මේ කතාව කියවලා මොහොතක් ඇසිපිය වසා සිතන්න…
ඔබ කොතරම් ගැහැනියකට මානසිකව හෝ වදහින්සා පමුනුවාලුද …නැත්නම් උසස්ම මට්ටමින් ඇයට සැලකුවාද යන්න…
ගැහැනිය ජීවිතය පටන් ගන්නේම දරාගැනීම පෙරටු කරගෙන..එදා පටන් ඇය..සිය ජිවිතයේ නොයෙක් හැලහැප්පීම් ..බාදක..අවමන් වලට ලක්වන්නීය….
උපන්දා සිට ඈ..සිය පියාට…සහෝදරයන්ට ..පෙම්වතාට …සැමියාට ..අවසානයේ දරු මුනුබුරන්ට යටත්ව ජීවිතය අවසන් කරනවා…
හිතන්න ..මොහොතක්.. ලස්සන කෙල්ලෙක් දැක්කොත් හැමෝම ඒ ලස්සන මතුපිටින් බලලා නවතින්නේ නැත…බොහෝ දෙනෙක් ඇයව සිතින් නිරුවත් කර ඈ හා යහන් වැද ඇගේ ආත්මයම විනාශ කර හමාරය…
නමුත් ..හිතන්න දරුවෝ …ඒ ඉන්නේ උබේ නන්ගි වෙන්න පුලුවන්…අක්කා…උබේම ගෑනී..නැතිනම් දුව හෝ උබ පනවගේ ආදරය කරන උබේම අම්මා වෙන්නත් පුලුවන්…
ඕනෑම කෙල්ලෙක් කැමති නිදහසේ ජීවිතය විදින්න..ලස්සනට අදින්න ..ෆැශන් කරන්න …ඒත් කීයෙන් කී දෙනාටද ඒ වාසනාව ලැබෙන්නේ ..තාත්තා නැත්නම් පෙම්වතා හෝ සැමියා ඇයට හරස් වනු ඇත…
තවත් දෙයක් තමයි දරුවනේ…කෙල්ලෙක් ෆැශන් කලාට ..ලස්සනට ඇන්දාට ..ඒ කෙල්ල බඩුවක් නෙමෙයි …එහෙම හිතන්නවත් එපා..මොකද ඒ සිතුවිලිම තමා කවදා හෝ ඇයව ඒ තත්වෙට පත් කරන්නේ …
මන් මේ හැමෝට ම නෙමෙයි කියන්නේ ..අතලොස්සක් වූ සුලුතරයකට…
සමහරු ලස්සනට ඇදලා යන කෙල්ලෙක් දිහා බලලා…පට්ට කද…මරු ෆිගර් එක…යනාදී නොයෙක් අන්දමින් ඇයව පරිභෝජනය කරයි…ඇය හා නිදි වදී…
නමුත් හිතන්න මගේ පුතේ …ඒ ඉන්නේ උබේ පෙම්වතිය ..නැගනිය වගේම තවත් කෙල්ලක්..
නැත්නම් උබේ අම්මා වගේ පතිදම් රකින තවත් එක් ගැහැනියක්…
මගේ දරුවෝ ..උබේ අම්මා කාගෙන් හරි හිතින් හෝ කෙලෙසෙනවට උබ කැමතිද..
උබේ දුවට…කොල්ලෙක් රූම් එකකට කතා කරනවට උබ කැමතිද …නෑ නේද …
එහෙනම් දරුවෝ …මේ හැම ගැහැනියක්ම කාගේ හරි අම්මෙක්..එහෙමත් නැත්නම් දුවෙක්..බිරිදක්..සහෝදරියක්…
අපේ කෙනෙකුට එහෙම වෙනවාට අපි අකමැති වගේම තමයි..හැමකෙනාම කැමති තමන් ආදරය කරන ..ගරුකරන..ගැහැනියට සමාජය ගරු කරනවානම්….
මොහොතක් සිතන්න…ගැහැනියක් ඉපදිලා දවස් තුනෙන් කන විදින වේදනාව දරා ගන්නවා…ඊට පසුව ඇගේ ජිවිතය වේදනාවක් ම පමනයි …
මාසික වේදනාව …පිරිමි ඔයාලා දන්නේවත් නැති දුකක් ඈ විදින්නේ…මාසෙකට වතාවක් ඈ අසරණ කරන ඒ වේදනාව නිසා මානසිකව ඈ..කොතරම් දුක් විදිනවා ඇතිද…උදරයේ වේදනාව පමණක් ම නොව සතියකට ආසන්න කාලයක් සිරුරෙන් ගලන රුදිරය…ඈ මොන දුකක් විදිනවා ඇතිද…
පාසල් යන …කෙල්ලක මේ දවස් වලට කොතරම් අසරනද..සුදු ඇදුමේ වැදුනු ලේ පැල්ලම වසා ගන්න කොතරම් උත්සාහ කරනවාද…
මොහොතක් හිතපන් මයේ පුතේ ….
ඇය මේ දුක් විදින්නේ…
උබලා වගේ තවත් පිරිමියෙක්ට දාව උබලාගේ..අනාගතය ඉදිරියට ගෙනියන්න …
කෙටියෙන් ම කිව්වොත් උබේ පැටියෙක් ..
ඇගේ කුසේ දරාගන්න ..ඒ දරුවා මේ ලෝකෙට දෙන්නයි ඈ…ඒ වෙහෙසෙන්නේ…
උබේ අම්මා ගැන හිතපන් …උබ කවදාවත් දැකලා තියෙනවාද …අම්මා බඩ රිදෙනවා කියලා නිදන් ඉන්නවා…නෑ නේද ..
නමුත් ඈටත් ඒ වේදනාව ඒ විදියට ම දැනෙනවා..ඈ ඒක දරාගන්නවා..උබලා ගැන හිතලා…
සමහරක් පිරිමි කට ගොන්නක් බිගෙන ඇවිත් කෑම රස නෑ කියලා හෝ..කෑම එකේ කෙස් ගහක් තිබිලා තමන්ගේ ගෑනිට ගහනවා…
පොඩ්ඩක් හිතපන්…ඒ ගෑනිට එදා ඔය කියන අමාරුව තිබුන දවසක් කියලා ..අනේ ඒ අසරනී ගුටි කන්නේ පුලුවන් කමකට නෙමෙයි …උබලා වගේ උන්ගෙන් ගැලවීමක් නැති නිසා..
මගේ දරුවෝ …උබත් විදපන්..ඒ වේදනාව දවසක…කෙල්ලෙක් අම්මා කෙනෙක් වෙන දවස..ජිවිතේ තමන් කරපු කරුමයක් හින්දායි තමන් කෙල්ලෙක් වෙලා ඉපදුනේ කියලා හිතන කෙල්ලෝ තමන්ගේ කෙලිකමට ආදරය කරන්නේ ඇය අම්මා කෙනෙක් උන දවසෙයි…
විදලා බලපන්…ලගම ඉදපන්…උබේ කෙල්ල අම්මා කෙනෙක් වෙන දවසට…
අන්න එදාට උබට තේරෙයි…ජීවිතයත් මරනයත් අතර වේදනාව …
මාස ගානක් උබේ කිරි කැටියා ..
කුසේ දරන්..ආසා කෑමක් කන්න බැරිව
හරියකට ඇදුමක් අදින්න බැරිව..
හරිහමන් නින්දක් නැතිව..
ඈ..වෙදනා විදින්නේ උබේ නූපන් කිරි කැටියා වෙනුවෙන් …
දවස් ගානක් ගැබිනි වාට්ටුවක දුඔ විදින්නේ ..
දරුවා බිහි කරන්න..
පැය ගානක් ඈ…මාරයාත් සමග පොදිබදිමි…
වේදනාවේ හිනි පෙත්තටම ගිහින් …
උබේ කිරි කැටියා ..උබේ අතට දෙනවා..
හිතපන් පුතේ ඇය කොතරම් කැප කිරීමක් කලාද උබ වෙනුවෙන් කියලා …
මන් තවත් කියන්නේ නෑ ….
උබම ටිකක් හිතලා බලපන් උබ ඇත්තට ම ගැහැනියකට ගරු කලාද..
නැත්නම් අර වගේ සිතින් ඈ හා යහන් වැදී ඇගේ මුලු ආත්මයම විනාශ කලාද කියලා ..
තව දෙයක් පුතේ …උබ කෙල්ලත් එක්ක රූම් යන්න හිතන් ඉන්නවානම් වහ බෝතලයකුත් අරන් පලයන්…මොකද උබේ අතින් ගැහැනියක් වෙන කෙල්ලව උබ බාර ගත්තේ නැත්නම් ඒකිව කවුරුත් ම බාර ගන්නේ නෑ ..මැරෙන එක ඒකිට සැපයි..අවමන් විදිනවාට වඩා…
මේක කැමති අය ශෙයාර් කරන්න …
ඒ වගේම මේ එක ලිපියකින් අපිට ලොකු වෙනසක් කරන්න පුලුවන් …
එක් කෙනෙක් හරි හැදෙයි පුතේ …
මගේ වදන් ලස්සන මදි ඇති….
ලොකු ලොකු කතාත් නැතුව ඇති…
ඒත් කමක්නෑ…
එකෙක් හරි හරි පාරට ආවොත් මන් සාර්ථකයි…
උබේ හිතට වැදුනානම් මේක…
ගරුකරපන් පුතේ …ගැහැනියට
උපුටා ගැනීම: සදෙව් විහංග