උදේම කෝල් එකක්.බිංදුවයි හතේ ඒවම පහේ නොම්බරේකින්. ඔය වගේ නොම්බර කියන්න ඕන ඉංග්‍රීසියෙන් හරියට ” නෝට් ත්‍රිබල් සෙවන් විස්සයි හතලිහයි දොලහා” කියලා වගේ. මං ඒවගේ නොම්බරේකින් කවුද කතා කරන්නේ කියලා හිත හිතාම ආන්සර් කලා
” හෙ..ල…ව් ගූඩ් මෝඕනිග්… කැනයි ස්පීක් ටු මිස්ටර් කුෂෑන් ප්‍රේමශ්‍රී..”
මට හික් ගෑවුණා ඕයි. මං උදේ පාන්දර කෝල් කරලා ඉංග්‍රීසියෙන් කියවන්න. අනික මේ ටිකේම ස්වදේශික මූඩ් එක ඔන්කරලා ජාතියාලෙන් ඉන්නේ. කෝම වෙතත් මාත් මොනා හරි කියන්න එපෑය.
” දිස් ඊස් කුෂාන්”
” මිස්ටර් කුෂාන් අයි ඇම් ද රීජනල් මාකටිං මැනේජර් ඔෆ් ෆුඑල් ෆ්‍රීඩම් ඉන්ටර්නැසනල් (Fuel Freedom International ) මට ඔබතුමා එක්ක විනාඩි කීපයක් කතා කරන්න පුලුවන්ද… ඔබතුමා මේවෙලාවේ බිසීද ? මම ෆ්‍රී වෙලාවක ගන්නද? “
” නෑ කමක් නෑ. මහත්තයා කියන්නකො බලන්න”
” මෙහෙමයි මිස්ටර් කුෂාන් අපි තමයි ලෝකේ ඒ කීවේ මේ එන්ටය වර්ල්ඩ් එකේම ලීඩිං ෆුඑල් අඩැක්ටිව්ස් ප්‍රොඩියුස් කරන්නේ..”
“ඒ කිවේ? “
“ඒකීවේ මිස්ටර් දැන් අපේ වෙයිකල්ස් තියනවනෙ. සෝ අපි ඒවට ෆුඑල්ස් ගහනවනෙ.( නැතුව කෝමාරිකා යුෂ දානවයෑ ) අපේ ප්‍රොඩක්ට් එකක් තියනවා මිස්ටර් කුෂාන් ඒක යූස් කලාම ඒ කීවේ ඒක පාවිච්චි කලාම පර්ෆෝමන්ස් වැඩිවෙනවා. ෆුඑල් එකොනොමි එක සෑහෙන ඩෙවලොප් වෙනවා. ඒ කියන්නේ අපි සරල සිංහලෙන් කිව්වොත් ඔයාට ලීටරයකින් යන්න පුලුවන් වෙනදට කිලෝමීටර් දහය නම් අපේ ප්‍රොඩක්ට් එක පාවිච්චි කලාම ඒක දොලහත් පහලවත් අතරට වැඩිවෙනවා. මේක ලුෂාන් ටෙස්ටඩ් ඇන්ඩ් පෲවන් ප්‍රොඩක්ට් එකක්.
” ශා මරුනේ. ඉතිං ඇයි ඔය මහත්තයා මට ඔය විස්තර කියන්නේ … මං ඕනනම් ඔය කුප්පියක් අරන් පාවිච්චි කරලා බලලා ගුණ අගුණ කියන්නම් “
” හි හි හි හි… අනේ මිස්ටර් කිෂාන් ( පොරට නම් පැටලැවේ) මේකේ වටිනාකම ඔයාට තාම තේරුම් ගිහිල්ල නෑ . කමක් නෑ මම ඔබතුමාව ඒ ටු ඉසෙඩ් අප් ටු ඩේට් පැහැදිලි කරන්නම් , ඒ සඳහා දෙන්න මට මදකට අවසර.”
පොර දහම්පාසලේ කතාවක් කරන තාලෙට දැන් කියවනව. එක්සත් ජනපදයෙ ෆ්ලොරීඩා පැත්තේ සුද්දෙක් පටන් ගත්ත ඒ සමාගමේ ඉතිහාසය දැන් මේ කියන පෙට්‍රල් එන්ජින් වල කාර්‍යක්ෂමතාවය ඉහල නංවන මොකද්දො කුප්පිය ගැනත් මිනිහා කියවනවා. මං අහන් ඉන්නව. ආයෙමත් ඌම කියවනවා.
“හරි දැන් ඇයි මට මේ ගැන විස්තර කියන්නේ මේ කෝල් කරලා”
“අන්න හරි, දැන් තමයි මිස්ටර් …අනේ කවුද මෙයා නම ..බ් බ් මේ මේ… මිස්ටර් උෂාන් ජෙනුයින් බිස්නස්මන් කෙනෙක් වගේ හිතන්න ගත්තේ
අපි කුෂාන් දැන් මේ ඒසියන් රීජන් එකේ ඩ්‍රිස්ටිබියුටර්ස්ලා හයර් කරනවා. මේක ඔයාට හොඳම හොඳ පොටෙන්ශල් එකක් … මොකද අපේ ප්‍රොෆිට් මාජින් එක 40% ඒ කියන්නේ ලුෂාන් අපේ මේකේ ප්‍රයිස් එක ලේබල් කරලා තියෙන්නෙ රුපියල් 350කට… බට් ඔයාට මේක කොස්ට් වෙන්නෙ රුපියල් දෙසීය දහයක් වගේ මුදලකට. කැලික්‍යුලේට් කරලා බලන්න මිස්ටර් කුෂාන් ඔයා මුලින්ම තවුසන්ඩ් බොට්ල්ස් ගත්තා කියලා. ඔයා ඉන්වෙස්මන්ට් එක කරන්න ඕන ටූ හන්ඩ්‍රඩ් ඇන්ඩ් සික්ස්ටි තවිසන්ඩ් ඒ කියන්නේ දෙලක්ෂ හතලිස් දාහයි බට් ඔයාට ඒකෙන් ප්‍රොපිට් එක එනවා කීයක්ද එක්ලක්ෂ හතලිස් දහසක්.
“වැඩේ නං හොඳයි තමයි ඒත් ඕවා මං කොහොමද විකුණන්නේ ? අනික ඔව්වා මිනිස්සු ගන්නවද නැද්ද කියලා අපි කොහොමද දන්නෙ… හාල් තුනපහ වගේ නම් කමක් නෑ විකුණන්න බැරි උනොත් කන්න හරි පුලුවන් ඒත් මේවා?”
“හරියටම හරි උෂාන් සර් , අන්න එතනදි තමයි අපේ කම්පණි එක වෙනස් වෙන්නෙ…”
“ඒ කියන්නේ ?”
” ඒ කියන්නේ මිස්ටර් අපි සරල උදාහරණයක් ගමු… ඔයා අපෙන් ඉස්සෙල්ලම ප්‍රොඩක්ට් දාහක් ගන්නව…. රයිට්… දැන් ඔයාට ඕන ඒ ටික සේල් කරන්න”
“නැත්තං ඕක සාලේ කැබිනට් එකේ දාලා තියන්නයෑ”
“එක්සෑක්ට්ලි මිස්ටර් කුෂාන් එක්සෑක්ට්ලි. අන්න දැන් ඔයා හරිම ට්‍රැක් එකට වැටිල… කුෂාන් අපි මෙහෙමයි අපි ඔයාට බයර්ස්ල හොයා ගන්න උදව් කරනවා සහ හොයලා දෙනවා “
“ඒ කිව්වේ?”
“ඒ කිවේ ඔයාට අපේ ප්‍රොඩක්ට් ගත්තා කියලා වොරි වෙන්න අවශ්‍යම නෑ. ඒවා විකුණන්න මාකට් එකත්, කස්ටමර්ස්ලත් අපි හොයලා දෙනවා.. මේ ඇත්තටම රිස්ක් ෆ්‍රී ඉන්වෙස්මන්ට් එකක් “
“පොඩ්ඩක් ඉන්නකො… ඒ කියන්නේ මම සල්ලි දීලා බඩු ගන්නවා… හරිද ?”
“හරියටම හරි”
“ඊට පස්සෙ ඔයාලම මට ඒවා ගන්න උනුත් සෙට් කරලා දෙනවා…?? එහෙමද ?”
” අනිවාර්යයෙන්ම මිස්ටර් කුෂාන්. අපේ ටාගට් එක අපේ ඉන්වෙස්ටර්ගේ ප්‍රොෆිට් එක මැක්සිමයිස් කරන එක”
” ඉතිං අයිසේ …. තමුසෙලා ලඟ බඩුත් තියනවා නං… ඒවා ගන්න එවුනුත් තමුසෙලටම හොයා ගන්න පුලුවන් නං අහවල් ගූ කූඩුවකටද ඕයී පැත්‍තක ඉන්න එකෙක්ට සීය හතලිහේ එව්වා දෙන්නේ තමුසෙලම ඒකත් ගන්නවකො….”
” මෙහමයි මිස්ටර් කුෂාන් මම ජෙනුයින්ලි , පලයිට්ලි දැනට ලෝකේ තියන බෙස්ට්ම ඉන්වෙස්මන්ට් ප්ලෑන් එකක් ගැන ඔවාව දැනුවත් කලා. .. ඒත් මට තේරුම් ගන්න පුලුවන් මේ වගේ ඉන්වෙස්මන්ට් එකක් ගැන තේරුම් ගන්න ඔයාට මයින්ඩ් සෙට් එකක් නෑ… “
මූ යකෝ මටම කෝල් අරන් උගේ බයිලේ ගහලා අල්ලගන්න බැරි උනාම මං හෙන ගොනාලු, තේරෙන්නෙ නෑලු… පුහ් මලපැන්නා මිත්‍රවරුනි
“අනේ සොරි මිස්ටර් සමන්ත, ඔයාට මේකට කතා කරන්න හොඳම හොඳ දෙන්නෙක් ඉන්නවා. අපරාදේ ඔයා මුලින්ම කිව්වා නම් මම සෙට් කරනවනේ… “
“ක ක කවුද…. කොඑද ඉන්නේ එයාලා”
“එයාල ඉන්නේ නම් ටිකක් දුර, සමහර විට නමින් නම් ඔයා අහලා ඇති “
“බිස්නස් කරන අයද?”
“පරම්පරා සල්ලි කාරයෝ. “
“අනේ ප්ලීස් කුෂාන් මිස්ටර් මට කන්ටැක්ට්ස් නම්බර්ස් දෙනවද… එඩ්‍රස් කියන්න නැත්නම් මම විසිට් කරන්නම් “
“එයාපෝට් ඇරලද?”
” ඒ මොකටද මිස්ට කුෂාන් ?”
” නෑ උන් ඉන්නෙ ඊජිප්තුවේ මිසරේ… එකෙක් ටූටන්කාමන්…අනිකා බෞකාපන් , ගිහින් හම්බෙන්ඩ”
පොර කට් කලා හිතවතුනි මේ වගේ පිරමීඩ එක්ක ඇවිදින පාරාවෝලා හරියට වැහිවැහැලා මේ ටිකේ.
කියලා useless
එඤ්ඤං
උපුටා ගැනීම: කුෂාන් ප්‍රේමසිරි