හොද වෙලාවට නිවාඩුවට ගෙදර ගිහින් හිටපු සීතා ආයෙම ඇවිත් තිබ්බ.සීතා හදලා තිබ්බ නූඩ්ල්ස් වලටත් වග කියලා ගිහින් වෝෂ් දාගෙන ඇදට වැටුනේ පට්ට මහන්සියෙන්.
**************
මේ කන් අඩි පැලෙන්න තරම් ක්ලබ් එකේ සද්දෙ හරියට මට දැනුනේ ඔලුව පුපුරන්න වගේ.
මත් වෙලා ඔහේ නටන කෙල්ලො කොල්ලො දිහා මන් බලන් හිටියෙ ඕනවට එපාවට.ඒ අස්සෙ කෙල්ලෙක් බදන් ඉන්න ත්‍රෙවෝන් දැක්කම මට දැනුනේ කේන්තියක්.
මේ මිනිහට දවසක ලෙඩක් හැදෙනවා දකින දකින් ගෑණි එක්ක බුදියන්න ගිහින්.මන් හිතුව විතරයි.ඔය උපදෙස් වලින් ත්‍රෙවෝන්කාරයාට වැඩක් නෑ..
ත්‍රෙවෝන් දිහාට බැල්ම තියාගෙනම මන් කොක්ටේල් එක අතට ගත්තා.
“හේයි බේබි ගර්ල් ”
මන් හැරුනේ ඒ පැණි වොයිස් එකට.කව්ද මන්දා ඩයල් එකක්…නසරානි වෙන්න බීලා නෙවෙයි නාලා..
” බේබි විල් යූ ඩාන්ස් විත් මී”
” නෝ තෑන්ක්ස් ” මන් ගස්සලා කීවේ මේ මිනිහට කෙලින් ඉන්න බැරිව ඩාන්ස් කරන්න කතාව කියලා හිත යටින් බනින ගමන්.
” වයි බේබි…ලෙට්ස් හෑව් සම් ෆන්” එවර නම් කොල්ලා කීවේ මගේ අතින් ඩාන්ස් ෆ්ලෝ එකට ඇදගෙන යන්න හදන ගමන්.ඔන්න පුතේ උඹ ඇදගෙන නාන්නයි යන්නෙ ඉතින්.
මෙච්චර වෙලා ඉවසීමෙන් හිටපු මගෙ රතු කට්ට පැන්නා.මන් උගෙ අත අඹරවලා අරගෙන පිටට තියලා තද කරේ වේදනාවට ඒ මූණ කලු වෙද්දි ..
” එක සැරයක් කීවම තමුසෙට තේරෙන්නෙ නැද්ද ” මන් කීවේ තවත් ඒ අත අඹරන ගමන්.
” තමුසෙ ….දන්නවද මන් කව්ද කියලා ” පොර තරහත් වේදනාවත් එක්ක මුමුණනවා.
” තමුසෙ කව්රු උනත් මට අදාලා නෑ…කෑව බීවා නම් පව් නොදි යනවා හලෝ” අත අඹරගෙන හිටපු එක අයින් කරලා මන් කීවේ කොල්ලා විසික් වෙලා වැටෙන්නම පුටු උඩට තල්ලු කරන ගමන්.
ඌව පැත්තකට දාලා අත්ලත් ගසලා දාලා ගියේ වොෂ් රූම් එකට.විනාඩි කීපෙකින් මන් වොෂ් රූම් එකෙන් එළියට ආවේ ඇදන් හිටපු කොට ගව්මත් හද හද.
එලියට ඇවිත් ඩාන්සින් ෆ්ලෝ එකේ වෙන දේ දැක්කම මගේ ඉහ මොල රත් උනා.එතන එකම කලබලයයි.
මගෙන් ගුටි කෑව පොරට ත්‍රෙවෝන් ඩාන්ස් ෆ්ලෝ මැද්දේ දාගෙන ගහනවා.ගහෙන් වැටුනු මිනිහට ගොනා ඇන්නා වගේ.හනේ සන්සාරේ.
රනුල් ත්‍රෙවෝන්ව අයින් කරගන්න බැලුවට ත්‍රෙවෝන්ගෙ යක්ෂාවේස ඇගත් එක්ක පොරට ඒක කරන්න අමාරුයි වගේ.
ක්ලබ් එකේ ගාඩ්ලවත් ත්‍රෙවෝන්ට අත තියන්න අකමැති උනේ කොල්ලා කාගේ කව්ද කියලා කියන්න හැමෝම දන්න නිසා.ත්‍රෙවෝන්ගෙ ඒ ඇස් තරහින් ගිනි පිටවෙන ගානයි.
මාත් ඒ මැද්දට පැනලා බැලුවෙ ත්‍රෙවෝන්ව කූල් ඩවුන් කරගන්න. මොකද නැත්තම් මේවා ගොසිප් සයිට් වල ගියාම රේවත කාරයා පලු අරින්නෙ අපේනේ.
මායි රනුලුයි එකතු වෙලා ත්‍රෙවෝන්ව පැත්තකට ඇදලා ගත්තේ කෙලින් ඉන්නවත් පණ නැතුව ඉන්න ගුටි කාපු එකාව ගාඩ්ලා ඇවිත් අරන් යද්දි.
සමහර කෙල්ලො භය වෙලා ඇස් උඩ තියන් බලන් ඉන්නවා. මොනාත් නොවුනු ගානට දෑත පිහදගත්ත ත්‍රෙවෝන් ඒ කූරු කොණ්ඩෙ උඩට කරලා හදාගත්ත.ඒ කරලා ඒ දෑත් කලිසම් සාක්කුවල රුවාගත්ත ත්‍රෙවෝන් ඇවිදගෙන ගියේ ක්ලබ් එකෙන් එළියට.
අපිත් ඒ හා සමානව ඒ පසෙකින් වැටුනා.මූ නම් අපිව දවසක නැති කරනවා
එලියට ඇවිත් ත්‍රෙවෝන් ගාර්ඩ්න් එකේ නැවතුනා.අදුරු අහස දිහා බලන් ලොකු හුස්මක් ඇදගත්ත. සිද්ධ උනු රණ්ඩුව නිසා ඒ මත් බව පහවෙලා තිබ්බ.
ලා රතක් ඇදි ඒ මත් ඇස්වලින් ත්‍රෙවෝන් බැලුවෙ මන් දිහා. ඒ ඇස් තාම කේන්තියෙන් පුපුරනවා.
” තමුසෙ ආයේ ක්ලබ් එද්දි යුනිෆෝම් එක ඇදන් එනවා….ඔය වගේ කොට කෑලි ආයෙ ඇදන් ආවොත් කඩනවා මන් තමුසෙගෙ කකුල් දෙක” ත්‍රෙවෝන් බෙරිහන් දුන්නේ මගෙ විතරක් නෙවෙයි රනුල්ගෙ ඇස් පුදුමෙන් ලොකු වෙද්දි.
ත්‍රෙවෝන් ඉක්මන් ගමනින් ගිහින් කාර් එකට නගිද්දි රනුලුත් මාත් ඉක්මනට කාර් එකට නැග්ගා.
කාර් එක ගෙදරට ගියා නෙවෙයි ඉගිලුනේ මේ මහ රූ වාහන තද බදයකුත් නැති නිසා.
නිහඩවම තාම ඒ කලිසම් සාක්කු අස්සෙ දෙඅත් රුවාගෙන ත්‍රෙවෝන් කාර් එකෙන් බැහැලා රූම් එකට ඇවිදගෙන ගියේ ගැඹුරු බැල්මක් ඒ ඇස්වල රුදිලා තියෙද්දි.
” මොකෝ බන් ඒ උනේ” මොකුත් හිතාගන්න බැරුව හිටපු මන් ඇහුවෙ අන්දමන්ද හඩින්.
” මටත් හිතාගන්න බෑ බන් උඹ වොෂ්රූම් එකට ගියා විතරයි ලොක්කා අරූව අල්ලගෙන නෙලාගෙන ගියා…”
රනුල් කීවේ දෙවුර සලමින්.
” දවසින් දවස මේ යකාගේ මොලේ නරක් වීගෙන එනවද මන්දා …එක දවසකට එකක් තව දවසකට තවත් එකක්….ඉස්සර යුනිෆෝම් එක අදිද්දී කීවා ක්ලබ් එකට මැච් වෙන එකක් අදින්නලු……ක්ලබ් එකට හරියන එකක් ඇන්දම කියනවා යුනිෆෝම් එක අදින්නලු”
මූණ දෙක කරන් මන් කියද්දි රනුල් වැටුනෙ කල්පනාවකට .
ගෑණු එක්ක බුදියගත්තට කිසිම ගෑණියක් ගැන ත්‍රෙවෝන් මෙහෙම හොයලා බලනවා රනුල් දැකලා තිබ්බේ නෑ.ඒ හිතේ මායා ගැන තියෙන්නෙ මොන වගේ හැගීමක්ද කියලා රනුල් හිතුව.
කල්පනාව පිටින්ම රනුල් ගෙදර ඇතුලට ඇදෙද්දී මාත් ඒ පසුපස ආවෙ ත්‍රෙවෝන්ගෙ මේ වෙන වෙස් මාරු ගැන කල්පනා කරමින්.
*************
බෑග් පැක් එකත් කරට දාගෙන ස්කූටිය ලෑල්ලට පෑගුවා.විනාඩි දහයයි KI
Sports school එක ළග.අයි ඩී එකත් පෙන්නලා රින්ගගත්තා ඇතුලට.
ඔක්කොටම හපන් කෙනෝල් කාරයාට හොරෙන් ප්‍රැක්ටිස් වලට රින්ගන එක…
හොරෙන් හොරෙන් බලලා රින්ගුවා..
හඃ …මොකාද මේ හැප්පුනේ…
හයියෝ…කෙනෝල්ගේ සීසීටීවී ඇස් මන් දිහා බලන් හිටියෙ කන්න වගේ…
මන් ටක් ගාලා බිම බැලුවෙ ඒ ලස්සන ඇස් එක්ක හරි හරියට ඔට්ටු වෙන්න මට බැරි නිසා.ජීවිත කාලෙටම මේ හිතට පිරිමියෙක්ට ළන් වෙන්න පුලුවන් උනා නම් ඒ අපේ කෝච් කෙනෝල් ආරිත මොනරවිලම විතරයි. ඒ ආඩම්බරකම හැමදාම මාව පිස්සු වැට්ටුවා.
” අදත් තමුන් පරක්කුයි ” ඒ හඩ රෞද්‍රයි.
” සොරි කෝච්”
” සොරි නෙවෙයි ඉක්මනට ගිහින් චේන්ජ් වෙලා පුශ් අප්ස් පනහයි..ඒ පනිශ්මන්ට් එක”
හඃ පුශ් අප්ස් පනහක්…කෙනෝල් කාරයා නම් මාව මරවනවා අප්පා…
තනියම මුනු මුනු ගගා මන් චේන්ජ් කරගත්තා…
මන් එද්දි කෙනෝල් ශයිනි එක්ක මුකුලුව…මුට මන් එක්ක තමා හිනාවෙලා කතා කරන්න බැරි…ඔක්කොම කුණු බේරුවල බොක්කටලුනේ…මන් එරෙව්වා..
වසලා හමාරයි පොර ඒක දැක්කා…
” තමුසෙ ඔය පුශ් අප්ස් කරන හැටිද…ඉක්මනට…මට මෙතන බබ්බු හුරතල් කරන්න වෙලා නෑ”
හපෝ ලවුඩ්ස්පීකර් වොයිස් එකට හැමෝම මන් දිහා බැලුවා.
ශීක් නෝන්ඩිය..
මායෝ අද නම් උඹේ ග්‍රහචාරෙ හරි නෑ…උදේ ඉදන් ත්‍රෙවෝන් එක්ක වලි ඇරගෙන දැන් කෙනෝල් බුවත් මට කොකා පෙන්නනවා…ෂැක්…කෘර ලෝකේ..
එකායි..දෙකායි..තිහ…
හයියෝ ඇති…දැන් නම්..දාඩිය ඉහින් කනින්…
” රූ…” ආයේ කෙනෝල්ගේ උච්ච ස්වර කන හරහා යද්දි මන් පුශ් අප්ස් කරන ගමන්ම බැලුවා..
” කෝච්”
” දැන් ඇති..ඕක නවත්තලා එනවා ප්‍රැක්ටිස් වලට..”
අනේ ඔයා නම් දෙයියෙක් නෙවෙයි දේවාලයක් සුදූ..කියපු පමාවට නැගිටලා අනික් උන් එක්ක ප්‍රැක්ටිස් කරන්න සෙට් උනා…
අද තියෙන්නේ පන්ච් කරන ටෙක්නික්ස් ඉගෙනගන්න…කෙනෝල් පන්ච් මිට් දෙකත් දාගෙන මන් ළග ආවේ ඒකට මට පන්ච් කරන්න කියලා සන් කරන ගමන්.
මිනිත්තු කීපයක් ගෙවුනා..
කෙනෝල් අතේ දාගෙන හිටපු පන්ච් මිට් එකකින්ම පාරක් දුන්න.
“තමුසෙ සෙල්ලන් කරන්නෙ තොත්ත බබෙක් එක්කද..හරියට පන්ච් කරනවා…”
කෙනෝල් ආයෙම බෙරිහන් දුන්නේ මන් කෙනෝල් දුන්න පාරට ඔලුව අතගාද්දී.
කෙනෝල් කවදත් එහෙමයි..ගොඩක් සැරයි..පෞද්ගලික ඇදුනුම්කම් මොනා උනත් ප්‍රැක්ටිස් වෙන වෙලාවට ඒක හරියට කෙරෙන්න ඕන ඒකයි එයාගේ නීතීය…
“හරි කෝච්” මන් මෝඩ පහේ හිනාවක් දාලා ආයෙම වැඩට බැස්සා.
මතුවටත් …
-නිල්නෙතු සාරංගා-