ජර්මානු එඩේරියගේ අනියම් මිටි පෙම්වතා (වැල් වටාරම්)

කුඩා කල ඇය හරි හුරතල්ය . බළල් ඇස් ගෙඩි බෝල ජිල් වගේය දැන් නම් ටිකක් මහෝගනී පෙනුමක් තිබුනද කුඩා කල කළුය ඈ මට හදුන්වා දුන්නේ පොලිස් මිතුරෙකි . සමහර විට ඇගේ අම්මාද අපරාධ පරීක්ෂණ අංශයේ සේවය කරන්නට ඇති බාල වයස්කාර සමයේම මගේ නිවසට ගෙනා ඇය හදා වඩා ගන්නට සෑහෙන වියදමක් විය

ඈ ටිකින් ටික ලොකු උනාය ,තරුණ වියට ඒමත් සමග සැබවින් හැඩකාර පෙනුමක්ද එන්නට විය , නමුත් හුරතලය නම් එකසේ විය

මා ඇගේ පින්තූරයක් ගත්තෙමි . කවියක්ද ලියා පලකෙරුවෙමි ඊට මගේ මුහුණට වඩා බොහෝ ආදර සලකුණු වැටුණි බොහෝ දෙනා සෝ කියුට් කියා ලියා තිබුණි එදින සවස් කාලයේ නොදන්නා අංකයකින් ලැබුණු දුරකථන ඇමතුමකි

“ඔයාද අර ජෙනී පේස් බුක් දාලා තිබුනේ “

“හා ඔව්නේ “

“එයා හරිම ලස්සනයිනේ මම කතා කලේ පොඩි ප්‍රොපොසල් එකකට “

“ඒ කිව්වේ “

“අපි එයාව මගේ පුතාට බන්දමු “

“ඔයාගේ පුතාට “

මම පුදුමයෙන් ඇසුවෙමි , ඔහු හය්යෙන් සිනාසුනේය

“මම ෆොටෝ එකක් එවන්නම් “

ඒ පින්තුරය දැකීමෙන් මා කුල්මත් උනෙමි

ඒ රොකී ය

ඒ ලස්සන වචනයේ පරිසමාප්ත අර්ථයෙන් කිව්වොත් හෑන්ඩ් සම් ය දැන් මා කුමට අසතුටු වන්නටද ජෙනී රෝකීට බන්දා දෙමි ඒ ලස්සණ පරම්පරාව ඉදිරියට යා යුතුමය කල් යල් බලා අපි විවාහයට දින යොදා ගත්තෙමු නිදහසේ මධුසමය ගතකරන්නට දුන්නෙමු

අපි ඒ ගැන ඉමහත් සතුටුය ජෙනී ඉක්මනින්ම ගැබ්බර වුවාය

මිතුරාත් මමත් හවුලේ මුදල් යොදා ඇය පෝෂණය කරමින් හොදින් බලා ගත්තෙමු

ඈ පැටව් හය දෙනෙකු දැම්මාය

ජෙනීත් රොකී ත් මහෝගනී දුබුරු මුත් පැටව්ගේ ගේ මද සුදු දුබුරු ගතියක්ද විය

ඔවුන් ජෙනී පොඩි කාලේ තරම් ලොකු නැත ඒ හය දෙනෙක් නිසා යයි සිතේ

ඉදින් අප පවුලම පින්තූර ගත්තෙමු මුහුණු පොතේ පවුල පිටින් පලවෙයි

ආදර සලකුණු වැහි වහින් අතර දුරකථන ඇමතුම් ගලා එයි කවුරුත් අසන්නේ පරම්පරාවේ පිවිතුරු බවය ඒ අපි සහතික කරමුඅන්තිමේ රුපියල් තිස්දහස ගන්නේ මාසේ පැටව් විකිණිනි

මුදල මිතුරා හා බෙදා ගත්තෙමි

තවත් වසරකින් පමණ අපිට මිට වඩා මුදලක් සොයා ගැනීමට හැකිය

මාස දෙකක් ගතවිය

කිසිවෙකු අපේ මුහුණු පොත ටැග් කොට අසැබි වදනින් ටිකක් බුල් වැඩි

ගම් බල්ලන් දමා දොස් කියයි කීප දෙනෙකු ඊට සමාන කොමෙන්ට් කොටා ඇත මා මිතුරාට කතා කලෙමි

“මාර වැඩේනේ අපි දුන් පැටව් වල් එකෙක්ගේ “

මා මවිත උනෙමි

“එහෙම වෙන්න බෑනේ “

“උන් පලු යන්න බනිනවා “

මෙසේ සිදු වුයේ කෙසේද

මිතුරා රොකී සමග පහුවෙන්දා ආවේය රාත්‍රියේ ඌ ජෙනී සමග කලින් මෙන්ම ගෙවත්තේ සැරිසරන්නට දුන්නෙමු නමුත් එදා මෙන් නොව මෙදා අප සදලු තලේ සිට බලා උන්නෙමු

රොකි සුළු වෙලාවක් ජෙනී අවට කැරකිනි ජෙනී ටිකක් එහා මෙහා

ගියාය තාප්පය දෙස් බලා උඩු බුරන්නට විය

ටිකකින් රොකි දිගා වී නිදන්නට විය

අසල නිවසේ සුදු කළු මිටි කුඩා ටොමි මහතා කොහෙන්දෝ මතුවිය ඌ සෙමින් සෙමින් ජෙනී ලගට යයි ජෙනී බුරන්නේ නැත

දෙදෙනා පෙම් කෙළිති

මිතුරාත් මමත් මුහුණින් මුහුණ බලා ගත්තෙමු ඒ අප විවාහ කරවුවද

දකිනු ලැබුවේ අනියම් සබදතාවක් බැවිනි