“දුවපන් දුවපන් දුවපන්” මේක තමා මම මගේ ජීවිතේ අහපු අප්‍රියම වචනය,
පොඩිකාලේ ඉදලම මගේ මනසේ තිබුන එකම දේ “දුවපන්” විතරයි මොකද, ඒ කාලේ මොනදේටත් මට අම්මව ඕනේ හැබැයි අම්මව ලබා ගන්න නම් දුවන්නම වෙනවා නැත්තන් මගේ සහෝදරියෝ කියන සුන්දර යක්ශණියෝ දෙන්නා මට කලින් අම්මව අයිතිකර ගන්නවා, අම්මා කන්න කතා කලත්, නාන්න කතා කලත් මොනවා කලත් හැමදාම මට තිබුනේ තරගයක් ඒක නිසාම මම දුවන එකට කැමති උනේම නෑ ඒත් කරන්නම උනා.
සහෝදරියො දේන්නෙක් ඉන්න පවුලක බාලයා උනහම අක්කලාගේන් ගුටි නොකා බේරෙන්න මම දුවන්න ඕනේ නැත්තම් අක්කලා වගේ ඉගෙන ගන්න මම දුවන්න ඕනේ ඔහොම එකී නොකී හැමදේටම මම දිව්වා දිව්වා හති වැටෙනකම්ම මම දිව්වා, හැබැයි මම පරාද වෙලා නෑ පරාද උනත් මම හොද තරගයක් දුන්නා කියන එක මම දන්නවා.
ඔන්න ඉතින් මම ටික ටික ලොකු වෙනකොට මම මෙච්චර කාලයක් දිව්ව කෝණය වෙනස් වෙලා අලුත් දේවල් මගේ ජීවිතයට එකතු වෙන්න පටන් ගත්තා මටත් නොදැනීම, මොකද මම ලොකු ළමයෙක් උනාට පස්සේ මන් දිහා කැත විදිහට බලන කොල්ලන්ගෙන්, නෑදෑයින්ගෙන්, යාලුවන්ගෙන් වගේම සමාජයෙන් බේරෙන්න මට දුවන්නම උනා දිව්වේ නැත්තම් මට නැත්තම් ගැහැණු ළමයෙක්ට ජීවිතය කියන දේ එපා වෙන්න කලකිරෙන්න හේතුවෙන ගොඩක් දේවල් මටත් උරුම වෙන්නම තිබුනා හැබැයි මම “දිව්වා”
ඉස්කෝලෙදි අපිට පුරුදු කලෙත් දුවන්නම තමා, ඇතුලට ආව වෙලේ ඉදලා අතු ගාන්න දුවපන්, රැස්වීමට දුවපන්, අරකට දුවපන් මේකට දුවපන් ඉතින් පොඩිකාලේ ඉදලම දිව්ව මට ඒක එච්චරම අවුලක් උනේ නෑ කොහොමහරි “දිව්වා”
ආදරය කරන්න පටන් ගත්ත වෙලේ ඉදලා අරයට පෙනෙයි මෙයාට පෙනෙයි කියලා හැංගෙන්න දිව්වා නැත්තම් ආදරය ඉල්ලන් එන කොල්ලන්ගෙන් බේරෙන්න දිව්වා නැත්තම් උන් එක එක කතා හදනවා ඉතින් ඉට පස්සේ කසාද බදින්න, ඒක ඇරේන්ජ් කරන්න හතිදාගෙන දිව්වා වගේම නැන්දම්මගේන් බේරෙන්න ඒ අතරතුරේ ජොබ් එක බේරගන්න.. හම්මේ ඒත් මම “දිව්වා”
දැන් ළමයි ඉස්කෝලේ දාන්න, උන්ට උගන්නන්න, කන්න බොන්න ඇදුම් අරන් දේන්න දුවනවා හැබැයි කොහොමහරි මම දුවනවා හති වැටෙනකම්ම දුවනවා.. නැත්තම් අපේ ජීවිතයේ අපි එක තැනක පරාද වෙයි එදාට හිතෙයි තව පොඩ්ඩක් දුවන්න තිබුනා කියලා මොකද ජීවිතය කියන්නේ තරගයක් පොඩ්ඩක් හරි නැවතුනොත් අපි පහුකරන් යන්න ඕනේ තරම් උන් ඉදීවි එදාට උන් අපිට හූ කියලා දුවන්නේ, ඒක එහෙම උනොත් මාව හැදුව මට දුවන්න කියලා දුන්න දෙමව්පියන්ට, ගුරුවරුන්ට කරන අපහාසයක් ඉතින් දිනුම් කණුවක් නොපෙනෙන මේ ජීවිතය තේරුම් ගන්න, නොවැටී ඉන්න, මගේ හිත තාමත් මට කියන්නේ දුවපන් කියලා හැබැයි මම දන්නවා මම පරදින්නේ නෑ කියලා ඒක නිසා මමත් මගේ ළමයිනට කියන්නෙත් උබලට ජීවිතය ජය ගන්න, සමාජයේ ජීවත් වෙන්න ආරක්ශා වෙන්න ආරක්ශා කරන්න වගේම නොමැරී ඉන්න ඕනේ නම් උබලත් “දුවපන්” “දුවපන්” “දුවපන්”
උපුටා ගැනීම: Amendi Diaz