හැබැයි බෙලි ගෙඩියෙ සද්දෙටත් රැවටිලා
හෙවිල්ලක් බැලිල්ලක් නැතුව
“බුදු අම්මෝ ලෝකෙ පෙරෙලෙනෝ” කියාගෙන
දුවන ටයිප් එකේ බහුතරයක් වූ බුකී වැසියන් බනින්න කලින් කීයටවත් විනාඩි 52ක ඉන්ටර්වීව් එකක් සාවධානෙන් අහන්නේ නැති බව දන්න නිසාම විනාඩි 52ම අහන්න තීරණය කරා…
මුල් විනාඩි කිහිපය අහද්දිම තේරුණා දෙයියනේ
මුන් මේ ලවක් දෙවක් නැතුව පට්ට පතුරු යවන්නේ රට වෙනුවෙන් කැප කිරීම් කරපු රට වෙනුවෙන් ජයග්‍රහණ ගෙනාපු රටේ නම ජාත්‍යන්තරයට ගෙන ගියපු අදහන්න වටින චරිතයකට නේද කියලා
ඒත් එක පාරට මතක් වුණා අදහන්න වටින චරිතයක් වුණත් පිරිමින්ව හෙළා දකිනවා නම්
ඒක වැරදියි කියලා හැබැයි මේ විනාඩි 52 පුරාවටම කිසිදු විටක ඇය පිරිමින්ව හෑල්ලුවට ලක් කරේ නෑ..
ඇය පිරිමි ගැන මොනවද කිව්වේ?
-“මට මේ වගේ කරාතේ ක්‍රීඩිකාවක් වෙන්න හැකි වුණේ මගේ තාත්තා නිසා”
-“මගේ කෝච් පිරිමි කෙනෙක්..එයා මගේ පුහුණුවීම් වෙනුවෙන් ලොකු කැපකිරීමක් කරනවා”
-“මගේ බෝයි ෆ්‍රෙන්ඩ්ට හොඳ අවබෝධයක් තියනවා මගේ ගැන”
මෙන්න මේ වගේ දේවල්
ඇයගේ කතා විලාශයෙන් කිසිම විටක
පිරිමි සමඟ වෛරයක් තියෙන බවක් චුට්ටක්වත් පෙනුනේ නෑ.
හැබැයි ඇගේ කටින් පිරිමින්ට එරෙහිව වචනයක් ගන්න ඉස්සරහ පුටුවෙන් පට්ට ට්‍රයි එකක් දෙන බව නම් හොඳටම දැනුනා….
විනාඩි පනස්ගාණක් ඇය මොනවද කතා කරේ කරාතේ ක්‍රීඩාවට රාජ්‍ය අනුග්‍රහය නොලැබීම ගැන කරාතේ ක්‍රීඩකයෙක්ගේ කැපකිරීම ගැන ක්‍රීඩාව ඇතුලෙ ක්‍රියාත්මකවෙන ලිංගික අල්ලස් කරාතේ ක්‍රීඩාව කාන්තාවකගේ ආත්ම ආරක්ෂාවට තියන වටිනකම ගැන රට ජාත්‍යන්තරයට ගෙනියන්න ගන්න ඕන ක්‍රියාමාර්ග ගැන වගේ වැදගත් මාතෘකා..
එතකොට ඇය පිරිමි නතිං කියලා කියන්නෙම නැද්ද? කියනවා. අන්තිම තත්පර ගානේදි
ඇය ඒ පිළිතුර දෙන්නෙ මෙන්න මේ ප්‍රශ්නෙට “සටන් කලාවක් හදාරන එක දියණියකට කොච්චර වටිනවාද?”
ඒකට ඇය දෙන උත්තරේ ඇතුළෙ තියන අදහස තමයි
කාන්තාව තමන්ට කියල රෙකග්නිශන් එකක් හදාගත්තොත් පිරිමි නතිං කියලා..ඒ වගේම ඇය කියනවා සටන් කලාව හදාරන කෙනෙක්ට පවුල් ප්‍රශ්නයක් වුණත් කළමනාකරණය කරන්න හැකියාව තියන බව
එතකොට මේ නිකරුණේ බැනුම් අහන ඇය කවුද?
ඇය දිනූ පෙරේරා
රජයෙන් කිසිදු අනුග්‍රහයක් නොලැබෙද්දි තමන්ගේ පුද්ගලික වාහනය විකුණලා රට වෙනුවෙන් පදක්කම් ගෙනාපු, රට වෙනුවෙන් අත පය කඩා ගෙන තමන්ගේ වියදමින්ම ඒවට ප්‍රතිකාර ගත්තු, රට වෙනුවෙන් තරග කරන්න අවශ්‍ය බර ප්‍රමානය හදාගන්න වතුර විතරක් බීලා මාස ගණන් වෙහෙසුණ
රටේ පිනට සහ ඇගේ කරුමෙට ලංකාවේ ඉපදිලා
වසර 10ක් ලංකාවේ කරාතේ ශූරිය වුණ ජාත්‍යන්තර පද්දක්කම් 12ක් ලංකාවට ගෙනල්ල දුන්න අති දක්ශ කරාතේ ක්‍රීඩිකාවක්..
අවසාන වශයෙන්
ඉන්ටර්වීව් කරන අයියලාට කියන්න තියෙන්නේ
බිස්නස් එකක් දුවන්න මාකටිං ඕන තමයි
ඒත් තමන්ගේ පුද්ගලික වස්තුව පවා රට වෙනුවෙන් විකුණලා ස්තූතියක්වත් බලාපොරොත්තු නොවන. ඒත් රට වෙනුවෙන්ම නහින මේ වගේ චරිත වලට රට දාලා යන තැනට වැඩ සිද්ද කරන්න එපා
-පමුදි අනුත්තරා වීරසූරිය-