ඩයිනෝසෝරයන් වඳ වී යාමෙන් පසු පොලව මත සිටී වඩාත් භයානකම, විලෝපික කුරුල්ලා – terror bird (පරිසරය හා ස්වභාවධර්මය)

ඔවුන් උසින් අඩි 3 සිට අඩි 10 දක්වා වැඩෙන අතර ඉතා නම්‍යශීලී හා සංවර්ධිත බෙල්ලක් ඇති අතර එය ඉතා වේගයෙන් හා ලොකු බලයක් සහිතව පහර දීමට යොදා ගෙන ඇත. ඔවුන්ට කෙටි බෙල්ලක් ඇති බව පෙනෙන්නට තිබුණද, එහි නම්‍යශීලී ඇටසැකිලි ව්‍යුහය මගින් අපේක්ෂිත මට්ටමට වඩා පුළුල් විය හැකි බවත්, උගේ උස භාවිතා කරමින් ගොදුර බිය ගැන්විය හැකි බවත්, එමඟින් වඩාත් පහසුවෙන් පහර දීමට ඉඩ සලසන බවත් විද්‍යාඥයන් ප්‍රකාශ කරයි.

හිස සම්පූර්ණයෙන්ම පහලට දිගු කළ විට, එහි වර්ධනය වූ බෙල්ලේ මාංශ පේශි සහ බර හිස නිසා ගොදුරට මාරාන්තික හානියක් සිදු කිරීමට, ප්‍රමාණවත් වේගයක් සහ ශක්තියක් ලබා ගත හැකි බවද කියවේ.

මීට වසර මිලියන 2.7 කට පෙර පැනමාව ආසන්නයේ සිටී සුනඛයන්, වලසුන් ඇතුලු මාංශ භක්ෂක සතුන් උතුරු ඇමරිකාවෙන් දකුණු ඇමරිකාවට ඇතුළු වීමට පටන්ගත් විට එම සතුන් අතර ආහාර සදහා තරඟකාරිත්වය වැඩි වි ඇත. එම නිසා ඒ කුරුලු ජනගහනය පහත වැටුණු අතර, අලුතෙන් පැමිණි විලෝපිකයන් සමඟ තරඟ කිරීමට අසමත්වීම ඔවුන්ගේ වඳවීමට ප්‍රධානම හේතුව වූ බවට විශ්වාස කෙරේ.

2016 දී පැටගෝනියාහී තිබී එම සතෙකුගේ හිස් කබලක පොසිලයක් සොයා ගත් අතර එය අඩි 2.5 ක් පමන උසකින් ද, හොට අඩි 1.5ක දිගකින්ද සමන්විත වී ඇත. හොට රාජාලියකුගේ මෙන් වක්‍රාකාර වී ඇත. ඔවුන්ට පැයට කිලෝමීටර් 30ක පමන වේගයකින් ගමන් කල හැකි අතර ගොදුර වෙත හොටෙන් එල්ල කරන ප්‍රහාරයකින් ගොදුරේ හිස් කබල කුඩු වී යා හැකි තරම් දරුනු බලපෑමක් කල හැකිබව පක්ෂීයාගේ පොසිල අධ්‍යයනය කිරීමෙන් විද්‍යාඥයන් අනාවරණය කරගෙන ඇත.

උපුටා ගැනීම: රාම් වණා