සත්‍ය සිදුවීමක් !!!!
අපේ අක්කාත් ඩෙල්ටා ටොෆිත් අතර ඇත්තේ පුදුමාකාර තරහකි අදටද ඩෙල්ටා ටොෆි දකින විට ඈ ඒ මායිමකින්වත් යන්නේ නැත. එකදාස් නවසිය බර ගනන් වල ආපු ඩෙල්ටා ටොෆි කාලයක් අතුරුදන් වී තිබී නැවත කරලියට ආවේ අනූ ගනන් වල අන්තිම වසර වලය අපේ කඩේට ඒ ඩෙල්ටා විකිනීමට ලබාගෙන තිබුනි
පාසල නිමවී ගෙදර යන අතරතුර කඩයට ගොඩවී බීම බෝතලයක් සමග තව මොනවා හෝ කෑමට ගෙනයාම මාගේත් අක්කාගෙත් සිරිතය.එදින අම්මා කලින් එනවා කිවු බැවින් අපද කඩේ සිටීමට සිතාගත්තේය.ඔන්න කතාව මෙතන් සිටය.අතුරුදන්ව තිබූ ඩෙල්ටා අප කඩයටද ලැබී තිබෙන දුටු මගේ අක්කා රත්තරං පාට ටොෆි දෙකතුනක් අරගෙන කඩය පිටුපසට ගොස් කන්නට පටන් ගත්තේ රස වැටුන නිසාමය.ඇය කොහොමත් පැනි රසට පෙරේතය නැවත ගොස් බෝතලයට අත දමා ටොෆි ගෙනැවිත් මට පෙන්නවින් කන්නේ අමු පෙරේතියෙක් ලෙසටය. ඒ අවස්ථාවේ අපේ අප්පච්චි හමුවීමට කුමක් හෝ ආයතනයක ඉහල නිලධාරීයෙක් පැමින සිටි අතර ඔවුන් කතා බහ කරන අතර තුර මැය සැරින් සැරේ ගොස් ටොෆි බෝතලය අත දමා ටොෆි ගෙනැවිත් කන්නේ මා හට පෙනෙන්නටය.සමාජයේ පිලිගැනීමක් ඇති ව්‍යාපාරිකයෙක් ලෙස මගේ අප්පච්චි නම් දරාසිටියේ ඔහුගේ ඇති මහත්මාගති නිසාය.මෙම නිළධාරියා ඉදිරිපිටදී මගේ අක්කා හැසිරුනු ආකාරය අප්පච්චට ඇල්ලුවේ නැත ඔහුට ලැජ්ජවක් ඇති වූ බව මට තේරුනේ දෝනී මෙහේ එනවා කිවූ විටය.
කනෙන් අල්ලා මොකද්ද ඒ කරපු පෙරේත වැඩේ කියමින් කනින් අල්ලගෙන කඩේ බිම වාඩි කරවා මුලු ටොෆි බෝතයලම පත්තරයක් මතට හලා කපිය ඔක්කොම කාපිය කියල අගල් බාගේ එස්ලෝන් බටයකින් ගුටියක් දෙකක් තලමින් කැව්වේ අප්පච්චිට ඇතිවූ ලැජ්ජවා නිසා විය යුතුය. ටොෆි පැකට් තුනක් පමණ එතන තිබුනා මතකය අඩ අඩා ටොෆි කන අක්ක ගැන මා හට පුදුම සතුටක් ඇති විය.ටික වේලවක් පසු අප්පච්චි කිව්වේ මේ ඔක්කොම කාලා මිසක් නැගිටින්න එපා කියලා බැන බැන කඩේ වැඩ කරන්නට විය.මා හට සහෝදර ප්‍රේමය ඇති විය මා හොරෙන් කලිසම් සාක්කු දෙක පුරවා ගෙන කඩේ පිටුපසට ටොෆි විසිකර නැවත එන්නේ ආයෙත් එසේ කරන්නටය දෙතුන් වතාවත් එසේ කරද එය ඉවර කරන්ට බැරි විය.
දැන් මේකිට කන්නටත් බැරිය මා කන්නට කැමති නැත ඒ මේ අතර අම්මා වැඩ ඇරී කඩයට පැමිනෙන්නේ අක්කා බේරා ගැනීමට පැමිනෙන දෙවියෙක් ලෙසටය.අප්පච්චි අම්මටද නෝක්කඩුව කියා බැන තව කාපිය කියමින් අක්කට බනින විට අම්මා හරි මහත්තයෝ මම ගෙදර එක්කන් ගිහින් කවන්නම් කියලා ගෙදර එක්කරගෙන ආවේ අර ටොෆි ටිකද පත්තයේ ඔතාගෙනය.අම්මා ඒ ටොෆි පාර්සලය ගැංගිවේ අප්පච්චි දැක්කොත් ආයෙත් අක්කට බනී කියා සිතාය.පසු කලෙක අල්මාරිය අස් කරන විට එම ටොෆි පාර්සලය හමු උනේ අවුරුදු ගානක මතකය ආපස්සට ගෙන යාමෙනි. මේ සිදවීම වන විට අප දෙදෙනාම පොඩි උනය අක්කට අවුරුදු 7 ක් පමණ වන්නට ඇත මා අවුරුදු 6පමණ කිරිසප්පයෙකි නමුත් අප්පච්චිගේ දඩුවම් ඒ තරම් දරුණුය අදටත් මතකය.අක්ක අදටත් ඩෙල්ෆා ටොෆි දකින්නටවත් කැමති නැත තවත් කතා පසුව ලියනම්.
සමාවෙන්න මම රසකරලා ලියන්න දන්න කෙනෙක් නෙවෙයි සත්‍යසිදුවීම් ටිකක් ආතල් එකට ලිව්වේ අක්කාද අවශ්‍ය නම් මෙන්ශන් කිරීමටද හැකිය
උපුටා ගැනීම: Amila Dushyantha Gunawardhana