ඔහු වෙද්‍ය ව්ද්‍යාව පිලිබඳ මහාචාර්ය වරයෙකි. මැදිවියේ පසුවූවෙකු වුනත් කඩවසම් , ප්‍රියමනාප ඒ වගේම උසට සරිලන දේහයකින් යුක්‍ත වූවෙකි .
දහස් ගානක් වෙද සිසුන් ට තම දැනුම බෙදාදීමට අමතරව මොහු ගේ ඇති විශේෂ දක්ශතා නිසා රජයේ ආයතන කීපයකට ද සම්බන්ධව කටයුතු කලා. මොහුට සැමදේම තිබුනත් විවේකයක් නම් තිබුනෙ හරිම අඩුවෙන්.
දිනපතාම උදෑසන අවදිවන මෙතුමා බොහෝ රෑ උනාට පස්සෙ තමයි නින්දට යන්නෙ. හැමදාම එකම විදියට . නිදහසේ විනාඩි කීපයක්වත් කාලය ගත කරන්න එහෙම නැත්නම් ව්‍යායාම ක යෙදෙන්නවත් ඔහුට හැකියාවක් තිබුනෙ නැහැ .
ඔහු පුරුද්දක් විදියට මෝටර් රථය නවත්වන්නෙ රෝහලේ ඈත කෙලවරට වන්නටයි. මෝටර් රථයේ ඉදල ඔහුගේ වාට්ටුව දක්වා ඔහු පයින් යන මීටර් 100 ක පමන දුර තමයි ඔහු දවසේ යෙදෙන එකම ව්‍යායාමය .
දවසක් හදිසියේම ඔහුට , ඔහුගේ යටි ඇන්දේ දතක වේදනාවක් දැනුනා. ඒ වෙලාවෙ ඔහු පැරසිටමෝල් පෙති දෙකක් ගත්තත් මේ අමාරුව නැවත නැවත ඔහුට ඇතිවුණා .
මේ වැඩේ දිගටම තිබුන නිසා රෝහලේම dental clinic එකට ගියේ මේ අවුල ලිහා ගන්න.
දන්ත වෙද්‍යවරයා අපේ මේ මහාචාර්යවරයා හොදින් පරීක්ෂා කලත් දත්වල නම් කිසිම ගැටලුවක් තිබුනෙ නැහැ .
දැන් දත් දොස්තර මහාචාර්යවරයා ගෙන් රෝග ඉතිහාසය අහනවා.
දත් දොස්තර මහත්තය මේ වෙලාවෙ ඉතා වැදගත් කරුණක් අපේ මහාචාර්යවරයා ගෙන් එලි කරගත්ත .
ඒ තමයි , මේ දත් කැක්කුම වැඩි වෙන්නෙ මොන වෙලාවටද කියල.
අර අපේ මහාචාර්යවරයා පයින් යන වෙලාවට තමයි මේ අමාරුව ඔහුට වැඩිවෙන්නෙ .
මේ දත් දොස්තර මහත්ත හුගාක් අත්දැකීම් බහුල ඒ වගේම හොද දැනුමක් තියන කෙනෙක් . ඔහු අපේ මහාචාර්ය තුමාට ඉතා ඉක්මනින් ECG පර්‍ර්ක්ශනයක් කරගන්න අණ කලා!!!!
ඇස් උඩ ගිය මහාචාර්ය තුමා ටික වෙලාවක් කල්පනා කරල කාරනය වැටහුණු නිසා ඉතා ඉක්මනින් ECG පරීක්ෂණ කට යොමුවුනා.
පුදුම වැඩේ! අපේ දක්ශ දත් දොස්තර මහතා හරියටම හරි.
මහාචාර්යවරයා ට heart attack එකක් !!!
ඉතා ඉක්මනින් රෝහල් කාර්‍යමන්ඩලය ඔහුව කොලඹ ජාතික රෝහලේ හෘද රෝග ඒකකයට ඇතුල් කර හදිසි හදවත් සැත්කමක් සිදුකෙරුනා.
ඉතින් මේ කතාවෙන් ඔබට ඉතා වටිනා කරුනු කීපයක්ම ඔබට පහදා දෙන්නම්.
Heart Attack එකක් එහෙම නැත්නම් myocardial infarction එකක් හැදෙන විට ඔබට එය කීප ආකාරයකටම දැනෙනව .
1 පපුවේ වම් පස ඇතිවන වේදනාවක් විදියට ,
2 පපුවේ සිරවීමක් ලෙස.
3 පපුවේ වම් පසින් හටගන්නා වේදනාව , වම් අත දිගේ, බෙල්ල දිගේ වම් යටිහනුව දක්වා , ( මහාචාර්යවරයා ගේ මෙන්) එහෙම නැත්නම් ඔබගේ පිට ප්‍රදේශයේ උරපත් ඇටය අස්සෙන් ඇතුලට යන වේදනාවක් ලෙස.
4 පපුවේ ඇතිවන දැවිල්ලක් ලෙස( gastritis වලදී මෙන්)
මේ කුමන ආකාරයේ වේදනාවක් වුවද දරුනු හදවත් රෝගයක මූලික ලක්ශන විය හැකිය.
අපේ මහාචාර්යවරයාට මේ කරුන අමතක වී ගියත් ඔහුගේ ජීවිතය දත් දොස්තර මහතාගේ නිරීක්ෂණය නිසා බේරුනා.
දැනටත් මහාචාර්යවරයා ඉතා නිහතමානීව ඔහුගේ සිසුන් හට මේ සිද්දිය උදාහරණයක් ලෙස ගෙන ඉගැන්වීම් කටයුතු වල යෙදී සිටින අතර රටේ ඉතාමත් වැදගත් රාජකාරි වල යෙදී සිටී.
උපුටා ගැනීම: Dr රවින්ද උඩගමගේ