1936 දී කන්ට්‍රි ලයිෆ් සගරාවේ චායාරූප ශිල්පී කැප්ටන් ප්‍රොවාන්ඩ් විසින් එංගලන්තයේ රේන්හැම් ශාලාවේදී ලබාගත් මෙම චායාරූපය අවතාර ලොව පවතින බවට සනාත කිරීම සදහා බහුලවම යොදාගත් චායාරූපය යි.
දුඹුරු ආර්යාව නමින් නම් කොට ඇති මෙම අවතාරය ඩොරති ටවුන්ෂෙන්ඩ් ආර්යාවගේ ආත්මය යැයි විශ්වාස කෙරේ. ටවුන්ෂෙන්ඩ් සාමිවරයාගේ දෙවන බිරිඳ වන ඇය පළමු බ්‍රිතාන්‍ය අගමැති ශ්‍රීමත් රොබට් වල්පොල් ගේ නැන්දණිය වේ.
ඇය තරුණ චාල්ස් ටවුන්ෂෙන්ඩ් සාමිවරයා සමඟ දැඩි ලෙස ආදරයෙන් බැඳී සිට ඇති අතර ඇය තම පියා වන රොබට් වල්පොල්ගෙන් විවාහයට අවසර ඉල්ලා ඇති නමුත් ඇගේ පියා අවසරය ලබා දීම ප්‍රතික්ෂේප කර ඇත.
එයින් තරහ ගිය ඇගේ පෙම්වතා වන චාල්ස් ටික කලකට පසු ලොටන්හි 1 වන බාරොන් තෝමස් පෙල්හැම්ගේ දියණිය වන එලිසබෙත් පෙල්හැම් සමඟ විවාහ වි ඇත. නමුත් විවාහ වී අවුරුදු 2කින් එනම් 1711 දී එලිසබෙත් මිය ගොස් ඇත. අවසානයේදී ඔහු ඩොරති සමඟ නැවත එක් වී 1713 දී පියාගේ අකමැත්තෙන් වුවද විවාහ වී ඇත.
නමුත් ඇගේ සැමියා පසුව දැනගන්නේ ඔවුන් වෙන්ව සිටි කාලය තුළ ඩොරති වෝර්ටන් හි පළමු ආදිපාදවරයා සමඟ ප්‍රේම සම්බන්ධයක් පවත්වා ඇති බවයි. එය දැනගත් ඔහු දරුණු ලෙස කෝපයට පත් වි ඩොරතිව ඇගේ කාමරයට දමා අගුලු ලා ඇගේ දරුවන් නැවත දැකීම ද තහනම් කර ඇත. පසුව වසූරිය වැළඳී ඇය 1726 දී මිය යන තෙක් ජීවිත කාලය පුරාම සිරගතව සිටි බව කියවේ.
තවත් එක් කතාවකින් කියැවෙන්නේ ඇය ගෙල කැඩී යාමෙන් හෝ පඩිපෙළෙන් පහළට තල්ලු කිරීමෙන් මිය ගිය බවයි ඩොරතිගේ මරණය පිටුපස ඇති සත්‍යය කුමක් වුවත්, මෙම කථා සියල්ලම එකඟ වන එක් කරුණක් නම් ඩොරති කිසි විටෙකත් රේන්හැම් මාලිගාව අතහැර නොගිය බවත් ඇයගේ ආත්මය ඇය කුරිරු ලෙස වෙන් කර සිටි දරුවන් සොයමින් ශාලාව පුරා සැරිසරන බවත්ය.
කෙසෙ හෝ එංගලන්තයේ නෝෆෝක් හි රේන්හැම් ශාලාවේ එහි පඩිපෙළ බැස එන මේ කාන්තාව ඊට පෙර ද කිහිපදෙනෙකුට ම දර්ශනය වී තිබෙන බව සදහන් වේ.
උපුටා ගැනීම: රාම් වණා