මහනුවර ශාන්ත අන්තෝනි විදුහලේ අධ්‍යාපනය අවසන් කල වහාම මාගේ බලාපොරොත්තුව වූයේ රැකියාවක් ලබා ගැනීමයි. ජේෂ්ඨ විභාගයට විශයක් ලෙස ගනිතය විශය හදාරා තිබීම නිසාත් පාසලේ ආදි ශිෂ්‍යයෙකුගේ උපකාර ලැබූ නිසාත් රජයේ මිනුම් දෙපාර්තමේන්තුවේ මා මුල්ම පත්වීම ලබන විට වයස යන්තම් විස්ස ලැබුවා පමණය.
මාස දහ අටක පුහුනුවකින් පසු අප හත් දෙනෙකු කන්ඩායම් හතක් බාරව අලුතින් ඇරඹූ ගල් ඔය ව්‍යාපාරයේ මැනීම් කටයුතු සදහා යොමු කරනු ලැබිනි
.
1949 වසරේ නොවැම්බර් මස අවසන් ඉරිදා දින කොලඹින් පිටත් වූ අප ගල් ඔය ව්‍යාපාරයේ මූලස්ථානය වූ මද්‍යම කදවුර වෙත අප ලගා වූයේ සක්‍රිය වූ නිරිතදිග මෝසමේ මොර සූරන වැස්සේ මද්‍යම රාත්‍රියේය.
කඩි ගුලක් සේ ඇවිස්සුනු කදවුර තුල පසුදින සිටම වැඩ ඇරඹූ අප මුල් දින තුන ගතකලේ ප්‍රධාන මිනින්දෝරු ස්ටීවන් මහතා යටතේ සිතියම් අද්‍යනය කරමින් හා මැනුම් කටයුතු කලයුතු ප්‍රදේශ හදුනා ගනිමිනි.
ප්‍රධාන සිතියමේ රතු පැහැයෙන් වටකල වර්ග කිලෝමීටර් තිහක පමන ප්‍රමානයක් පෙන්වූ ප්‍රධාන මිනින්දෝරු තැන
” මේ කොටස ලබන ජූනි මාසය වෙනකන් මැනුම් කරන්නේ නෑ. ඒ වගේම කිසිම කෙනෙකුට ඒ කොටසට ඇතුල් වෙන්නත් බැහැ. මගෙන් ඒ ගැන අහන්න එපා. ඒක ඉහලින්ම ආපු නියෝගයක්”
ඒ පිලිබදව ඉන් පසු කිසිදු කතාවක් නොවූ අතර කදවුරෙන් විමසූ අපිට දැනගන්නට ලැබුනේ එම ප්‍රදේශයට වෑන් රතයකින් රැවුල වවපු සුද්දෙක් වගේ එකෙක් තව දෙන්නෙක් එක්ක යන බව පමණි
තුන් වන දින අවසානයේ අප කන්ඩායම් වලට ප්‍රදේශ බෙදා දුන් අතර මගේ කන්ඩායම නැවතත් මල්වත්ත හරහා කල්මුණයට රැගෙන යනු ලැබීය. එතැන් සිට නට්පෙට්ටිමුනයි වෙත ගිය අතර මඩකලපුවේ පහල කොටසින් තෙප්පමක නැගී කිට්ටංගි වෙත ලගා වීමු. අනතුරුව ගන කැලෑව තුල වූ අපගේ මැනුම් ප්‍රදේශයට පා ගමනින් පැමිනියෙමු.
මෙම ප්‍රදේශය වර්තමානයේ නාවිතන්වෙලි ප්‍රදේශයයි.
මමත්, කිරිබන්ඩයියා හා පුන්චිමහත්තයා යන සිංහල තරුණයන් දෙදෙනාත්, මාරිමුත්තු හා වේලයියා යන දමිල තරුණයන් දෙදෙනාත්, ආදම් බාවා නම් මුස්ලිම් ජාතිකයාත් ඇතුලු කන්ඩායම හය දෙනෙකුගෙන් යුතු විය.
කැලය එලි පෙහෙලි කර කදවුරු ගසා ගැනීම සදහා තවත් දින දෙකක් ගතවිය.
එතැන් පටන් අප මැනුම් කටයතු ඇරඹූ අතර ජනපද පිහිටවිය යුතු ප්‍රදේශ, කුඹුරු සදහා වෙන්කල යුතු ප්‍රදේශ, හා ඇලමාර්ග සදහා මැනුම් කිරීම අපගේ ප්‍රධාන රාජකාරිය විය. දින හතරකට වරක් කල්මුනේ හරහා අපට අවශ්‍ය ද්‍රව්‍ය එවනු ලැබීය.
ඊට අමතරව කිරිබන්ඩයියාගේ ඉලක්කයට හසුවන මුවන්, ගෝනුන් හා වල් ඌරන් අපගේ මස් අවශ්‍යතාව අඩුවක් නැතිව සපුරාලීය.
ගෝනෙක් මුවෙක් දඩයම් කල දිනවල මස් හට්ටිය ලගින් හෙල්ලෙන්නේ නැති ආදම් බාවා ඌරෙක් දඩයම් කල දිනවල සම්පූර්ණයෙන් ශාකභක්ශක වන අතර හට්ටිය හෝදන තෙක් කදවුර පලාතට එන්නේ නැත.
දිනපතාම කිරිබන්ඩයියාගේ ඉලක්කය සක්‍රිය වීමත් දඩයම අපගේ විනෝදාශයක් වීමත් නිසා අප වෙත ලැබෙන මස් තොග විශාල විය.
ඉවුම් පිහුම් කටයුතු හා ඉතිරි වන මස් තීරු කර වියලා තැබීම වේලයියාගේ රාජකාරිය බවට නිතැතින්ම පත් විය.
දිනක් හවස් වරුවේ කලබලෙන් මාවෙත පැමිනි වේලයියා
” යේක ඔක්කොම වේලෙන්ට දාපු මෂ් කේලි ටික හොරකම තමා කරලා තියනවා”
දිග චෝදනා පත්‍රයක් කියවන්න විය.
අප කන්ඩායමම එකතුව පරීශා කලත් මස් තීරු හොරකම් කල කෙනෙක් හෝ ඒ පිලිබද සලකුනක් හෝ සොයාගත නොහැකි විය.
දින කිහිපයකට පසු නැවතත් මේ දෙයම සිදු වූ අතර කිසිදු හෝඩුවාවක් නොවීය. මේ මස් තීරු හොරකම කිහිප විටක්ම සිදු වූ අතර ඇතැම් විට කදවුරේ වූ සමහර ආහාර ද්‍රව්‍යද ඒ සමගම නැති වන්නට විය.
මස් තීරු නැත්වීම පිලිබදව වේලයියා මෙන්ම කිරිබන්ඩයියා හිටියේ දැඩි කෝපයකිනි. හැඩි දැඩි ශරීරයකින් යුතු කිරිබන්ඩයියාට එය අවමානයක් විය.
මස් තීරු හොරකම් කරන එකා අහු උනොත් උගේ මසුත් මෙතනම වේලන බවට කිරිබන්ඩයියා ශපත කලේ ය.
මේ සියල්ල සිදු වූයේ අප සියලු දෙනා මැනුම් කටයුතු සදහා බැහැර ගිය විටය.
මේ ආකාරයට සති කිහිපයක්ම ගෙවුනු අතර අත්‍යවශ්‍ය මැනුම් උපකරණ කිහිපයක් රැගෙන ඒමට මා හට මාරි මුත්තුත් සමග නැවතත් මද්‍යම කදවුර වෙත යාමට සිදු විය.
එදිනම සවස් යාමයේ ආපසු කදවුර වෙත එනවිට අප දුටුවේ කදවුර තුල කලබල කාරී තත්වයකි.
අප දුටු වහාම අප වෙත පැමිණි කිරිබන්ඩයියා
“සර් මස් හොරකම් කරලා තියෙන්නේ පිසාචයෝ දෙන්නෙක්. අපි උන්ව මැරුවා අන්න මලකුණු දෙක තියනවා”
මා වහ වහා ඔවුන් පෙන්වූ තැනට ගියෙමි.
වසා තිබූ පොල් අතු කැබලි ඉවත් කල ඔහු.
“මේ තියෙන්නේ”
ඇත්තෙන්ම එම මලකුණු දෙක දුටු විට මටද ඇතිවූයේ තිගැස්මකි.
අඩි හතර හමාරක් පමන උසැති එක මල සිරුරක් පිරිමි වූ අතර අනෙක ගැහැනියකි. නෙරා ගිය උදරයෙන් ඇය ගැබිනියක් බව පැහැදිලි විය. අප සාමාජිකයින්ගේ පහරදීම් නිසා හිස් කබල් පිටු පසින් පොඩි වී තුබුන මුත් මුහුණ හදුනාගත හැකි මට්ටමේ විය.තරමක් දිගැටි මුහුනකුත් උල්වූ රදනක දතුත් සහිතවූ ඔවුන්ගෙන් ගැහැනු සත්වයාගේ තරමක් දිගට වැඩුනු කේශ කලාපයක්ද විය. මිනිසෙක්ද වදුරෙක්ද නැතිනම් දෙගොල්ලගේම කලවම් සතෙක්දැයි කිව නොහැකි ලක්ශන උන්ගේ විය.
“සර් වේලයියා මස් තීරු වේල වේලා හිටියේ එකපාරටම පිරිමි යස්සයා කොහෙදෝ ඉදලා ඇවිත් ඇගට පැනලා හපන්නයි සූරන්නයි පටන් ගත්තා. එතකොටම ගෑනිත් ඇගට පැන්නා.”
“කරන්න දෙයක් තිබුනේ නැති හින්දා මම සවල අරන් ගෑනිගේ ඔලුවටම දුන්නා. ඒකි එතනමයි. “
“ඒ පාර මේකා දත් විරිත්තාගෙන මගේ ඇගට පැන්නා. මම එකපාරටම අහකට පැනලා අනිත් පැත්ත හැරිලා දෑත බදලා සවලෙන්ම ඌටත් දුන්නා මොලකෑලි විසි වෙන්ටම”
“ඇත්තටම සර් මුං මොක්කුද, පිසාචයෝ නේද ?”
“මොක්කුද කියන්ට දන්නේ නෑ ඉක්මනට මුංව වලලලා දාපල්ලා”
වේලයියා ඊට තදින්ම විරුද්ධ විය.
“වලලංටනම් එපා ෂර්, මුන්ට රේට පණ එවිල්ලා අපිව මරං කයි. පුච්චන්ඩ ෂර් පුච්චන්ඩ.”
“හරි හරි මොනවා හරි කරලා මේක ඉවරයක් කරනවා.”
එයින් පසු මස් හොරකමක් සිදු නොවූ අතර මේ සිද්ධිය කිරිබන්ඩයියා අපගේ භාන්ඩ සැපයූ අයටද රස කරමින් විස්තර කරනු ලැබුවේ ලුණු ඇබුල්ද එකතු කරමිනි
ගත වූයේ දින කිහිපයකි
හදිසියේම මා හමුවට පැමිණි පනිවුඩ කරුවෙක්.
” සර් කල්මුනේ ට ජිප් එකක් එවලා තියනවා මේ දැන්ම අම්පාරේ දිසාපති තුමා මුනගැහෙන්න යන්න කිව්වා.”
සියලු වැඩ නතර කල මා දිසාපති හමුවීමට ගියෙමි.
“මිස්ටර් සේරසිංහ” ” මම හරිද ?”
“ඔව් සර්”
“බුද්දාගමේද ” ?
“නෑ සර්, රෝමන් කැතලික්”
“ඒක හොදයි, මට ඇත්තම දැනගන්න ඕන”
“මොකක් ද සර් ?”
“කැලෑවෙදි අමුතු විදියේ සත්තු දෙන්නෙක් මැරුවද, නිකන් මිනිස්සු වගේ ” ?
“ඔව් සර්”
“විස්තරය කියන්න”
“බුද්දාගම් කාරයෝ නම් කිව්වේ පිසාචයෝ කියලා. උල් දත් තියනවා මූණු අමුතුයි” ගෑනු එකා නම් පැටවු ගහන්න වගේ හිටියේ”
“මයි ගෝඩ්.. උන් කොහෙද වැලලුවේ.”
“වැලලුවේ නෑ සර් පුච්චලා දැම්මා”
“චා…චා… චා.. ඔක්කොම ඉවරයි”
“ඇයි සර්”
“නෑ…. නෑ…. මිස්ටර් ආපහු යන්ඩ.” මේ ගැන කාටවත් කියන්ඩ එපා”
මා වික්ශිප්තව කදවුරට පැමිනි අතර ඊලග සතියේ අපට ලැබුනු පනිවුඩය වූයේ සිතියමේ රතු පැහැයෙන් ලකුනු කල ප්‍රදේශයේද මැනුම් කටයුතු හදිසියේම ඇරබූ බවයි.
කාලය සති මාස අවුරුදු වලට ගතවූ අතර වසර දෙකක සේවා කාලයකින් පසු මා කොලඹ ප්‍රධාන කාර්‍යාලයටත් ඉන් පසු විදේශ පුහුනු පාටමාලාවක්ද ලබා විධායක නිලධාරියෙකු ලෙස විශ්‍රාම ගතිමි.
විශ්‍රාම යාමෙන් පසු මාගේ බාල පුතුගේ කුන්ඩසාලේ පිහිටි නිවසේ නතර වීමි.
*******……….******……….******
1998 වසරයි. හදිසියේම මාගේ නමින් විදුලි පණිවුඩයක් නිවසට ලැබිනි.
“සේරසිංහ මහතානෙනි. 28 වැනි සෙනසුරාදා දින හන්තාන ජාතික අද්‍යාපණ ආයතනයේ පවත්වන මාගේ දේශනය සදහා ඔබේ පැමිනීම ගවුරවයෙන් අපේක්ශා කරමි. ඔබ සදහා විශේශ අසුනක් වෙන්කර ඇත”
මහාචාර්ය ජෝන් ස්ටැෆඩ් සේව්‍යර්, මාණව විද්‍යා අංශය, සූරීච් විශ්වවිද්‍යාලය.
මට මෙය අගක් මුලක් තෝරාගත නොහැකි වූ අතර කුමක් හෝ වන්නට ඊට සහබාගී වීමට තීරණය කලෙමි.
එදින ජාතික අද්‍යාපණ ආයතනයේ දේශන ශාලාව අතුරු සිදුරු නැතිව පිරී තිබුනු අතර වැඩි පුරම සිටියේ පේරාදෙණිය විශ්වවිද්‍යාල සිසුන්‍ ය.ඉදිරි පෙල අසුනක් මා වෙනුවෙන් වෙන්ව තිබූ අතර බොහෝ දෙනෙක් දැඩි උද්‍යෝගයකින් ඔහුගේ දේශනය බලාපොරොත්තු වන බව පෙනින.
මද්‍යම ප්‍රමාණයේ උසකින් යුතු සුදු පැහැති මදක් වැඩුනු රැවුලකින් යුතු සව්‍යර් මහතා වයස අවුරුදු හැත්තෑ අටක් පමන වන ප්‍රියමනාප පෙනුමෙන් යුතු අපූරු පුද්ගලයෙක් බව ඔහු දුටු මුල් අවස්ථාවේම මට හැගිනි.
දේශනය ඇරඹුනු අතර එය ඉතා හරබර හා උද්‍යෝගකර දේශනයක් විය. මාණව විද්‍යාව පිලිබදව මෙන්ම ඊට අනුබද්ධිත වෙනත් මාතෘකා ඔස්සේ නිදහසේ ඇදී ගිය දේශනය පැය දෙකකට අධික කාලයක් ඇදී ගියේ අපටත් නොදැනීමය.
ප්‍රේක්ෂකයන් හට නිදහසේ ප්‍රශ්ණ ඇසීමට ඉඩ ලැබුනු අතර ඉන් උපරිම ප්‍රයෝජන ගත්තෝ විශ්වවිද්‍යාල සිසුන්ය.
හදිසියේම වැඩසටහන අතරමැද නතර කල ඔහු,
“දැන් මගේ දේශනය සම්පූර්ණයෙන් වෙනස් පාරකට හරවනවා, මේ අලුත් දේශනයේ ශාක්ශි කරු විදියට ඉදිරි පේලියේම ඉන්න සේරසිංහ මහත්මයාට වේදිකාවට ගොඩ වෙන ලෙස බොහොම ගවුරවයෙන් ඉල්ලා සිටිනවා”
සිදු වන්නේ කුමක්දැයි සිතාගත නොහැකි වූ මා යාන්ත්‍රිකවම වේදිකාවට ගොඩ් වීමි.
“ඔබේ පැමිනීමට බොහොමත්ම ස්තූතියි මහත්මයා, අපි වැඩිය කාලයක් ගන්නේ නැතිව කථාවට බහිමු.
“ඔබතුමා ගල් ඔය ප්‍රොජෙක්ට් එකේ වැඩ කරන කොට සවල් පාරවල් වලින් මැරුණු පිසාචයෝ දෙන්නාගේ විස්තරය අපිට කියන්න පුලුවන්ද ?.”
වික්ශිප්තව මද වේලාවක් සිටි මා අප ලද අත්දැකීම හැකි උපරිමයෙන් විස්තර කලෙමි.
” අන්තිමට මලකුණු දෙක පුච්චලා දැම්මා එහෙම නේද ? “
“ඔව් මහාචාර්ය තුමා, පිසාචයෝ කියලා හිතපු නිසා වලලන්න කිසිම කෙනෙක් කැමති උනේ නැහැ.”
“ඔව් නමුත් ඔබලා පුලුස්සලා දැමුවේ මිල කල නොහැකි සජීවී නිදර්ශක දෙකක්, ඒ පිසාචයෝ නොවෙයි, ලංකාවේ… නෑ මුලු ලෝකෙටම හිටපු අන්තිම නීට්ටෑවෝ දෙන්නා, ඒ වගේම අන්තිම හෝමෝ ඉරෙක්ටෙස් මානවයෝ දෙන්නා” ඒ ඔක්කොටෝම වඩා මාණව පරිණාමය කියන වැල් වටාරම පල් බොරුවක් කියලා ඔප්පු කරන්න අපිට තිබුනු හොදම සජීවී නිදර්ශක”
දේශන ශාලාව මීයට පිම්බාක් මෙන් නිහඩ විය.
අන්ද මන්ද වූ මා මහාචාර්ය වරයා දෙස බලා සිටියේ අරමුණකින් තොරවය.
“හොදයි කතාවේ මුල් කොටස මම කියන්නම්”
“ගල් ඔය ප්‍රොජෙක්ට් එක පටන් ගන්න ඔන්න මෙන්න කියලා තියෙනකොට අපිට දැනගන්න ලැබුනා වදුරු මිනිස්සු දෙන්නෙක් කැලේ ඉන්න බව. එතකොට මම කොලඹ විශ්වවිද්‍යාලයේ කනිෂ්ඨ කතිකාචාර්‍ය වරයෙක්”
මදක් නතර වූ ඔහු
“අපි කට්ටියක් කැලේට ඇවිත් කදවුරු බැදගෙන මෙයාලාව හෙව්වා. ඇත්තටම අපිට ඔවුන් මුන ගැසුනා, අපි ලගින්ම ඔවුන්ව අද්‍යනය කලා. වරක් ඔවුන් දෙදෙනා ම කූඩුවකට කොටු කර ගෙන හොද අද්‍යනයක් කලා. ඔවුන් හෝමෝ ඉරෙක්ටෙස් මානවයන් බවට ඕනෑවට වඩා ශාක්ශි එතන තිබුනා. නමුත් ඔවුන් ඉතාම ආක්‍රමණශීලීයි. ගැහැනු සත්වයා ගැබ්බරව සිටි නිසා අපි තීරණය කලා දරුවා ලැබෙන තෙක් ඊලග අවුරුද්දේ මාර්තු දක්වා ඔවුන්ව කැලයේම තබන්න.
මොකද ගැබිනි සත්වයාට පරිසරය මාරු කිරීම ගැටලුවක් විය හැකි නිසා.
නමුත් ඊට මාස දෙකකට විතර පස්සෙ කඩිනම්ව ගල් ඔය ප්‍රොජෙක්ට් එක පටන්ගත්ත නිසා අපි ලොකු අමාරුවක වැටුනා. නීට්ටෑවෝ දෙන්නා ඊට පස්සේ අපි ඉන්න පලාතකට ආවේ නැහැ. ඒ නිසා ඔවුන් අල්ලාගන්න ක්‍රමයක් නැති උනා.
අපිට තිබුනු එකම විකල්පය තමයි ඔවුන් ගැවසෙන ප්‍රදේශය පැටවා ලැබෙන තෙක් ආරක්ෂා කරලා තියන එක,
පැටවා ලැබුනාම ඔවුන්ගේ සංචරන සීමාව අඩු වෙනවා.
එතකොට හොයාගෙන ආරක්ශිත තැනකට ගෙනියන්න පුලුවන්”.
අපි අගමැති තුමාව දැනුවත්කරලා දැනට මන්ඩූර් කියන ප්‍රදේශයේ ඉදලා කරදියනාරු ප්‍රදේශය දක්වා තාවකාලිකව වෙන්කර ගත්තා.”
මද වේලාවක් නිහඬව සිටි ඔහු
“නමුත් ඔක්කොම වතුරේ ගියා”
ශාලාවම සුලු මොහොතක් නිහඩව පැවතුනි.
සබා ගැබේ පිටුපසින් අතක් ඉහලට එසවිනි.
“නෝනා මහත්මිය” ?
” මම විශ්වවිද්‍යාල ශිෂ්‍යයෙක්”
“ඔවු ගැටලුව කියන්න”
” ඔබ තුමා කිව්වා මාණව පරිණාමය බොරුවක් කියලා. එතකොට චාල්ස් ඩාවින්ගේ පරිණාම වාදයත් බොරුවක් ද ?”
” චාල්ස් ඩාවින් කියන්නේ නොම්බර එකේ තක්කඩියෙක්”
සභාවෙන් සූ හඩක් නැගිනි
“බීගල් නැවේ රවුමක් ගිහින් ගැලපගස් දූපතේ හිටපු කුරුල්ලන්ගේ හොටේ දිහා බලලා මුලු සත්ව සංහතියේම පරිණාමය ඔප්පු කලා. මේක මුලාවක්, ලෝකයේ හැම තැනම එංගලන්තයේ යටත් විජිත තිබුනු නිසා මේ අදහස මුලු ලෝකයටම බලෙන්ම කා වැද්දුවා.”
“තවමත් ඇටසැකිල්ලක් හම්බ උන ගමන් ඒක පරිණාමයට ජෝඩු කරන්න හදනවා ඇරෙන්න අලුතෙන් හිතන්න පුරාවිද්‍යාව ඔලුව හදාගෙන නෑ.”
” නමුත් මහාචාර්ය තුමා පරිණාමයේ පූර්වජයින් වර්තමාන මිනිසාට ආසන්නම සමාන ලක්ශන දරන බව ඔප්පු කරලා තියනවා නේද, ඔබ තුමා කියන හෝමෝ ඉරක්ටස් ගේ පවා”
“මම නෑ කිව්වේ නැහැනේ”
“පැහැදිලි කරන්න පුලුවන්ද මහාචාර්ය තුමා”
“හොදයි, හෝමෝ ඉරෙක්ටෙස් වගේම ඔස්ත්‍රලෝ පිතකුස්ගේ ඉදලා හිටපු හැම මානවයෙක්ම මිනිසාට සමාන්තරව හිටපු තවත් මානව කොට්ඨාශ පමනයි. ඔවුන්ගෙන් මිනිසා පරිණාමය උනේ නැහැ. කාලයත් එක්ක ඔවුන් වද වෙලා ගියා. හරියට ඩයිනෝසරයන් වගේ. අහම්බෙන් වගේ එකෙක් දෙන්නෙක් ඉන්න පුලුවන් ඔය සීලකාන්ත් මාලුවා වගේ. මේ නීට්ටෑවෝ දෙන්නාත් අහඹු ඉතිරියක්”
“නමුත් මහාචාර්ය තුමා ආසන්න සමාන ලක්ශනත් දරනවානම් ඔවුන්ගෙන් පරිණාමය නොවුනා කියන්නේ කොහොමද”
“එහෙමනම් නෝනා මහත්මිය මට පැහැදිලි කරලා දෙනවද ගොනාගෙන් මී හරකා පරිණාමය උනාද මී හරකාගෙන් ගොනා පරිණාමය උනාද කියලා. දෙන්නටම ඕන තරම් එකිනෙකාට සමාන ලක්ශන තියනවා. කොටින්ම කියනවා නම් කෑ ගහන්නෙත් එක වගේ”
සබාවේ නැවතත් සූ හඩක් සමග සිහින් සිනහවක් ඇතිවිය.
ඉන් පසු කතාව ඇරබුවේ ඉදිරිපස සිටි තලතුනා කාන්තාවකි.
“මම වෛද්‍ය පීඨයේ කථිකාචාර්ය වරියක්. එතකොට ඔබතුමා කියන්නේ පරිණාමය බොරුවක් කියලද”
“ජීවීන් සුලු සුලු පරිණාමයන්ට ලක් වෙනවා නමුත් පරිණාම වාදයේ කියන විදියට පරිණාමයක්නම් වෙලා නැහැ”
“එතකොට බුද්ධිමත්ව මිනිසා බිහි උනේ කොහොමද ?.
“බිහි උනේ නෑ, බිහි කලා”
“කවුද බිහි කලේ” ?
“දෙවියන්”
සබාවෙන් විශ්මය දක්වන හඩක් නැගිනි.
“පල්ලියේ ඉදල ඇවිල්ල වගේ”
දඩබ්බර සිසුවෙකුගේ හඩක් පිටුපසින් ඇසිනි.
අපූරු සිනහවක් ඔහුගේ මුහුනේ ඇදිනි
“උප්පැන්න සහතිකයේ ක්‍රිස්තියානි කියලා තිබුනට අවුරුදු විස්සකින් මෙහා පල්ලියකට ගොඩ වෙලා නෑ”.
” ඔබතුමාට මේක පැහැදිලි කරන්න පුලුවන්ද “
“සත්තකින්ම”
“පලවෙනි දේ තමයි දෙවියන් කියන්නේ අභ්‍යවකාශයෙන් ආව ජීවීන් කොටසක්. ඔවුන් මිනිසා සතුන් නිර්මාණය කලා පමනක් නොව බුද්ධිමත් ජීවියෙක් විදියට මිනිසා අනිත් සතුන්ට වඩා ඉදිරියට ගත්තා.
“ඔබට පැහැදිලි කරන්න පුලුවන්ද අවුරුදු කෝටි ගනනක් නිහඩව හිටපු ලෝකයේ පසුගිය අවුරුදු දහදාහකදී එකපාරටම මහද්වීප ගනනාවකම තැනින් තැන දියුනු ශිශ්ටාචාර එක වරම ඇති උනේ කොහොමද කියලා.” ?
“ඒ වගේම පරිණාමයක් සිදු උනා නම් මිනිසුන් ගේ වගේම සතුන්ගේ අතරමැදියන් සියල්ලම විනාශ උනාද ?.”
නෑ..
“මේ සියල්ලම අහසින් පැමිනි දෙවියන්ගේ නිර්මාන. ඔවුන් අපව නිර්මාණය කලේ කාබන් මූලික සංඝටකය කරගෙන. ඒක වයිරසයේ ඉදලා දියුණු ජීවියා දක්වා පොදු දෙයක්.”
සමහර නිර්මාණ ඒවාටම දරාගැනීමට අපහසු නිසා විනාශ උනා. ඩයිනෝසරයන්, මැමත් සතුන් වගේම ඔබ කියන පූර්වජයිනුත් ඒ අතරට වැටෙනවා. තව ටිකක් කල් ගියානම් මැකෝ ගිරව්, චීනයේ පැන්ඩලාටත් ඒ ටිකම වෙනවා. අන්න එතනනම් චාල්ස් ඩාවින්ගේ ස්වභාවික වරණය ඔට්ටුයි. නමුත් එතනින් නව ජීවියෙක් ඇතිවන්නේ නැහැ.
“ඒ අතරතුර තරුණ පොලව මත ඔවුන් මිනිසාව නිර්මාණය කලා”
“අපි පොඩ්ඩක් ඉතිහාසය හා ආගමික පැත්තට හැරෙමු”
“මෙන්න මේක බලන්න, උප්පත්ති කතාව 1.26 චේදය,
“දෙවියෝ මෙසේ කීහ, අපි මිනිසා නිර්මාණය කරමු, අපේ ස්වරූපයටම”
“අපි”…. “අපේ ස්වරූපයටම”
නමුත්
“මම” මගේ ස්වරූපයටම” නෙවෙයි
“ඒ වගේම මහා භාරත කතාවේ අර්ජුන් මහා දෙවියන් වන ඉන්ද්‍ර හමු වී ආයුධ ඉල්ලා සිටියි. ඒ දිව්‍යමය යුධ රතයක්දී”
“රාමායනයේදී දෙපසින්ම දියුණු බියකරු ආයුධ භාවිතා කල අතර ඊට දෙවියන්ගේ මැදිහත් වීමක්ද ඇත”
“දකුණු ඇමරිකානු මායා හා ඉන්කා ශිශ්ටාචාර වල අහසින් පැමින තමන්ව බල ගැන්වූ දෙවියන් පිලිබද පුරාවුර්තත් ඔවුන්ගේ ශයිලමය පිලිමත් අදත් දැකිය හැකියි.”
“ඒ වගේම නයිල් ශිශ්ටාචාරයේ මිසරයේ ත් මේ හා සමාන නිර්මාණ හා කතා අපමනයි.”
“මේ දේවල් වලින් මම පැහැදිලි කරන්න උත්සාහ කලේ මේ විශිෂ්ට බලවේග එක්තරා කාලයක අප අතරම ඉදිමින් අපව බල ගැන්වූ බවයි. කාලයත් සමග ඔවුන් දේවත්වයට පත්උනා”
“ඒ වගේම ඔවුන් අපිව ඔවුන්ට අවශ්‍ය ලෙස පාලනය කරපු බවටත් ශාක්ශි දරනවා”
“ඒ මොනවාද”
සභාවේ කිහිප තැනකින්ම ඇසිනි.
“බලන්න,
“උප්පත්ති කතාව 19.1.28
දෙවියන් ඉක්මවා යන්නට උත්සාහ කල අකීකරු වූ සොඩම් හා ගමෝර නගර විනාශය”
“උප්පත්ති කතාව 19-27.28 ,
ඒබ්‍රහම් උදෑසනින් නැගිට කලින් සමිදානන් හමුවූ තැනට ගියේය, ඔහු සොඩම් හා ගමෝර දෙස බැලීය. පොලවෙන් බුර බුරා නගින දුම් කද උදුනකින් නගින දුම්කදක් මෙන් විය.
“ඒ විතරක් නොවයි නෝවා සහ ලෝක මහා ජලගැල්ම.
මේ ජලගැල්ම ගැන බයිබලයට පෙර ගිල්ගමේශ් මහා කාවයේද අපූරුවට සදහන් වෙනවා. නමුත් පෙරදිග කිසිම තැනක මේ ජලගැල්ම ගැන වචනයක්වත් නැහැ.”
” එතකොට සිදු උනේ මොකක්ද ?.”
“ඔබ අහලා ඇති මුහුදට යටවී ගිය ඇට්ලැන්ටා දූපත. බොහෝ විට මේ දූපත තියෙන්නට ඇත්තේ අත්ලාන්තික් සාගරයේ සාඩීනියා හා කෝසිකා දූපත් වලට මදක් බටහිරට වෙන්න ඕන. දෙවියන්ගේ උදව් අරන් දියුනු ශිශ්ටාචාරයක් ඇතිකර ගත්තත් ඔවුන් අකීකරු දඩබ්බර ජනතාවක් වන්නට ඇති. සොඩම් හා ගමෝර විනාශ කලා වගේම මේ පුරවරයත් විනාශ කරන්න අවශ්‍ය වෙන්න ඇති. නමුත් නගර විනාශ කිරීමකට වඩා දූපතක් විනාශ කිරීමට නම් ඔවුන් ප්‍රබල අවියක් භාවිතා කරන්න ඕන, ඒක ජලකර බෝම්බයක් හෝ න්‍යෂ්ටික බෝම්බයකට එහාගිය බලගතු අවියක් විය යුතුයි. මගේ අනුමානය නම් ප්‍රබල ප්‍රති කම්පණ අවියකින් භූ කම්පණ මගින් දූපත ගිලා බැස්සවීම. නමුත් මෙහි අතුරු ගැටලුව තමයි විශාල දූපතක් භූ කම්පණයක් එකවරම මුහුදේ ගිල්වනකොට ඇතිවන උදම් රල අති විශාල සුනාමියක් නිර්මානය කිරීමයි. ඒ නිසා තමයි “ඒවා” ට කලින්ම අනතුරු අගවා ඔහුව සූදානම් කලේ. මේ උදම් රලින් ආසන්න යුරෝපා රටවලට මහා ජල ගැල්මක් ඇති උනත් ආසියාවට හෝ ඇමරිකානු ශිශ්ටාචාර වලට දැනුනේවත් නැහැ”
“මහාචාර්ය තුමා, එතකොට කෝ මේ දෙවි පිටසක්වලයින් අද”
” ඔව් මම බලාපොරොත්තු උනු ප්‍රශ්ණය ,”
“මේකට මට පැහැදිලිවම කෙලින් උත්තරයක් දෙන්න අපහසුයි. නමුත් ඔවුන් විශ්වයේ තවත් ග්‍රහලොවක ජීවය අරබන්න පිටත් උනා වෙන්න පුලුවන්”
“මහාචාර්ය තුමනි එතකොට බුදු දහම සම්පුර්ණ ප්‍රතික්ෂේප වෙනවා නේද ?. මැවීම් වාදය බුදුදහම ප්‍රතික්ශේප කරනවා නේද “
“ඔව් බුදු දහම මැවීම් වාදය ප්‍රතික්ෂේප කලත් දෙවියන් ප්‍රතික්ෂේප කරන්නේ නැහැ නේද ?.”
“බුදු හිමියන් කියන්නේ අති ශ්‍රේෂ්ඨතම පුද්ගලයෙක්. ඒ නිසයි දෙවියන් පවා බුදුන් හමුවට පැමිණියේ. කොතෙකුත් නව ජීවීන් නිර්මාණය කලත් එම නිර්මාණ තුලට ජීවීතයක් පැමිනීම දෙවියන්ටත් පැහැදිලි කරන්න බැරි වූ දෙයක්. ගැඹුරුම අභි ධර්මය මගින් මේ කරුණු දෙවියන්ට දේශනා කලේ ඔවුන් අති බුද්ධිමත් ජීවීන් කොටසක් නිසා.
“හොදයි මම පොඩ්ඩක් වෙනස් කතාවක් කියන්නම්”
“ක්ලෝනකරනයෙන් මීට අවුරුදු තුනකට පෙර නිර්මාණය කරපු ඩොලී බැටලුවා, බැටලු යුක්තානුවට මවගේම සයිලයක නියශ්ඨිය ඇතුල කල ජීවියෙක්. සියයට සියයක් මවගේ ජාන පමනයි. නමුත් නව ජීවියෙක්.
පැමිනියේ කොහෙන්ද ?. මවගෙන්ද ?
“උතරයක් නෑ නේද ?”
අපේ නිර්මාතෘ දෙවියන්ටත් තේරුම් ගත නොහැකි වූ දෙය එයයි.
ඔවුන් අපි බැටලු පටවා නිර්මාණය කලා වගේම මිනිසා ඇතුලු විවිද සත්ව අනුරූ නිර්මානය කලත් ජීවය පැමිනීම ඔවුන්ගේ දැනුමෙන් ඔබ්බට ගිය දෙයක් උනා.
බ්‍රහ්මජාල සූත්‍ර වගේ සූත්‍ර, ආනන්ද හිමියන්ට දේශනා කල සහස්සී, ද්වි සහස්සී …… මහා සහස්සී ලෝක ධාතු පිලිබදව වගේම ආභස්වර බ්‍ර්හ්ම ලෝකයෙන් මිනිසාගේ පැමිනීම ගැන හරි අද්‍යනයක් කලොත් බොහෝ දේ හදුනා ගත හැකියි. නමුත් ඒවා අද බණ කතා වලට සීමා උන දෙයක්
තවදුරටත් කිව්වොත්,
බවුද්ධ සාහිත්‍යයේ දෙවියන්, බුදුන් දකින්නට පැමිනෙන්නේ පශ්චිම යාමයේ, දෙවුරම් විහාරයම ඒකාලෝක කරමින්, “
“නමුත් දහවල දෙවියන් වැඩි බවක් කියනවාද, “
“නෑ”
“ඇයි ඒ ?. “
“අපි බලමු බයිබලයේ දෙවියන් පිලිබදව,”
“මෝසස්ට සිය සම්දානන්ගේ කටහඬ ඇසුන නමුත් කිසිවිටක මුහුනට මුහුණ දුටුවේ නැත. නුබට මාගේ මුහුණ දැකිය නොහැකිය. මා දැක ජීවත් වියහැකි මිනිසෙක් නැත. නික්මයාම 33:20:23,
“ඇත්තෙන්ම දෙවියන් හෙවත් අපේ නිර්මාතෘ වරුන් අති සියුම් බලවත් ප්‍රභශ්වර ශරීර සහිත අය. ඔවුන්ගේ මූලද්‍රව්‍ය කිසිසේත්ම අපගේ මෙන් කාබන් නොවෙයි. එය බොහෝ විට පෘථිවියේ නොපවතින අප සොයා නොගත් අධි විකිරණශීලි හෝ අධි බ්ලැති මූලද්‍රව්‍යක් වියයුතුය. බුදු හිමියන් බදු ශ්‍රේෂ්ඨ අයෙකුට නැතිනම් දෙව් මිනිස් සම්භවයක් සහිත අර්ජුන්, රාම, නැතිනම් බයිබලයේ සදහන් විශේශිත පුද්ගලයන් හට මිස දෙවියන් දැකීම ජීවිතයෙන් වන්දි ගෙවන්නට සිදු වීමක් වන්නට ඇත. ගිල්ගමේශ් කාව්‍යයේද ඌට්නපිෂ්ටිම් මහ දෙවියාගේ අනතුරු ඇගවීමක් සදහන් ය.”
“ඒ අතරට මේකත් මතක් කරන්නම් “
“උප්පත්ති කතාව 6:1:2 ” “මිනිස් දූවරුන්ගේ සුරූපී බව දුටු දිව්‍ය පුත්‍රයෝ ඔවුන් පාවා ගත් හ.”
“ඒ කියන්නේ දෙව්-මිනිස් සංකලනයක්ද වී ඇති බවයි”
“අර්ජුන්, පුලස්ති ඉසිවරයන්, ආරම්භක පාරාවෝ රජවරුන් මේ අර්ධ දෙවු මිනිසුන් විය හැකියි.”
මුලු සබා ගැබම ධ්‍යානයකට සම වැදුනාක් මෙන් විය.
ඉදිකටුවක් බිම වැටෙන ශබ්දයක් පවා ඇසෙන තරම් නිහඩය
අත්පුඩියක් ගැසූ මහාචාර්ය වරයා
“හරි දැන් නැගිටිමු”
ඔරලෝසුව දෙස බැලූ ඔහු
“පැය හතරයි”
” ඔන්න මගේ දේශනයේ අවසානයට ආවා. අවසන් කරන්නට කලින් අනාවැකියක් කියන්න කැමතියි”
නැවතත් සභාව උද්‍යෝගී විය
“දෙවියන් මේ ලෝකයෙන් පිට වෙලා යනකොට මිනිසා සහ සත්ව වර්ගයාගේ බෝවීම පාලනයට තමයි බැක්ටීරියා, සහ වයිරස් අප අතර ඉතිරි කලේ, ඔවුන්ගේ කාල ගනනයන්ට අනුව ශත වර්ශ එකක් දෙකක් අතර මේවායින් එකක් හෝ දෙකක් සක්‍රිය වෙන්න සැලසුම් කරලා ගියේ. මහාමාරිය, ස්පාඤ්ඤ උන, කොලරා වසංගතය, වසූරිය…. බොහොමයක් වසංගත ආරම්භ වූයේ කොහොම කොතනද තවමත් හරි පැහැදිලි කිරිමක් නැහැ නේද ?
“මේවා ලෝකයේ විවිධ ප්‍රදේශ වලින් ඔවුන් සැලසුම් කල කාල වකවානු වල කාල බෝම්බ වගේ සක්‍රිය වෙනවා.
“මේවා සාමාන්‍ය පරිසරයේ වයිරස් හා බැක්ටීරියා වල වෙනස් ප්‍රබේද වගේ පෙනුනත් ඇත්තටම කලින් මිනිසා ඉලක්ක කර නිර්මානය කර නියමිත කාලය එනතෙක් අක්‍රීය කල ජෛව ආයුධ”.
“ඇත්තටම මේවා ක්‍රයෝන් වයිරස් හා ක්‍රයෝන් බැක්ටීරියා”
“මගේ ගණනය කිරීමට අනුව නම් දෙදහස් පහලොව දෙදහස් තිහ අතර නැවතත් මේ චක්‍රයේ වයිරසයක් හො බැක්ටීරියාවක් සක්‍රිය වෙන්න ඕන. ඒක සමහර විට ඇමරිකාවේ ලොස් ඇන්ජලීස් වලින් වෙන්නත් පුලුවන්, ෆීජි දූපතකින් වෙන්නත් පුලුවන්, ලංකාවේ කාඩිය මඩිත්තෙන් වෙන්නත් පුලුවන්, චීනයේ වූහාන් වලින් වෙන්නත් පුලුවන්…..
මහාචාර්යවරයා සිය දේශනය ට තිතතැබීය.
සුලු නිහැඩියාවකට පසු ශාලාවේ විවිද තැන් වලින් අත් ඉහලට එසවෙනු පෙනිනි.
අතක් එසවූ මහාචාර්යවරයා
“සෑහෙන ප්‍රශ්ණ ප්‍රමාණයක් තියෙනවා වගේ “
“නමුත්
මණිපාල් විශ්ව විද්‍යාලයේ දේශනයකට ලබන සදුදා සහබාගි වන්නට අද රාත්‍රියේ මා පිටත් විය යුතුයි.”
“ඒ නිසා ඔබ වෙනුවෙන් මා හට වැය කල හැකි කාලය මෙපමණයි”
මා ඔබට ඉදිරිපත් කලේ කල්පිතයක් පමනයි. සිතා බැලීමට ඔබට මුලු අනාගතයම තියෙනවා..
ආයුබෝවන්…
උපුටා ගැනීම: Amila Gunasekara