ක්‍රිකට් කියන එක අපේ රටේ ලක්ශ 220න් අති බහුතරයකට ලේ වලටම මික්ස් වෙච්චි ක්‍රීඩාව.කොටින්ම අපේ රටේ ජාතික ක්‍රීඩාවට වඩා ජනප්‍රිය ක්‍රීඩාව තමා ක්‍රිකට්. හැබැයි ඉතින් දැන් අවුරුදු 50ක විතර අංකල් කෙනෙක්ගෙන් ඇහුවොත් කියයි පුතේ උබලා ක්‍රිකට් කියලා බලන්නෙ වෙන මොකක් හරි මගුලක් කියලා !
මට මතක ක්‍රිකට් ඉතිහාසෙ අවුරුදු 16ක් විතර.ඒ කියන්නෙ මං අවුරුදු 6 ඉදලා ක්‍රිකට් බලනවා.කණගාටුවෙන් උනත් කියන්න වෙන්නෙ අවුරුදු 20ට වඩා වයස වැඩි මනුස්සයෙක් දැකලා තියෙන දුර්වලම ශ්‍රීලංකා කණ්ඩායම තමා දැන් තියෙන්නෙ.
ක්‍රිකට් ලේ වලට මික්ස් වෙච්චි රටක ඒ තත්වෙට අපේ ටීම් එක වැටුණ එක ගැන නම් තියෙන්නෙ අප්‍රමාණ දුකක්. අර කාලෙ ඇතුලත අපේ ටීම් එක එදා මෙදා තුර ලෝකෙ බිහිවුණ හොදම ක්‍රිකට් කණ්ඩායම කියලා කියන 2007 ලෝක කුසලාන ඕස්ට්‍රේලියානු කණ්ඩායමත් එක්කත් කරට කර ඉදියා.
ඉතින් එහෙව් කණ්ඩායම දැන් මේ තත්වෙට වැටුණෙ කොහොමද.?
සමහරු කියයි සංගායි මහේලයි තමා කෑවෙ.උන් දෙන්නට තව ටිකක් ඉන්නත් තිබ්බා.සමහරු කියනවා මහේල ඕන්නෑ සංගා තව ටිකක් ඉදියනම් හරි.ඉතින් පින්වතුනි සංගායි මහේලයි ජීවිත කාලෙම ලංකා ටීම් එකට ගහන්න තීරණය කරලා ඒ මහත්තුරු 2න්නා එකදිගට ෆේල් උන දවසක් උනා නම් අර කටවල් වලින්ම තමා ඒ මිනිස්සුන්ගෙ පළු ගලවන්නෙ
ක්‍රිකට් ටීම් එකට යන එක පට්ටම හීනයක් ගොඩක් උන්ගෙ.ස්කෝලෙ ක්‍රිකට් ගහපු නොගහපු ස්කෝලෙ ගහලා ක්ලබ් නොගහපු ස්කෝලෙත් ගහලා ක්ලබුත් ගහපු ක්ලබ් විතරක් ගහපු ඕනිම කෙනෙක්ට හීනයක් තියෙන්න ඇති ක්‍රිකට් ටීම් එකට යන්න.
ඉතින් අද උදේ ඉන්දියා ඕස්ට්‍රේලියා ටෙස්ට් මැච් එක බලපු අය ගොඩක් මේ අඩයාලමේ ඇති. ජාතිය නොව ජාතිකත්වය මුල් කරගෙන ක්‍රීඩා කරන කණ්ඩායමක් තමා ඉන්දියාව කියන්නෙ.ක්‍රිකට් ක්‍රීඩාවෙ අපිට පෙන්නන්න බැරි රටක් උනාට ඉන්දියාවෙන් ගන්න දේවල් සෑහෙන්න ලංකාවට තියෙනවා.ඉන්දියාව කියන්නෙ දැන් පරදින්න කැමති නැති රටක්.2006 2010 වගේ කාලෙ ඉන්දියාව කියන්නෙත් අපට එච්චර ගේමක් නැති රටක් තමා.හැබැයි ඒ හැම කාලෙම ඉන්දියාවට තිබ්බ ලස්සනම ලක්ශනය තමා රට වෙනුවෙන් ක්‍රීඩා කිරීම.
අද හනුමා විහාරි සහ අශ්වින් ගහපු ගේම් එක ක්‍රීඩාවෙ ලස්සනම ගේම් එකක්. හනුමා විහාරි Hamstring Injury ( කලවයේ නහර වල ආබාධයක්) එකක් එක්ක ප්ලේ කරේ. හැබැයි අපේ රටේ ඒ තත්වෙ වෙනස් කියලා ගොඩ කාලෙක ඉදන් ක්‍රිකට් බලන ඕනි කෙනෙක්ට තේරෙනවා.
මං කියන්නෙ නැහැ අපේ ක්‍රීඩකයො රට වෙනුවෙන් නෙමෙයි ගහන්නෙ කියලා.ලංකාවෙ කොඩිය ගහපු ජර්සිය ඇදන් පිට්ටනියට මැද්දට බහින හැමෝටම ඕනි කමක් තියෙන්න ඕනි තමන්ගෙ රට වෙනුවෙනුයි තමන් ක්‍රීඩා කරන්නෙ කියන එක ගැන.
ඒ තත්වය දැන් අපේ ටීම් එකේ ඇත්තටම නැහැ. 2015න් පස්සෙ අපේ ටීම් එකට උන දේ තාම හිතාගන්න බෑ.දේශපාලනේද , ක්‍රීඩකයොද ප්‍රේක්ශකයොද වැරදි කියලා හිතාගන්න බෑ.
උපුටා ගැනීම: Kaveesha