මිට වසර ගණනාවකට පෙර පහ වසර ශිෂ්ශත්වය සමත් වූ අක්කා ගැන පුරසාරම් දෙඩු මාමා, අක්කා වෛද්‍යවරියක වන බව අනාවැකි කීය. දෙවනුව අ.පො.ස. සාමාන්‍ය පෙළ ඒ සමාර්ථ අටක් අක්කා ගත් විට, මාමා විසින් පෙර කි අදහස නැවතත් පුන පුනා ප්‍රකාශ කළේය. ඉන් පසුව සිදු වුයේ වාර තුනක් උත්සාහ කලද අක්කාට වෛද්‍ය පිඨයට අවශ්‍ය ලකුණු මදි විමය. ඉන් පසු මාමාගේ දියණිය පහ වසර ශිෂ්ශතාවය සමත් වුයේ ලකුණු 200 ට ආසන්නව ලබාගනිමිනි. ඇය නියත වශයෙන්ම වෛද්‍යවරියක වනු ඇති බව නැවත මාමා කීය. පසුගිය වසරේ ඇය අ.පො.ස. සාමාන්‍ය පෙළ අසමත් නොවී බේරුනේ අනු නවයෙනි. වානිජ්‍ය අංශයෙන් උසස් පෙළ කරණ ඇගේ වෛද්‍යවරියක වීමේ සිහිනයක් වත් නැත. කොහේ හෝ තැනක මාමට වැරදි ඇත. මාමාට මෙන් නොව බොහෝ අයට වැරදුනේ “හැදෙන ගහ දෙපෙත්තෙන් දැනේ” යන කියමන විශ්වාස කොට ඇටේ දෙස බලා ගහ ගැන කීමට යාමෙනි. ගහක් හැදීමට හොද ඇටයක් පමණක් ප්‍රමාණවත් නැත. හොද පොළවක් මෙන්ම අවශ්‍ය දේශගුනයද තිබිය යුතුය.
වැඩි දුර විමසා බැලීමේදී ලොව පහල වූ බොහෝ සුබවාදී සමාජ බලපෑම් කල මිනිසුන් හෝ උගතුන්ගේ ළමා කාලය එතරම් දක්ෂතා පෙන්නුම් කල බවක් නොපෙනේ. ඔවුන් සාමාන්‍ය ළමා කාලයක් ගත කර ඇත. මීට සති කිහිපයකට පෙර නිකුත් වූ අ.පො.ස. උසස් පෙළ ප්‍රතිපල අනුව දිවයිනේ ප්‍රථමයින් වාර්තා විය. මෙලෙස සැම වසරකම ප්‍රථම ස්ථාන ලැබුවෝ අතිශය ජනප්‍රිය වෙති. මෙය පහ වසර ශිශ්ශත්වය, සාමාන්‍ය පෙළ සදහාද පොදු සිදුවීම්ය. මෙලෙස වසර ගණනාවකට පෙර ප්‍රථමයන්ගේ වර්තමාන තත්වය නිරීක්ෂණය කළහොත් ඔවුන් සියල්ලම පාහේ අසාමාන්‍ය දස්කම් ප්‍රදර්ශනය නොකරන සාමාන්‍ය පුද්ගලයන්ය.
දැඩි පරිශ්‍රමයකින් දියුණු වූ පුද්ගලයන් සෑම විටම ඔවුන්ගේ කැපවීම වර්ණනා කරති. එනම් කැපවීම අත්‍යවශ්‍යය. එහෙත් උපරිමයෙන් කැපවීම් කලද වැඩියෙන් සිදුවී ඇත්තේ මිනිස්සු අසාර්ථක වීමය. වෙනස නම් එලෙස කැපවීමෙන් වැඩ කල අසාර්ථක මිනිස්සු මාද්‍ය තුල නොපෙන්විමයි. එසේ නම් සාර්ථක වීමට මිට අමතරව, කැපවීම හා දක්ෂතාවයට අමතරව වෙනත් අදෘශ්‍යමාන දෙයක් තිබිය යුතුය. එනම් “අවස්ථාවයි ” බොහෝ දෙනෙකුට අහිමි වන්නේ අවස්ථාවයි, වැඩීමට පොලවයි. මේ සියල්ල තිබුනද, ගසක් වැඩීමේදී සිදුවන කාලගුණ විපර්යාස මෙන් මිනිස් ජිවිතයේ සිදුවන වෙනත් බලපෑම් මත මහා ගසක් වීමේ බලාපොරොත්තු ඇති මිනිස් ඇට කුඩා ගස් වී සෑහීමට පත් වේ. අවස්ථාව අහිමි වීම නිසා අතිශය දක්ෂ මිනිස්සු අදක්ෂයන් යටතේ වැඩ කරති.
මාස කීපයකට පෙර නසා නියෝජිත, පිටසක්වල ජීවින් ගැන විශේෂ දැනුම සහිත , භාෂා ගණනාවක් කතා කරන, විදේශීය රටවල විවිද ජයග්‍රහණ කල දරුවන්ගේ විඩියෝ සංසරණය විය. මේවා දකින බොහෝ අය ආඩම්බර වුහ.ඔවුන් අපට මහා මොළ විය. ලංකාවේ නම බබලවන බව අනාවැකි කිහ.අප ගස් කියා ඇත්තේ ඇට වලටය. මේ ඇට ගස් වනතුරු බලා සිටිමු. එහෙත් මේ ඇට මෙන්ම ගස්ද විදේශීය ප්‍රභේධයන් වේ. මෙලෙසම ලංකාවේ ඉපදී විදේශීය ආයතන වල සේවය කරන, සමාජ බලපෑමක් සහිත ප්‍රසිද්ධ පුද්ගලයන් ගැන පුරසාරම් කොතෙකුත් ඇත. මේ දේශීය ඇටද මහා ගස් වී ඇත්තේ විදේශීය පොලවේ වැඩීමෙනි.
ඇටේ අපේ වුවද ගස අපේ නොවේ. අපේ වත්තේ අඹ ගසෙන් වැටුණු අඹ ඇටෙන් අසල වත්තේ ගසක් හැදී පල හට ගත්තද, ඒ අපේ පලදාව නොවේ.
හොද ඇට මහා ගස් වෙලාම නැද්ද?
………කලාකරුවන්,……………ස්වායක්ත ඇට
සහජයෙන් ම හිමි දක්ෂතා සහිත ඔවුන් හැදෙන පොලව යැපෙන්නේ නැත.
උපුටා ගැනීම: Sajith Karunaratne