ඉතාලියේ වැනීසිය අසලදී හකු අතර ගඩොල් කැටයක් තබා වලදැමූ කාන්තාවකගේ දේහය හමුවෙලා තියෙනවා. රෝමය – වැනීසිය අසල පුරාවිද්‍යාත්මක කැණීමක් මගින් 16 වන සියවසේ යැයි කියන මෙම කාන්තා සිරුර සොයාගත් විශේෂඥයන් පවසන්නේ ඇය වැම්පයරයෙකු යැයි මිනිසුන් විශ්වාස කර ඇයව මෙලෙස වලදමා ඇති බවයි.
අතීතයේ දී මිනිසෙකු vampire යැයි සැක හිතුන විට ඔවුන්ව භූමිදානය කිරීමට විශේෂ ක්‍රම යොදා ගෙන තියෙනවා. ඔබට මතක ඇති මීට දින දෙකකට පෙර රාම්වණා මෙවැනි ම පෝස්ට් එකක් ගෙනාවා.. ” යකඩයක් හදවත හරහා බස්සවා වළදැමූ සිරුරක් ගැන”.. මේත් ඒ වගේම සිදුවීමක්… හැබැයි සිදු කරලද ක්‍රියාවලිය සම්පූර්ණයෙන්ම වෙනස්…
මෙම අසාමාන්‍ය භූමදානය ක්‍රම පුරාණ වැම්පයර් ඝාතනය කිරීමේ චාරිත්‍රයක ප්‍රතිඵලයක් ලෙස සලකන්න සාක්ශි තියෙනවා. නමුත් මෙතන තියෙන්නෙ වෙනම ගැටළුවක්… මීට වසර පන්සියයකට, හයසියයකට පමණ පෙර සමහර රෝග වලින් මිනිසුන් මිය යද්දී, මිය යන්න හේතුව මොකක්ද කියලා හරියාකාරව ම දැන සිටියේ නෑ… කිසියම් පුද්ගලයෙක් යම්කිසි රෝගයක් නිසා ලේ වමනය දමමින් මිය යනවා නම් ලේ උරාබොන vampire වරයකු ලෙස සලකා භූමිදානය කිරීමට මිනිසුන් කටයුතු කර තියෙනවා.
ඉන් කියවෙන්නේ ලේ වගුරවමින් මියයන මිනිස්සුන්ගෙ රෝග පුරාවෘත්තයත්, රෝග පැතිරෙන ආකාරයත්, මරණයෙන් පසු ශරීරවලට කුමක් සිදුවේද යන්න පිළිබඳවත් මධ්‍යකාලීන මිනිසුන්ගේ තිබුනු නොදැනුවත්කමත් නිසා මෙවැනි තත්ත්වයන් වලට ඔවුන් පෙලඹී ඇති බවට පුරා විද්‍යාඥයන් ප්‍රකාශ කර සිටිනවා.
1576 දී වැනීසියට බලපෑ වසංගතයක් අතරතුර සමූහ මිනී වළක වළලනු ලැබූ අනෙකුත් මළ සිරුරු අතර හොඳින් සංරක්‍ෂිත වූ මෙම ඇටසැකිල්ල නගරයට උතුරින් පිහිටි ලාසරෙටෝ නුවෝ දූපතේ තිබී සොයා ගෙන තියෙන්නේ.
වසංගත කාලවලදී, සමූහ මිනී වලවල් බොහෝ විට නැවත විවෘත කරනු ලබන්නේ දිරාපත් නොවූ මළ සිරුරු නැවත වළලා දැමීමට යි. මිනී විවෘත කරනවිට ඔවුන්ගේ මුඛයෙන් රුධිරය පිටවන දුටුවොත් මිනිසුන් බියවෙනවා.. ඔවුන් හිතන්න පටන් ගන්නවා ඒ මිනීය ඉවතට ගොස් ලේ බී ඇවිත් නැවත මෙලෙස සිටින බව.. ඉතින් ඔවුන් භය නිසාම මිනී වලට යම් යම් දේවල් සිදු කර නැවත වලදානවා.
නමුත් මේ සිරුරට ගඩොල් කැටයක් ඔබා ඇත්තේ වලදාන මොහෙතේම බව පුරාවිද්‍යාඥයන් කියනවා..
උපුටා ගැනීම: රාම් වණා