ජපන් ජාතිකයින් ඔවුන්ගේ බුද්ධිමත් බව, ස්ථානෝචිත ප්‍රඥාව, මේ වගේ දේවලට ලෝකයෙ හරිම ප්‍රසිද්ධයි නේ. හැබැයි මේ කතාව කියවුවායින් පස්සේ ඔබ හිතයි, ශාපයන්, මිත්‍යා විශ්වාස ඇදහීම කියන කාරණාවේදීත් ඔවුන් ලෝකයේ තවත් රටකට දෙවෙනි වෙන්නේ නැහැ කියලා.
බටහිර රට වල සුරංගනා කතා වල අපි අහලා තියෙනවා 13 අසුභ ඉලක්කමක් කියලා, ආසියාතික රටවල් වල, විශේෂයෙන් අපේ රටේ 9 ඉලක්කම “නපුරු” දෝෂ සහගත ඉලක්කමක් විදිහට ඇතැම් අය අර්ථ දක්වනවා. නමුත්, දෛනික කටයුතු වල දී ඒ ඉලක්කම නොසලකා හරින්න වත්, භාවිතය අත හරින්න වත් අපේ රට වල කවුරුත් විශේෂයෙන් මහන්සි වෙන්නේ නැහැ.
අවාසනාවන්ත “4”
ජපන් ජාතිකයින් ඒ විදිහට අසුබයි කියල විශ්වාස කරන්නේ “4” ඉලක්කමයි. ඒකට හේතුව පැහැදිලි කරන්න කලින් අපි බලමු, ජපානෙ එදිනෙදා ජීවිතයට 4 ඉලක්කමේ ශාපය, අංක 4 ට තියෙන බිය මොනතරම් බලපෑමක් ඇති කරලා තියෙනවද කියලා.
ජපන් ජාතිකයින් ඉදිකිරීම් කරද්දි කිසිම හෙයකින්, හතරවැනි මහලෙන් ඉදිකිරීම නවත්වන්නේ නැහැ. ඒ කියන්නේ, ඔවුන්ගේ හැම ගොඩනැගිල්ලක් ම, මහල් හතරකට වැඩි හෝ අඩු ගණනකින් යුක්තයි.
මහල් 4 කට වඩා වැඩි ගණනක් තියෙන ගොඩනැගිලි වල, විදුලි සෝපානයේ බොහෝ වෙලාවට “4” ඉලක්කම සටහන් කෙරෙන්නේ නැහැ. ඒත් අත්‍යවශ්‍යම අවස්ථාවලදී, උදාහරණයක් විදිහට 40 සිට 49 දක්වා මහල් අංක කරන්න 4 ඉලක්කම භාවිතා කරන්නට සිදුවෙන නිසා එවැනි අවස්ථාවලදී හතර ඉලක්කම වෙනුවට ඔවුන් * තරු සලකුණ භාවිතා කරනවා.
හිතන්න ඔබට ජපානයේ මහල් නිවාසයක 4 වන තට්ටුවේ ජීවත්වෙන මිතුරෙක්ගෙ නිවෙසේ ට යන්න ඕන වුණා කියලා, ඉතින් හතර නමින් option එකක් සෝපානයේ නැති නිසා, ඔබට සිදු වෙනව අංක 3 සහ 5 අතර වාසනාව උරගා බලන්න.
ජපානයේ ආභාෂය ගන්නා තවත් රටවල් දෙකක් වෙන තායිවානය සහ දකුණු කොරියාවේත්, නාවිකයින් ඔවුන්ගේ Military pendants වලට “4” ඉලක්කම භාවිතා කරන්නේ නැහැ.
චීනයේ military aircrafts නම් කරද්දිත්, අංක හතර වෙනුවට “Shenyang J-5” යෙදුම පාවිච්චි කෙරෙනවා.
කොරියාවේ ඇතැම් ගොඩනැගිලිවල 4වන මහල “4” වෙනුවට “F” ලෙස සලකුණු කර තිබෙනවා.
ඇත්තටම ජපන් ජාතිකයින් “4” ඉලක්කම ශාපලත් අංකයක් විදිහට සලකන්නේ ඇයි?
ජපන් බසින් හතර ඉලක්කම හඳුන්වන්නේ, යොන් සහ ශී යන නම් වලිනුයි. ශී , ශි/ශිනු කියන මරණය සම්බන්ද උච්චාරණයට සමාන නිසා අවාසනාව කැන්දන බව ඔවුන් විශ්වාස කරනවා.
වාසනාවන්ත “8”
ඒ වගේම අංක “8” වාසනාවන්ත ලෙස ජපන් ජාතිකයින් සලකනවා . ඒ 8 ලිවීමේදී , 八 කන්දක ස්වරූපය ගන්න නිසාත් , පිරුණු ස්වභාවයත් හේතුවෙන්.
විද්‍යාත්මක පසුබිම
හතර ඉලක්කමේ ශාපය පිළිබඳව විද්‍යාත්මක පසුබිමක් නොමැති වුණත්, ඒ ගැන ඔවුන්ට තියෙන අනිසි බිය නිසා ඇති වන මානසික රෝගයක් ගැන සඳහන් වෙනවා. Tetraphobia (ග්‍රීක බසින් tetra කියලා හඳුන්වන්නේ අංක හතර ටයි) කියන මේ රෝගය, “4 ඉලක්කමට ඇති බිය” මත පදනම් වෙනවා. බොහොමයක් මානසික රෝග වලට පොදුවේ හේතු වන කරුණු කාරණා තිබුනත්, Tetraphobia වැලඳෙන්නේ බොහෝ දුරට අදාළ රෝගියාගේ විශේෂ පරණ අත්දැකීමක් හෝ සිදුවීමක් මුල් කරගෙනයි.
Tetraphobia හි උච්ඡතම අවස්ථාව “Bipolar disorder” කියන රෝගයට සම්බන්ධ බව ඇතැම් විශේෂඥයින් විශ්වාස කරනවා.
අංක “4” ශාපය සැබෑවක්ද?
ඇත්තෙන්ම මේ කියන තරම් අංක 4 අවාසනාවන්තද? බ්‍රිතාන්‍ය වෛද්‍ය සඟරාවක් සංඛ්‍යානමය දත්ත භාවිතයෙන් මේ කාරණා වේ සත්‍ය අසත්‍යතාව සොයන්න තීරණය කළා. වසර 25ක් තිස්සේ සිදු කෙරුණු සමීක්ෂණයන්ට ඇමරිකාවේ ජීවත්වන චීන සහ ජපන් ජාතිකයින් දහස් ගණනක් පාදක කර ගැනුණා.
සත්‍ය අසත්‍යතාවය, ඒ පසුපස විද්‍යාත්මක පසුබිම කොහොම වුණත් සමීක්ෂණය අවසානයේ ලැබුණේ පර්යේෂකයින්ටත් අදහා ගන්නට අපහසු වුණු ප්‍රතිඵලයක්!
තෝරාගත් පිරිසෙන් 13% ක ප්‍රමාණයක් මිය ගොසින් තිබුණේ හරියටම, අදාල මාසේ 4 වෙනිදායි. මේ තත්ත්වය වඩාත් දරුණු වුනේ කැලිෆෝර්නියා ප්‍රාන්තයේ 27% ක ප්‍රතිශතයක් ඒ ආකාරයට මියගිය බව සනාත වීමත් එක්කයි!
ලබාගත් තොරතුරු ඔස්සේ තවදුරටත් ඉදිරියට පර්යේෂණ දියත් කරමින්, මේ සිද්ධියට සම්බන්ධ මනෝ විද්‍යාත්මක පසුබිම පැහැදිලි කරගන්නට ඔවුන් ඔවුන්ට ඕනෑ වුණා.
අවසානයේ, අදාල මරණවලින් බහුතරයකට, ඔවුන් තුළ තිබුණු මිථ්‍යා විශ්වාසය නිසා ගොඩනැගුණු මානසික ආතතිය, අවසානයේ ක්ෂණික හෘදයාබාධ ඇති කරවන්නටත්, මරණයටත් හේතු පාදක වෙන්නට ඇති බව පර්යේෂකයන් නිගමනය කළා.
…………………………………………………………………………………………………………………………………………………………………………………………………………………………
තවත් මේ වගේ ලිපි කියවන්න A/L පන්තිය Facebook page එකට එකතු වෙන්න.