අද සමාජයේ උපත් පාලනය සඳහා පෙති භාවිතය සාර්ථක සාර්ථක ප්‍රතිඵල ගෙන දුන්නද එය දිනපතා නොකඩවා ලබාගන්නට සිදු වීම නිසා බොහෝ අය විකල්ප ක්‍රම භාවිතයට පෙළඹෙනවා. මන්ද යත් කාර්යබහුල ජිවන රටාවත් එක්ක මාත්‍රාව අතපසු වීමේ ඉඩ වැඩි වීම හේතුවෙනි.
එයට පිළියමක් වශයෙන් දිනපතා අදාළ මාත්‍රාව නොකඩවා සිරුරට ලබාදෙන ලෙස සැකසුනු උපත් පාලක විද්‍යුත් චිපයක් විද්‍යාඥයින් විසින් මේ සඳහා සොයා ගෙන ඇත. .
සාමාන්‍ය තැපැල් මුද්දරයක ප්‍රමාණයෙන් සැකසුනු මේ චිපය සම යටින් තැන්පත් කෙරෙන අතර තැන්පත් කල පසු මෙය අවුරුදු 16ක කාලයකට ක්‍රියාකාරී වන බව සදහන් වේ.
එසේ වූවද අවුරුදු 16ක කාල සීමාව තුළ අවශ්‍ය ඕනෑම අවස්ථාවකදී මෙය Remote එකක් මගින් ක්‍රියා විරහිත කිරීමට හැකියාව ඇත.
මෙම චිපය තැන්පත් කර ගන්නා අයට දරුවෙක් උවමනා වූ විට චිපය අක්‍රිය කරන්නටත් නැවත ඕනෑම වෙලාවක සක්‍රිය කරන්නටත් හැකිය. මේ හේතුවෙන් මෙහි ක්‍රියාකාරිත්වය සහ හැසිරවීම ඉතාම පහසු තත්වයක පවතී.
මෙහි අඩංගු වන්නේ ප්‍රොජෙස්ටරෝන් හෝමෝනයේ කෘත්‍රිම නිෂ්පාදනයක් වන ලෙවනගැස්ට්‍රෝල් වන අතර එම හෝමෝනය දිනපතා මාත්‍රාව කොටස් වශයෙන් වෙන් වෙන්ව ගබඩා කර තිබෙනවා. ඒවා වට කරමින් ටයිටේනියම් සහ ප්ලැටිනම් වලින් සැකසු ඉතා තුනී ආවරනයක් ඇත. එමගින් හෝමෝනය අවශ්‍ය වන තෙක් නිදහස් නොවන ලෙස තබා ගනු ලබයි.
කලින් සකසන ලද ක්‍රියාවලියකට (programme) අනුව දිනපතා නියමිත වෙලාවට සියුම් විද්‍යුත් ධාරාවක් මගින් අදාළ මාත්‍රාව සහිත කොටසේ ආවරණය දිය කර හැරෙන අතර ඉන් පසු අදාළ හෝමෝනය රුධිර සංසරණයට එකතු වනවා.
මේ ක්‍රියාදාමයෙන් නොදැනුවත්වම නිවැරදි වෙලාවට නිවැරදි මාත්‍රාවෙන් සිදු වන නිසා බොහෝ දෙනා අනිත් උපත් පාලන ක්‍රම වලින් අත්මිදෙමින් මේ කරා යොමු වනු ඇති බව පර්යේෂකයෝ විශ්වාසය ඵල කරති.
විනාඩි 30ක පමණ කාලයක් වැය වන සුළු ශල්‍යකර්මයක් මගී මෙය පිටුපස තට්ටම් ප්‍රදේශයේ හෝ අතේ බාහු ප්‍රදේශයේ සමට යටින් තැන්පත් කල හැකි බවත්, මේ සඳහා තවත් වැඩි දියුණු කිරීම් එකතු කල යුතු බවත් විශේෂයෙන්ම චිපයේ පාලනය වෙනත් කෙනෙකු මගින් සිදු කල නොහැකි වන ලෙස සැකසීමට අවශ්‍ය ආරක්ෂක ක්‍රම යෙදිය යුතු බවත් තව දුරටත් පර්යේෂකයෝ සදහන් කරති.
උපුටා ගැනීම: රාම් වණා