දවල් හීන (වැල් වටාරම්)

එහි ඇති නරක හා නුසුදුසු දේ පිටුදැකීමටත් නොහැකි නම්

අපට තනි තනිව හෝ

පවුලක් ලෙස හෝ

සමාජයක් ලෙස ඉදිරියට යාම කිසි සේත්ම පහසු වන්නේ නෑ.

ගෙදරින් පිට ගොස් නිවසට ඇතුළුවනවිට තමුන්ගේ ඇඳුම් ආදිය ඉවත්කොට පිරිසිදුවී නිවසට පැමිණීම

අතට මුදලක් හම්බුවුනු ගමන් ඉදිරිය ගැන සිතා තමන්ට අවශ්‍ය ආහාර බේත් වැනිදේ සැලසුම් සහගතව රැස්කර ගැනීම

පිටත අය සමඟ ගතකරන කාලය හැකිතාක් අඩුකරගෙන තමුංගෙ පවුලෙ අය සමඟ ඒ කාලය සතුටින් හා ප්‍රයෝජනවත්ව ගතකිරීම

අපට පහසුවෙන් සොයාගතහැකිව තිබූ නමුත් පෙරදී නොසැලකූ

ආහාර වැනි දේ සකසුරුවම්ව භාවිත කිරීම හා ආහාර නාස්තිය යම් තරමකින් අවම කරගැනීම

දුම්වැටි මත්වතුර රස්තියාදුව වගේ දේ අඩුවෙන්ම කරලත් අපට ඉන්න පුලුවන් බව

වගේ තවත් බොහෝ දේ අපට කොරෝනාවෙන් නැවත මතක් කරල දුන්නනේද.

ඉතිං කොරෝනාව හැම පැත්තෙන්ම නරකයි කියන්නත් අමාරු නේද..

ඩෙංගු හා කුණු ප්‍රශ්නෙන් කොටසක් බලමු..

ඩෙංගුවලින් බේරෙන්න ප්ලාස්ටික් බෝතල් පොල්කටු වාගෙ ඒව පොළොවෙ වලලන්න කියල ටීවී එකේ කාලයක්ම උපදෙස් දුන්න …

ඒත් එහෙම කලාම පසට හා අනික් දේට වන හානිය ගැන ඒගොල්ලන්ට මතක් වුනේම නෑ…

පොල්කටු වලින් බොහෝ වැඩ ගන්න පුලුවන් . එහෙම බැරිනම් ඒව එකතු කරන අයට විකුනන්න…

ප්ලාස්ටික් බෝතල්වලින් කරන්න පුලුවන් දහසක් දේ ගැන යූ ටියුබයෙන් බලන්න පුලුවන් ..

නැතිනම් ඒක ගැටළුවක් කියල හිතන්න ..ඔබට නිර්මාණාත්මක බොහෝදේ කල්පනා වෙයි..

බෝතල් කපල ඒවයෙ පැළෑටි විවිධ අයුරින් හිටවන්න පුලුවන් ..

ටිකක් ලොකු ප්ලාස්ටික් බෝතල් කෑන් කපල ඒවයෙ ගස් හිටෝල

තාප්පවල ගස්වල බිම හිටුවන්න පුලුවන්

ගොඩක් අත්කම් නිර්මාණ මේවගෙ දෙයින් හදන්න පුලුවන් .

පාත්ති හදන්න පේලියට හිටෝල සීමාව පෙන්නන්න පුලුවන්

හොදාපාළුව වලකන්න ඒ තැන්වල වැටි ලෙස වලලන්න හෝ පස් පුරෝල අලංකාර වැටි හෝ කෙටි තාප්ප බඳින්න පුළුවන් …

දහසක් දේ කලෑකි..මේ ලීවෙ පොඩි උදාහරණයක් පමණයි හොඳේ..

හෝමෝ සේපියන්ල මේ දියුණුව ලබා ගත්තෙ හැමදේම හොඳින් තිබුනු කාළෙ නම් නොවේ…

ගැටළු අභියෝග දුෂ්කරතා එන්න එන්න ඒ අයට ගොඩක් හානි වුනා..

ඒවයිං පාඩම් ඉගෙනගෙන

ඒව අත්දැකීම් කරගෙන විසඳුම් කල්පනා කරල

ඒව අත් හදාබලල

ඒව දැනුම

සිරිත් විරිත්

ඖෂධ

උපකරණ වගේ දහසක් දේට හරෝල ..

ඒව ජීවන පුරුදු ලෙස ක්‍රියාත්මක කරලයි

මිනිස්සු කියන අය හැදුනෙ ..

මේ මොන සන්තෑසියක්ද වුනේ…

අපි ඉවරෝ

වගෙ මොඩලයෙ ඉතාම සෘණාත්මක දෑ මේ කාලෙ හරියට ජනගත කරනව..

ඒකෙන් ආතල් ගන්නව. ( ඒකට කියන්න ඕනෙ නියම වචනෙ ඒක නේද )

ඒ අතරෙ එක් එක් පිල් හා මතවාද බදාගෙන

මං හරි අනෙකා වැරදි කියල හිතල

කා කොටා ගන්නව..

වෛරය ක්‍රෝධය ඊර්ෂ්‍යාව මිත්‍යාව මෝඩකම ලෝභය

අන් අයගේ විපත බලා ඒ තුළින් අනාගතයේ තමන්ට වාසිවේයයි සිතා ඒ විපතේදී සතුටුවීම

වගෙ තේමා රැගත් සටහන් කීයක් ඔබේ මොබයිලයේ ඉහල පහල යනවිට ඔබට පේනවද කියල ඔබ නිකමටවත් හිතුවද…

මේ මූණුපොතේ එහෙම ඉහල පහල යනකොට තියෙන පෝස්ටු පණහක් වෙනකම් ගණන් කරන අතරේ

ඔබව දිරිමත් කරවන දෙයක් තියෙන ඒව කීයක් තියෙනවද කියල ගණන් කරල බලන්නකො..

මං පොඩ්ඩකට ඉස්සෙල්ල කීව සැම්පලේ ඒව ලියන අයගෙ නම් බලන්නකො..

දවස් දහයක් පහලොවක් ඒ ගැන සෝදිසියෙන් ඉන්නකො..

ඒ අය නිතරෝම ඒවයෙ ගිලී නානව ඔබට පෙනෙයි..

ඔබට ඒ අයගෙ හිත් ඇතුලෙ හා

හදවතේ තෙරපී තියෙන ජුගුප්සාජනක දේ පෙනෙයි..

වැඩේ කියන්නෙ ඔවුන්ගෙන් බොහෝ අය සාම්ප්‍රදායිකව අපවිසින් කිසියම් ගෞරවයකින් සලකන සාමාජීය තත්වයන්වල සිටි හෝ සිටින අයවීමයි…

ඔබ හිතන හැටි කවුරුවත් ඔබට පොවන්න ඕනෙ නෑ..

මනුස්සයෙක් විදියට ඔබට හොඳ නරක තේරෙයි..හොඳ අරගෙන නරක නොසලකා හරින්න..අමතක කරන්න.

මේ ලියන මගේ දහසක් අඩුපාඩු පේන්නෙත් ඔබටමයි..

මං කැමතියි මට නොතේරෙන ඒවගෙ සුළු දෙයක් හෝ ඔබ ඕනෑම වෙලාවක මට පෙන්නල දෙනව නම්..

මගෙ ලිපි දිග වැඩියි තමා..

ඒත් කෙටියෙන් කීවාම මං කියන්න හදන දේ නොතේරී

උදාහරණවල එල්ලිලා මං හිතුවෙවත් නැති

වෙනස්ම දෙයක් තෝරගන්න අයත් ඉන්න පුලුවන් හංදයි

මහදිග කතා ලියන්නෙ.

අයිතිවාසිකම් අනුංගේවන පිංතූරු අන්තරජාලෙං

උපුටා ගැනීම:  Gamine ranasinghe