගේම වැඩ කරලා පස්සේ දවසක එයාටත් කැරකෙන පුටුවක වාඩි වෙන්න වාසනාව ලැබුනා.
අර සුදේව ඉස්සර පාවිච්චි කල හොඳ මේසේ ඔබ්සලීට් කරලා තිබුනේ. පස්සේ ඒක ඔපීසියේ බෞද්ධ සංගමෙන් පින්තකා පංසලකට පූජා කරලා.
සාදු..සා..දූ…සාදූ…
එඤ්ඤං
උපුටා ගැනීම: දිනෙත් සමරවික්‍රම