ඔයා දන්නවද? ලෝකයේ දිගම කොණ්ඩය මීටර් 5.627 ක් දිග බව. කොණ්ඩය වවාගන්න ගොඩක් මහන්සි වෙන්න ඕන නෑ. හිසකෙස් දිගු කරගෙන එහි තත්වය වැඩි දියුණු කරගන්න උත්සාහ කරන අය දැනටමත් මේක දන්නවා. ඔයාට කොණ්ඩය දික් කරගන්න ඕන නම්, කරන්න තියෙන්නෙ හරිම සරල දේවල් කිහිපයක් විතරයි. සරල වුණාට හොඳම හොඳ ප්‍රතිඵල ලබාගන්න පුලුවන්.
විශේෂ උපකරණ පාවිච්චි කරන්නෙ නැතුව ගෙදරදිම ලේසියෙන් කරගන්න පුලුවන් සත්කාර කිහිපයක් ගැන ඔයාට කියලා දෙන්න අපි හිතුවා. මේ උපදෙස් හොඳින් පිළිපැද්දොත් ඔයාටත් රපුන්සල් වගේ ලස්සන කොණ්ඩයක් ලබාගන්න පුලුවන්.
01. විටමින් බී-12 භාවිතා කරන්න.
ඔයාගෙ ශරීරයේ විටමින් බී 12 මදිකම නිසාත් ඔයාගෙ කොණ්ඩෙ වැවෙන එක අඩු වෙන්න පුලුවන්. විටමින් බී 12, හිසකෙස් වර්ධනයට හා හිසකෙස්වල සෞඛ්‍යයට ගොඩක් වැදගත්. බී-12 අඩුවීම නිසා හිසකෙස් වියළි හා සිහින් වන අතර ඉක්මනින් කැඩෙන්නත් පටන් ගන්නවා. හිස්කබලටත් විටමින් බී-12 අවශ්‍යයි. හිස්කබලට ප්‍රමාණවත් තරම් විටමින් බී12 නොලැබුණොත් හිස්කබල කැසීම හා හිසේ කැක්කුම ඇතිවෙනවා. ඒ නිසා ශරීරයට ප්‍රමාඇවත් තරම් විටමින් බී12 ලබාගන්න ඕන. කොහොම වුණත්, මුලින්ම වෛද්‍යවරයෙක් හමුවෙලා උපදෙස් ලබා ගන්න එක ගොඩක් වැදගත්.
02. හිස්කබල මසාජ් කරන්න.
හිස මසාජ් කිරීම මගින් රුධිර සංසරණය වැඩි දියුණු කරනවා. කේශමූලවලට වඩාත් හොඳින් රුධිරය ගලා ගොස් කෙස්වල වර්ධනය උත්තේජනය කරනවා. ඇඟිලිතුඩුවලින් මෘදුවට හැම පැත්තකටම හිස්කබල සම්බාහනය කරන්න. නාන වෙලාවට වුණත් මේක කරන්න පුලුවන්.
03. හිසකෙස් නිවැරදිව වියළන්න.
නෑමෙන් පසු හිසකෙස් තුවායකින් පිහිදන්න එපා. එමගින් ඔයාගෙ කොණ්ඩය ඉක්මනින් කැඩෙන එක වළක්වගන්න පුලුවන්. මෘදු ටී ශර්ට් එකක් භාවිතා කරලා හිසකෙස් හෙමින් තෙත මාත්තු කරන්න. තදින් පිහිදන්න එපා.
04. නිදාගැනීමට සිල්ක් කොට්ට භාවිත කරන්න.
කපු කොට්ට උර මගින් හිසකෙස්වල තෙතමනය ඉවත් කරලා හිසකෙස් වියයි බවට පත් කරනවා. ඒත් සිල්ක් කොට්ට උර භාවිතා කරන කරද්දි එහෙම වෙන්නෙ නෑ. ඒ වගේම සිල්ක් රෙදි මගින් හිසකෙස් හා කොට්ටය අතර ලිස්සන සුළු බව අඩු කරන නිසා හිසකෙස්වලට වන හානියත් අඩු කරනවා.
05. පෝනිටේල් එක දාන තැන වෙනස් කරන්න.
ඔයා හැමවිටම කොණ්ඩෙ පෝනිටේල් දාන කෙනෙක්ද? එහෙනම් නිතරම පෝනිටේල් එක දාන තැන වෙනස් කරන්න. කොණ්ඩෙට ගොඩක් තදට පෝනිටේල් දාන්න එපා. ඔයා ගොඩක් තදට පෝනිටේල් දම්මම ඔයාගෙ කොණ්ඩය පිටිපස්සට ඇදෙනවා. එමගින් ඉස්සරහ තියන කෙස්ගස් ගැලවිලා යන්න ඉඩ තියනවා. ඉදිරියෙන් වැටීමට පටන් ගත හැකිය. ඒ විතරක් නෙවෙයි, එක දිගට එකම තැන පෝනිටේල් එක දානකොට, එතන කොණ්ඩෙ අඩු වෙන්නත් පුලුවන්. ඔයා වෙන කොණ්ඩ මෝස්තර වලට කැමති නැත්නම් වරින් වර පෝනිටේල් එක ටිකක් බුරුල් කරලා කොණ්ඩෙට විවේකයක් ලබාදෙන්න.
06. හිස්කබලේ සම ගැන සැලකිලිමත් වන්න.
මුහුණේ සමට වගේම ඔයාගෙ හිස්කබලටත් රැකවරණය ඕන. ඒ නිසා ඔයාගෙ හිසට ගැලපෙන හෙයා මාස්ක් මොනවද කියලා හොයාගන්න ඕන. ඔයාගෙ හිස්කබලේ සමට ගැලපෙන සංයුතිය අඩංගු හිසකෙස් නිෂ්පාදන තෝරා ගන්න. ඒ වගේම හිස්කබල මොයිස්චරයිසින් කරන එකත් ගොඩක් වැදගත්. ඒ විතරක් නෙවෙයි, හිසේ සමෙහි නිසි pH අගය පාලනය කරන්නත් වෙනවා.
07. සීතල වතුරෙන් හිසකෙස් සෝදන්න.
හිසකෙස් සේදීමෙන් පසු ආයෙත් සීතල වතුරෙන් සෝදන්න. එමගින් ඔයාගෙ හිසකෙස් ශක්තිමත් කිරීමට හා සෞඛ්‍ය සම්පන්න කිරීමට උපකාරී වෙනවා. ඊට අමතරව, ඔයාගෙ කොණ්ඩයට දීප්තියක් එකතු කරන අතරම හිසකෙස් වඩාත් සුමට කරනවා.
08. ඔලිව් තෙල් ගාන්න.
ඔලිව් තෙල් මගින් හිසකෙස් හොඳින් පෝෂණය කරනවා. ප්‍රතිඔක්සිකාරක හා විටමින් ඊ වලින් පොහොසත් තෙල් වර්ගයක් නිසා හිසකෙස් වර්ධනයට වගේම දිලිසෙන හා මෘදු බවට පත් කරගන්නත් උදව් වෙනවා. ඔලිව් තෙල් කෝප්ප 1/4 අරගෙන හිස්කබලේ ගලා විනාඩි කිහිපයක් හොඳින් මසාජ් කරන්න. ඔයාගෙ හිස තොප්පියකින් ආවරණය කරගෙන විනාඩි 15-30 අතර ඉන්න. දැන් ෂැම්පු යොදා සෝදා හරින්න. මේ වෙනුවට ඔයාට ඔලිව් තෙල්, පොල් තෙල් හා එඬරු තෙල් වලට පෙපර්මින්ට් හා ඉඟුරු මිශ්‍ර කරලා භාවිතා කරනත් පුලුවන්.
09. හිසකෙස්වලට තෙතමනය ලබා දෙන්න.
ඔයාගෙ හිසකෙස් වලට හොඳ වර්ධනයක් ලබා දෙන්න ඕන වගේම එහි බාහිර පෙනුම වැඩි දියුණු කිරීමට මොයිස්චරයිසින් කිරීමත් අත්‍යවශ්‍යයි. මේකට හොඳම අමුද්‍රව්‍යයක් තමයි බිත්තර කහ මදය කියන්නෙ. බිත්තර කහමදයේ හිසකෙස් මොයිස්චරයිසින් කිරීමට උපකාරී වන ලෙසිතින් අඩංගු වෙනවා. බිත්තර 2 ක් හා ලෙමන් යුෂ බින්දු කිහිපයක් හොඳින් මිශ්‍ර කරන්න. හදාගත් මිශ්‍රණය කොණ්ඩෙට ආලේප කරන්න. පැය භාගයකට පසුව සිසිල් ජලයෙන් සෝදන්න.
10. සෞඛ්‍ය සම්පන්න ආහාර වේලක් ගන්න.
හිසකෙස් නිරෝගී වීමට නම්, ඔයාගෙ ශරීරය ඇතුළේ සෞඛ්‍යය ගැනත් හිතලා බලන්න ඕන. මේ සඳහා ඛනිජ ලවණ අඩංගු ආහාර ආහාර වේලට එකතු කරගන්න ඕන. මාළු, මස්, බෝංචි වගේ ප්‍රෝටීන් අඩංගු ආහාරත්, කැරට්, පැඟිරි පලතුරු හා වට්ටක්කා වගේ විටමින් ඒ හා සී අඩංගු ආහාරත් වැඩිපුර ආහාරයට ගන්න. ඒ වගේම නිතරම වතුර බොන්න අමතක කරන්නත් එපා.
හිසකෙස් වැඩීමට කරන වෙනත් ක්‍රම ඔයා දන්නවද? හිසකෙස්වල ගණකම වැඩි කරගන්න ඔයා කරන සත්කාර මොනවාද? ඒවා භාවිතා කරන්නේ කොහොමද? ඔයාගෙ අදහස් අපට කියන්න.
උපුටා ගැනීම: adobae