වයිෆ් ගුරුවරියක්,
මම අනධ්‍යන කාර්‍යමණ්ඩලයේ,
මේ ටිකේ ඉතින් වර්ජන ගර්ජන අස්සේ තර්ක විතර්ක යනවා අපි දෙන්නා අතරේ,
මම ඉතින් අතොශෝක්තියෙන් කියනවා ගුරු වර්ජනය වැරදියි කියලා,
වැරදි නෑ,
පඩි මදි තමා,
ඒක ඇත්ත,
ඒත් අනේ මොකක් හරි වලියක් තියෙන්න එපායෑ,
එයා එක හෙළාම කියනවා ඒක හරි කියලා,
මට ඉතින්න් වර්ජනය කලත් එකයි නැතත් එකයි,
මොකද මම රස්සාවට යන්න එපායෑ,
ඔන්න ඉස්කෝලේ කාලෙකනම් වර්ජනයට අපි එක හෙළාම කැමතී,
පවුලක සමඟිය තියෙන්නනම තේරුමක් නැති දේකට රණ්ඩුවෙන්න ඕනේ කියලා රතුඉන්දියානු නායක සියැටල් කියලා තියනවානේ,
මොකද තේරුමක් ඇති දේකට රණ්ඩු වුණොත් එයා බඩු පොදි බැඳන් රත්නපුරේ යන්න ඉඩ තියනවා,
මීට කලින් ගිහිල්ලා නෑ,
මම කියන්නේ එහෙම යන්න රිස්ක් එකක් තියනවා,
අයි රිපීට් ගිහිල්ලා නෑ ඕකේ,
ආයේ අහන්නත් එපා ගියාද කියලා පීස්…
මම හරි ආසයි අලිගැට පේර කන්න,
වයිෆුත් ආසයි,
මම කැමති හොඳට ඉදුණ අලිගැටපේර චොරු කරලා සීනි දාලා,
ලුනු පොඩ්ඩක් දාලා කිරිපිටි හැඳි දෙකක් විතර දාලා හොඳින් මිශ්‍ර කරගෙන කන් තමා මම කැමතී..
අපේ ගෙදර රතුපාට ජෝගුවක් තියනවා,
ඒකේ තමා මම ඕවා හදාගන්නේ,
ඊයේ කෝම හරි මම හොඳ රසට හැදුවා අලිපේර මික්ස් එකක්,
සීනිදාන්න කලින් ඇබියාටත් දුන්නා,
ඇබීත් කෑවා,
ඊට පස්සේ සීනිදාලා පදම ගත්තා,
ඒකෙන් ටිකක් කාලා ෆ්‍රිජ් එකට දැම්මා,
පායනා කාලයේ රෑදවාල් මාන්සිවී කන්න දේ රැස්කරයි කූඹියෝ කියලා,
හදිස්සියේ රසායනික පෝර නැති හින්දා සාගතයක් ආවොත් වයිෆ්ටයි මටයි ඔය අලිගැටපේර ටිකෙන් දිවි ගැටගහගන්න පුලුවන්නේ…
ඔන්න ඉතින් ස්ටාලින් කෑගහනවා වර්ජනේට පක්ශව,
රජයෙන් බනිනවා වර්ජනේට විපක්ශව,
බයියෝ ටොයියෝ ජෙප්පෝ ඕවාට මරාගන්නවා,
උන්ට මීයෙක් මැරුණත් ඒ ඇති මරාගන්න,
මොකද රාවණා පරපුරේ ඈයෝනේ අපි,
ගේමමයි,
රාවණා ඒකනේ සීතාව ඉස්සුවේ ඉංදියාවෙන්,
හීලෑවුණ යක්ඛයින්නේ අපේ ලංකාවේ ඉන්නේ,
මම ඉතින් ඕවා බල බල ඉන්නවා නිව්ස් ෆීඩ් එකේ,
ඒ අස්සේ ආවා නිව්ස් එකක් මෙහෙම,
“ගුරුවරුන්ගේ ඔන්ලයින් වර්ජනය හෙට සිට දැඩිව ක්‍රියාත්මක වෙයි”
කියලා…
මම ඒක වයිෆ්ට ඇහෙන්න කියෙව්වා,
“මොකද්ද බබා ඒ කතාව?”
මම ගේමක් ඇදගන්න පොටක් අහුවුණ හින්දා නළල රැළි කරලා කට උල් කරලා ඇස් පොඩි කරලා ෆුල් සීරියස් මූඩ් එකෙන් අහන ගමන් ෆ්‍රිජ් එකෙන් මම ඊයේ හදලා දාපු අලි පේර එක අරන් ඇවිත් සැටියේ වාඩිව් වුණා,
එයා එයාම දැන් හදාගත්ත අලිපේර එකක් කකා ලෝඩ් වගේ උත්තර දෙනවා මේම,
“නෑ ඉතින් විසඳුම් නෑනේ ඒකයි”
කියලා කීවා,
“ඔන්ලයින් කෝමත් නෑනේ,
දැඩිව වර්ජනය කරනවා කියන්නේ ගුරුවරු ෆෝනුත් ඕෆ් කරනවා කියන එකද?”
කියලා මම බොහෝම වගකීම් සහගතව ඇහුවා…
මම කියපු දේට එයාට යකා නැග්ගා,
මූණ වෙනස් වුණා,
පිළිගන්න පුලුවන්ද සඳ දෙව්දුවක් මේ හැටිම නපුරුයි කියා කියා මට හිතුණා,
එයා වචන ගලපනවා උත්තර දෙන්න,
ඒත්…
එයා දෙයක් කියන්න කලින් මම හොඳට පුරෝපු අලිපේර හැන්දක් කටේ දාගත්තා,
අම්මෝ ඒක,
ඊක්කා…
ඊයේ හදපු එක නරක් වෙලා,
අප්පිරියයි,
කසිප්පු ගැහුවා වගේ,
ඕක්කා…
එයාට තේරුණා මගේ අලිපේර එක සවුත්තු වෙලා කියලා,
එයා ඒක දැක්කා,
විරුද්ධ පාක්ශික අනාධ්‍යන කාර්‍යමණ්ඩලයේ පුද්ගලයාට කෙලවුණා,
අර තරහා ගිය මුහුණෙ ආලෝකයක් ආවා,
සඳ කොහොමද මෙතෙන්ට ආවේ හිතුණා,
හිනා වෙන්න ගත්තා කෑගහලා,
රෑ නිදාගෙන ඉඳපු මාවවුලෝ ඇහැරුණා,
බකමූණෝ කලබල වුණා,
මම අලි පේර ටික නොහපාම දුවන් ගිහින් සින්ක් එකට දාලා කට සෝදා ගත්තා,
“හොඳ වැඩේ ගුරුවරුන්ට එක එක ඒවා කියනවාට”
ලෙසින් මිහිරි හඬකින් කියනවා මට ඇහුණා සාලය දෙසින්…
උපුටා ගැනීම: Tharu Rajapaksha