කොත්තු සහ ෆ්‍රයිඩ් රයිස් මෑත කාලයේ සිට බොහොම ජනප්‍රිය වුණා.කුඩා දරු දරුවන් තරුණ තරුණියන් අතර බෙහෙවින් ජනප්‍රිය කොත්තු, ෆ්‍රයිඩ් රයිස් කන්න දැන් ටික ටික මැදිවියේ අයවලුන්ද පුරුදු වෙලා. කොත්තු, රයිස් කියන්නේ නම් ඉතාම අහිතකර ආහාරයක්.මේවට යොදන කෘතිම රසකාරක ශරීරයට බෙහෙවින් අහිතකර බලපෑම් එක් කරනවා.මේවායේ බලපෑම ඇති වෙන්නේ කාලයක් ගියාම යි.
දිවට රස පිනවන්න අපි ගන්නා මේ ආහාරය ශරීර අභ්‍යන්තරයෙහි ක්‍රියා කරන්නේ ඉතාමත් නරක විදිහට. විශේෂයෙන් අද ගොඩක් අයට ගැස්ට්‍රයිටීස් රෝගය ඇතිවීමටත් කොත්තු ෆයිඩ් රයිස් හේතු වෙලා තියෙනවා.ඉස්සර කාලේ අපේ ආහාර රටාවන් දැන් සම්පූර්ණයෙන්ම වෙනස් වෙලා.දැන් අපේ ආහාර සංස්කෘතිය වෙලා තියෙන්නේ ෆ්‍රයිඩ් රයිස් සහ කොත්තුයි.මේ කෑම වල දී තියෙන ආදීනව ඔබ දන්නවනම් ඔබ මෙයින් වැළකෙයි.
කොත්තු රයිස් කෑමෙන් අංශභාගය වැලඳෙන බව ඔබ දන්නවාද? එසේ වන්නේ කෙසේද?
කොත්තු ෆ්‍රයිඩ් රයිස් සෑදීමේදී භාවිතා කරන්නේ වරක් භාවිත කළ එළවළු තෙල් වර්ගයි.මේ බාල එළවළු තෙල් ඉහළ පන්තියේ හෝටල් වල බහුලවම භාවිතයට ගැනෙනවා.ඉතා පහසු මිලකට ලොකු තෙල් කෑම එකක් මිලදී ගත හැකිවීම නිසා කොත්තු රයිස් හදන අය පමණක් නොව විවිධ වර්ගයේ බයිට් වර්ග නිෂ්පාදනය කරන අයද ඒවා සෑදීම සඳහා මේ පරණ තෙල් යොදාගන්නවා.ලංකාවේ බහුතරයක් කඩවල ආහාර පිසීම සඳහා භාවිත කරන්නේ එක්වරක් භාවිත කළ තෙල් වර්ගයි. ඒ නිසා තමයි මේවා ආහාරයට ගැනීමෙන් නොයෙකුත් ලෙඩ රෝග සෑදෙන්නේ. මේ මඟින් අංශභාගය ද ඇතිවනවා.
ඔබ රසකර කර ගන්න මේ ආහාරයන් වල සැඟවුණු මාරයෙක් සිටින බව ඔබට දැනෙන්නේ නැහැ. ඔබට නිතර දෙවේලේ දැකගන්නට ලැබෙන බයිට් කඩවල මුරුක්කු බදින්නේ පැරණි භාවිත කළ තෙල් වර්ගවලින් බවත් ඔබ සමහරවිට දැන දැනම කනවා ඇති. ඇයි ඔබ දැන දැනම ලෙඩ වෙන්න උත්සහ කරන්නේ.තාච්චිය කලුපාට වෙනකන්ම බදින ලද තෙල්වලින් සාදන ලද මුරුක්කු ඔබ ඇස් පනාපිටම පේන්න තිබියදී ආහාරයට ගන්නවා.ඔබ කරන්නේ දැන දැනම ඔබේ ආයුෂ කෙටි කර ගැනීමයි.
කුඩා දරුවන් පහසුවෙන් ස්ථුලතාවයට ගොදුරු වෙලා තියෙනවා.ඊට ප්‍රධාන හේතුවක් තමයි ඔවුන් නිතර බයිට් වර්ග ආහාරයට ගැනීම.කණගාටුවට කරුණක් නම් දැන් පාසල් වයසේ පසුවන බොහෝ දරුවන්ට කොලෙස්ටරෝල් තිබීමයි. මෙයට හේතු වෙලා තියෙන්නේ, පිටි සහිත ආහාර නිතර ගැනීම.එළවළු පල පලතුරු නොකෑම.බයිට් වර්ග නිතර ආහාරයට ගැනීම.
එසේම රෝහල් වල හිටිහැටියේම මියයන රෝගීන්ගේ පශ්චාත් මරණ පරීක්ෂණයේදී හෙළිවන්නේ හදිසි හෘදයාබාධයක් යනුවෙනි.මෙලෙස අඩු වයසින් හෝ මැදි වයසේ දී හදිසියේ හෘදයාබාධයක් ඇති වන්නේ ඔවුන් ගත් අහිතකර ආහාර හේතුවෙනි.මේ කොත්තු සහ ෆ්‍රයිඩ් රයිස් වලට යොදන කෘතිම රසකාරක හා තෙල් වර්ග ඔබේ ශරීර අභ්‍යන්තර ක්‍රියාකාරීත්වයට අහිතකර ලෙස බලපානවා.
එළවළු තෙල් ඉහළ උෂ්ණත්වයකට ලක් කිරීමේදී ට්‍රාන්ස් ෆැට් බවට පත්වනවා.මෙය හදවත් රෝග වලට හේතුවක්.ඔබට ගැඹුරු තෙලෙහි යමක් බැද ගැනීමට අවශ්‍ය නම් ඔබ ගත් යුත්තේ පිරිසිදු පොල්තෙල් පමණි. පිරිසුදු පොල්තෙල් බොහෝ ලෙඩ සුව කරනවා.
ඔබ දැනගත යුතු කරුණක් වන්නේ එලවලු තෙල් නිෂ්පාදනයේ දී විෂ වර්ග එයට එකතු වන බවයි. සෝයා බෝංචි, කජු බීජ මගින් හෝ සාදන එළවළු තෙල් පෙරා ගැනීමේදී රසායනික වර්ග භාවිත කරනවා.
එහිදී බීජ වල අඩංගු ස්වභාවික පෝෂපදාර්ථ විනාශ වනවා. ඔබට ඔබට එළවළු තෙල් භාවිතය සම්පූර්ණයෙන්ම නතර කිරීමට හැකිනම් බොහෝ ලෙඩ රෝග වළක්වා ගත හැකියි.
මෙවැනි ආහාර ගැනීමෙන් ශරීර ප්‍රතිශක්තිකරණය හීන වේ.ජාන විකෘතිතා ඇති වේ.කොත්තු රයිස් ආහාරයට ගැනීමෙන් ඔබේ ආයුෂ අවුරුදු 40, 50 දක්වා පමණක් සීමා වන්න පුළුවන්. මෙම ආහාර සංස්කෘතියෙන් මිදී වස විසෙන් තොර ආහාරගෙන ඔබේ ශරීරය නිරෝගීව තබා ගන්නට ඔබ ගුණදායි ආහාර වලට හුරු වන්න.
උපුටා ගැනීම: Hela Rahas