එකම කූඩාරමේ සිට විවිධාකාර විදිහට මියගිය අදටත් අභිරහසක් වූ කදුනගින්නන් නවදෙනාගේ මරණය… (වැල් වටාරම්)

පාසලෙන් ගිය කණ්ඩායම ආපසු නොපැමිණීම නිසා ඔවුන්ව සොයා යෑමට පටන් ගත් අතර දින 25 ක් යන තුරු කිසිවක් හමු වී නොතිබිණි. නමුත් පෙබරවාරි 26 වන දින, එනම් දවස් 26කට පසු සෙවුම් කරුවන් විසින් කඳු නගින්නන්ගේ අතහැර දැමූ කූඩාරම සොයා ගෙන ඇත.

කූඩාරම ගැලවී විසිවී හිමෙන් වැසී තිබූ අතර එහි යම් යම් කැපුම් පාරක් දක්නට ලැබිණි..ප්‍රදේශය වටා ඔවුන් කැපූ අඩිපාරක් ඉතිරිව තිබූ අතර, ඔවුන්ගේ සිරුරු නවයම සොයා ගන්නට සමත් ඇත. ඉන් පස් දෙනෙක් කූඩාරම අවට ද, ඉතුරු හතර දෙනා පහළ පිහිටි ඇලක ද සිට සොයා ගැනිනි.

නමුත් පුදුමය වූයේ ඔවුන් මිය ගිය සිටියේ විවිධ වූ ආකාරයෙන් වීමය. සමහරු මේස් පැළඳ සිටි අතර සමහරු තනි සපත්තුවක් ඇඳ සිටියහ. සමහරක් පාවහන් නොමැතිව සිටියහ. සපත්තු රහිත සහ යට ඇඳුම් පමණක් පැළඳ සිටින පළමු සිරුරු දෙක හමු වූයේ ලී කොටයක් යට සිටියදීය.

මෙම දර්ශනය මරණයේ භයානක සලකුණු පෙන්නුම් කළ නමුත් වෛද්‍ය පරීක්ෂකයින් විසින් සිරුරු සොයාගත් අතර කිහිප දෙනෙක් අධික සීතල නිසා මිය ගිය බව තහවුරු කෙරනි. නමුත් එක් සිරුරකට අමානුෂික පහරදීමක් සිදුවී තිබූ අතර තවත් අයෙකුගේ හිස්කබල පිපිරී තිබිණි. අයෙකු පිළිස්සුම් තුවාල ලබා තිබිනි. තවත් අයෙක් මියයාමට පෙර රුධිර වමනය කර ඇත.තවත් අයෙකුගේ දිව අතුරුදහන් වී තිබිනි. දෙදෙනෙක්ගේ ඇස් උගුල්ලා තිබිණි.

අමුතුම සිදුවීමක් වූයේ ඔවුන්ගේ ඇඳුම් සමහරක් විකිරණශීලීත්වයක් පවතින බව සොයා ගැනීමයි. මේ මත පදනම්ව මේ පිළිබඳව විවිධ උපකල්පන ගොඩ නැගිනි. ඉන් සමහරක් වූයේ රුදුර සතෙකුගේ දරුණු පහර දීමක්, අධික ලෙස ලබාගත් ඖෂධ විෂවීමක්, UFO, ගුරුත්වාකර්ෂණයේ ඇතිවූ විෂමතාවයක් සහ යේටි නම් සත්වයාගේ මැදිහත් වීමක් ආදියයි.නමුත් එකකට එකක් වෙනස් ආකාරයෙන් සිදු වූ මරණ මේ සියල්ලක්ම හා ගැලපුනේ නැත.

නමුත් යම් දුරකට හෝ පිළිගත හැකි මතය වූයේ එහිදී සුළඟ භූ විෂමතාව සමඟ අන්තර්ක්‍රියා කර හෘද ස්පන්දන වේගය වැඩි කිරීම සහ හුස්ම ගැනීමේ අපහසුතා ආදිය ඇති වී සමහරු වියරු වී කලබල කරමින් ඉවතට දිවගොස් යම් යම් සිදුවීම මත මරනයට පත් වීමයි. එනම් දිව යාමේ දී ඇද වැටීම, පිපාසය ඇතිවී ඇළට දිවයාම, සතුන් විසින් ශරීර කොටස් ගුල්ලා ගැනීම ආදියයි..

ඒත් ප්‍රශ්නයක් ඇත. ඔවුන්ගේ ශරීරයේ විකිරණශීලිත්වය ඉහළ ගිය කෙලෙසද …. ඔබට යම් අදහසක් තිබේද..

උපුටා ගැනීම: රාම්වණා