කාලයකට පෙර මම audit firm එකක වැඩ කරන කොට ගෝපි කියලා යාලුවෙක් හිටියා.(අපරාදේ කියන්න බෑ පට්ට පඩි.3,000/=ක් විතර ගෙවනවා රුපියල් වලින්ම.) ගෝපිට සිංහල ටිකක් අමාරුයි.තොග ගනන් කරන කාලයට අපි ඔක්කොටම රැස්වීමක් තියලා කරන්න ඕන දේ කියලා දෙනවා.
සුපර්වයිසර් හිටියේ පට්ට ආතල් චරිතයක්.නැව ගිලුනත් බෑංචුං කියලා පොර ආතල් එකේම තමයි ඉන්නෙ.ඉතිං සුපර්වයිසර් බොහොම සරලව කියලා දුන්නා තොගය ගන්නෙ කොහොමද කියලා.එකතු කිරීම අඩුකිරීම පුලුවන් ඕන එකෙකුට තොග ගැනිල්ල පුලුවන් කියලා එදා තමයි මම තේරුම් ගත්තෙ.
ගෝපියා මගෙන් අහනවා කෝමද මචං මේක කරන්නෙ කියලා.මම දන්න ඉංග්‍රීසියෙන් ඌට කිව්වට උෟට මෙලෝ මගුලක් තේරිලා නෑ.මගේ ඉංග්‍රීසි හොදටම හොද බිව්වම විතරයි.එහෙම නැති වෙලාවට මොකාටවත් මම කියන දේ තේරෙන්නේ නෑම තමයි.බැරිම තැන මම ගෝපියට කිව්වා අරූගෙන් තව පාරක් අහපන් කියලා.
ඉස්කෝලෙ රැස්වීමේදි කතාවක් කරන්න ගිය එකා වගේ ගෝපියා ඇඹරි ඇඹරි ඉදලා අන්තිමේදි මට තේරුනේ නෑ කියලා කියපි. අනේ ඉතිං සුපර්වයිසරයා මුල ඉදන්ම ඉංග්‍රීසියෙන් මූට තේරුම් කරලා දෙනවා.ගෝපියා කට ඇරන් බලාගෙන ඉන්නෙ අභිධර්මය අහගෙන ඉන්නවා වගේ.ඒත් වැඩක් නෑ.අරූ දෙමලෙන් කිව්වා.දැන් ගෝපියා කියනවා සිංහලෙන් උදාහරණයක් දෙන්නලු.
සුපර්වයිසර් – උඹ හිතපං උඹ ලග ඇපල් ගෙඩි 10ක් තියෙනවා කියලා.එතකොට….
ගෝපි – මචං වෙන එකක් කියපන්කෝ.මම ඇපල් වලට කැමතිම නෑ.අඹ හොදයි.
සුපර්වයිසර් – හරි.උඹ ලග අඹ ගෙඩි 10ක් තියෙනවා.ඒකෙන් ගෙඩි 4ක් මම ගන්නවා.දැන් උඹ ලග කීයක් ඉතුරුද?
ගෝපි – 6යි.
සුපර්වයිසර් – මම ආපහු උඹට 2ක් දෙනවා.දැන් කීයද?
ගෝපි – 8යි.
සුපර්වයිසර් – ඉතිං ඔච්චරයි බං.
ගෝපි – අඩේ එච්චරද. මාර ඊසී කේස් එකක්නෙ.එතකොට අඹ ගනන් කරන්නද තියෙන්නෙ ?
සුපර්වයිසර් – නෑ යකෝ. අඹ කියන තැනට තොග කියන එක දාගෙන හිතපන්.එතකොට හරි.
ගෝපියා ටික වෙලාවක් තනියම කල්පනා කරලා. ආපහු ගියා සුපර්වයිසර් ලගට.මචං මට අඹ කතාව තමා හොදටම තේරුනා. තොග කතාව තමා මට අප්සට්.
දැන් ගෝපියා ගුටිකන සීන් එකක් තියෙන්නෙ.ගත් කටටම සුපර්වයිසර් කියපි “ගෝපි තොට මේක කියනවට වඩා ලේසියි හරකෙකුට අවකලනය කියලා දෙන එක”
ගෝපි – මොකක්ද මචං අවකලනය කියනවා?
සුපර්වයිසර් – උඹ තොග ගන්න යන්න ඕනෙ නෑ. ඔෆිස් ඉදපං.
ගෝපි – තෑන්ක්ස් ඩා. මචං මට තව එක ප්‍රශ්නයක් තියෙනවා.
සුපර්වයිසර් – තොග ගැනිල්ල ගැන නැතුව වෙන ඕන දෙයක් අහපන්.
ගෝපි – ඇයි අපිට හරකෙක් ඕන වෙන්නෙ???
උපුටා ගැනීම: Nuwan Kumara