මේ ඉන්නේ නයිජීරියාවේ “හයිනා මිනිස්සු”. මේ අයට ඒ නම ලැබිලා තියෙන්නේ ඔවුන් සුරතලයට හයිනාවන් ඇති කරන නිසා. සුරතලයට ඇති කළාට මේ “හයිනා මිනිස්සු” ජීවත් වෙන්නේ ඒ හයිනාවන් නිසා.
“හයිනා මිනිස්සු” කොයි වගේද කිව්වොත් ඔවුන් බොහෝ දුරට අපේ රටේ ජීවත් වෙන අභිකුණ්ඨක ජනවර්ගයට සමානයි. අභිකුණ්ඨක මිනිස්සු ජීවත් වෙන්න වඳුරන් සහ නයි වගේ සතුන් නටවන කොට “හයිනා මිනිස්සු” විෂඝෝර සර්පයෝ, බැබුන් සහ බිහිසුණු හයිනාවන් නටවනවා.
“හයිනා මිනිස්සු” ජීවත් වෙන්නේ එක් කණ්ඩායමක් විදිහට. ඔවුන් ළඟ ඉන්න කිසිම සතෙක් ගෙවල්වල සුරතලයට ඇති කරන්න පුලුවන් විදිහේ සත්තු නෙමෙයි. ඒත් පරම්පරා ගණනක් තිස්සේ ආපු සම්ප්‍රදාය හේතුවෙන් “හයිනා මිනිස්” ප්‍රජාවේ සාමාජිකයන්ට නයෙක්, පොළඟෙක්, බැබුන් සහ පිඹුරක් විතරක් නෙමෙයි හයිනාවෙක් වුණත් හීලෑ කරගන්න එක සුළු දෙයක්. ඒ අය එම ශිල්පය ඉගෙන ගන්නේ පොඩි කාලේ ඉඳන්.
මේ සතුන් යම් පහර දීමක් හෝ දෂ්ඨනයක් කළොත්, එම විෂට ඔරොත්තු දෙන තරමට “හයිනා මිනිස්සු” ගේ ප්‍රතිශක්තිකරණ පද්ධතියලු දියුණුයිලු. ඊට හේතුව ඔවුන් ඉපැදුණු දවසේ ඉඳලා ඔවුන්ට වැඩිහිටියන් විසින් ලබාදෙන රහස් ඖෂධයක් කියලා තමයි කියන්නේ.