ආණ්ඩුවේ එන්නත් වැඩසටහන ගැන පැහැදීමක් නැහැ කියලා දවස් කීපයකට කලින් විශේෂඥ වෛද්‍ය ආනන්ද විජේවික්‍රම මහතා කොරෝනා මර්ධන විශේෂඥ තාක්ෂණික කමිටුවෙන් ඉල්ලා අස් වුණා. අද නිර්වින්දන විශේෂඥ වෛද්‍ය අශෝක ගුණරත්න මහත්තයත් ඉල්ලා අස්වෙලා. විවිධ බලපෑම් මත සෞඛ්‍ය අමාත්‍යාංශය හා සෞඛ්‍ය සේවා අධ්‍යක්ෂ ජෙනරාල්වරයා විද්‍යාත්මක පදනමකින් තොරව එන්නත්කරණය පිළිබඳව ගන්නා තීන්දුවලට විරෝධය පළකිරීමක් විදිහට තමයි අශෝක ගුණරත්න මහතා ඉල්ලා අස්වෙලා තියෙන්නේ.
සාමාන්‍යයෙන් රටේ මේ වගේ වංසගත තත්ත්වයක් තියෙන කොට ආණ්ඩුවයි සෞඛ්‍ය අංශයි අතර හිතකර සම්බන්ධතාවයක් තියෙන්න ඕනේ. මොකද වසංගත කාලයකදී සෘජුවම වැඩිම වගකීමක් පැටවෙන්නේ සෞඛ්‍ය අංශවලට. ඒත් මුලදී මේ දෙගොල්ලෝ අතර හොඳ සම්බන්ධතාවයක් තිබ්බත් දැන් ටික ටික ආණ්ඩුවයි සෞඛ්‍ය අංශයි, විශේෂයෙන්ම දොස්තරවරුයි අතර ගැටුම් උත්සන්න වෙන බවක් තමයි පේන්න තියෙන්නේ.
මේ විදිහට ගියොත් ඔය කොරෝනා මර්ධන බලකායේ ශවේන්ද්‍ර සිල්වා විතරක් ඉතිරි වෙයි.