එක වසරෙ පන්තිය භාර ගුරුතුමී (වැල්වටාරම්)

ටීචර්ගේ පුතා මගේ පංතියේ. මැටි වැඩ සංජීවනී මං හදපු මාලුවාට ආදරෙයි ලස්සනට මං ඒක හැදුවා. අවසානේ මාලුවා සංජීවනීට දුන්නා. උපන් ගෙයි කලාකාරයා මං. මට දුක නෑ පංන්තියේම ලස්සනම නිර්මාණය මං ඒක දුන්නා ඒකිට.

ටීචර්ගේ පුතාට ඒක ඇල්ලුවේ නෑ ඔකා ජනෙල් පඩියේ වේලෙන්න තියපු මාලුවා උස්සලා පොලොවේ ගැහුවා. සංජීවනී අඩනවා මං ටීචර්ගේ පුතාගෙන් ඇහුවා ඇයි එහෙම කරේ කියලා පුතා ගිහින් කිව්වා අම්මට. ටීචර් එකොලහට විතර ඇවිත් ගැහුවා මගේ කනට. මල්ලිට ආදරෙන් ඉන්න කිව්වා. ආදරෙන් ඉන්න කිව්වේ මගේ පංතියේ එකා එක්ක. පංන්තිය මාරු වෙනකම් ටීචර්ගේ පුතා පංතියේ ලමයි හැමෝටම මල්ලී.. ටීචර් කියලා දුන්නේ ..

දැං අටේ පංතියේ ටීචර්ගේ (පංති භාර නෑ) අයියා විදුහල් පති. ටීචර්ගේ අක්කගේ පුතා ප්‍රධාන ශිෂ්‍යනායක ඔකා ලමයින්ගේ වැරදි සහ ආදර සම්බන්ධ කම් ආමාත්‍ය කටයතු කරේ. කෙල්ලොත් එක්ක කතා කර කර ඉන්නවා පේන්න බෑ. පිට්ටනිය සුද්දකරන්න දානවා. ලොකුසෑර්ගේ කෙල්ල පැනලා ගියේ එයාගේ පංතියේම කොල්ලෙක් එක්ක උසස්පෙල කරද්දී.

ටීචර්ගේ නංගී ආවා විද්‍යාව ගුරුතුමී උසස්පෙලටත් එයා තමා. පවුලේ එව්න් සේරම ඉස්කෝලේ රස්සාවට. උන්ගේ දරුවෝ සේරම ශිෂ්‍යනායකයෝ.. තරුන ලමයින්ට සෑහෙන්න පීඩනයක් තිබුනා එදා. කරුමෙට ක්‍රමවේදයක් තිබුනද දන්නේ නෑ එදා සේරම දුප්පත් ගොවියන්ගේ දරුවෝ. ප්‍රදේශයේ ප්‍රසිද්ධම මහා විද්‍යාලයක් එදා. අද ප්‍රසිද්ධ ප්‍රාථමික පාසැලක්.

මට මේක මතක් උනේ අද මගේ රටත් මෙහෙම නේ කියලා හිතිලා.. කණගාටු වෙන්න දෙයක් නෑ තව කල් තියෙනවා දෙවියන්ගේ පිහිටයි !