හීනයක් (පෙම් කතා)

දෙනුවන් අයා සිටින්නේ හමුවන්න ඔබේ දසුන්..”

මාත් එක්ක කෝල් එකේ ඉද්දිම සින්දු කියන මදුශාන් අයියා අද ඉන්නෙ හරි සතුටින් කියල මට තේරුනේ ඒ සින්දුව කියන විදිහෙන්.අද තමා මං එයාට ආදරෙයි කියපු දවස..එයා නිතරම රෑට සද්දෙට සින්දු දාගෙන අහන කෙනෙක් මාත් එක්ක කෝල් එකේ ඉද්දිත් එයාගෙ වැඩේ සින්දු කියන එක.මං හරි ආසයි එයා මං කියන දේවල් වලට හිනාවෙනවට හරි නපුරුයි මෙයා ඒ උනත් ඒ නපුරුකමට මං හරි ආදරෙයි එයාගෙ සතුට එයාගෙ හිනාව තමයි මට හැමදාම ඕනකරේ එයාව හම්බවුනු දවසේ ඉදන්ම එහෙමයි.

” ආදරෙයි මැට්ටෝ…දැන් වෙනදා වගේ නෙමෙයි හරිද පරිස්සමින් ඉන්න ඕනේ ඔයාගෙ අම්මලා වගේම මාත් දැන් ඔයා එනකල් බලන් ඉන්නව කියල මතක තියාගෙන වැඩ කරන්න “

මං එහෙම කිව්වෙ හරි ආදරෙන් එයා මගෙ පන ටික කිව්වොත් හරි .ආදරෙන් බැට කාලා අඩල දුක්වෙලා ඉදපු මට මදුශාන් අයියගේ ආදරේ මහමෙරක් ..එෆ් බී එකෙන් හම්බුනත් එයාව අවිශ්වාස කරේ නෑ මං .එයා ඉන්නෙ රට දකින්න නෑ හම්බවෙන්න නෑ කෝල්ස් මැසේජස් විතරයි ඒත් අපේ ආදරේට ඒක බාධාවක් වුනේ නෑ අපි ආදරේ කරනව .

මගෙ ආදරේට මගෙම ඇස් වහ වදී කියල වෙලාවකට මටම හිතුනා අනිත් කෙල්ලෝ එෆ්බී එකේ කොල්ලෝ එක්ක මැසේජ් කරනකොට මං මදුශාන් වෙනුවෙන් මෙහෙ ඉදන් බලං ඉන්නවා දැකලවත් නැති එයාට මං කොච්චර ආදරේ කරනවද කියල එයා දන්නෙවත් නැතුවැති .

“සත්තලන් “

තරහ වුනත් හුරතල් වෙලා එහෙම මට කියද්දි මට ඔක්කොම අමතක වෙනවා .වැඩිපුරම තරහ යන්නෙ එයාට .මට කේන්ති යනවා අඩුයි.මං ගොඩාක් ඉවසනවා ඒ තමයි මගෙ පන.

ගෙදර වැඩ අනිත් වැඩ අස්සෙම එයා ගැන හොයලා බලන්න තමයි මං ආසම මොන වැඩේ තිබුනත් මං එයා ගැන බලනවා මැසේජ් එකක් හරි දාලා .එයාට ඕනේ වුනේ නිදහස මට ඕනේ වුනේ එයාගෙ ආදරේ ඒ නිසාම මං වැඩිපුරත් එක්ක හොයලා බලනවා ඒක එයාට වදයක් වෙන තරමටම.එක කෝල් එකක් ආන්සර් කරේ නැත්තං මං තවත් කෝල් පහ හයක්ම අරන් තමයි නතරවෙන්නේ එතකොට එයා යකෙක් වගේ .වැඩ කරනකොට ෆෝන් එක රින්ග් වෙනකොට එතන ඉන්න අය එයා දිහා බලනවා ඇති වැඩ කර කර ඉන්න එයාගෙ අවධානේ බිදෙනවා ඇති එතකොට .

” උබට මං කී පාරක්නම් කිව්වද එකපාරක් කට් කරාම ගන්න එපා යකෝ “

එයා මට සැරවෙනකොට ඇස් දෙකේ කදුලු පිරෙනවා එයා චුට්ටක් හරි බැන්නොත් මගෙ හිත රිදෙනව ගොඩාක් .හොදින් ආදරෙන් කතා කරනවට වැඩිය ගොඩාක් වෙලාවට අපි කරන්නෙ රන්ඩු වෙන එක.

” තමුසෙ නහයෙන් අඩනවා ඉවරයක් නෑ මගුල මටනම් එපා වෙලා දැන් “

ඇයි කෝල් ගන්නැත්තෙ ඇයි මැසේජ් නැත්තෙ ඔන්ලයින් ඇවිත් මගෙ මැසේජ් සීන් කරේ නැත්තෙ ඇයි ඔය වගේ ප්‍රශ්න ගොඩාක් මං එයාගෙන් අහනවා එතකොට එයා දෙන උත්තරේ තමයි ඔය.

“ඔයා මාව දාලා යනවද”

දරාගන්න බැරිම තැන් වලදි මං එහෙම අහනවා නිතරම වගේ ඒකත් ඔයාට වදයක් වෙන වෙලාවල් තියෙනවා ..

” ආදරේ නිසා තමයි මං මෙච්චර හොයලා බලන්නේ කෝල් ගන්නේ මං වැඩ තියෙද්දීත් ඔයා ගැන හොයලා බලනවනෙ ඒක වැරැද්දක් ද “

මං අඩ අඩාම එයාගෙන් අහන්නේ කරන්නම දෙයක් නැති නිසා ..මං එයා එනකල් බලන් ඉන්න හැටි එයා දන්නවනම් …කැලැන්ඩර් එකේ දින කප කප දවසින් දවස ගෙවෙන හැටි ඔයා දන්නවනම් ..ඔයාව මුලින්ම දකිනකොට මට දුවගෙන යන හැටි පවා මං මවලා බලලා තියෙනවා ..කොච්චර ඇඩෙව්වත් මාව මං තරහ නෑ ආදරේ අඩුවක් වෙනසක් නෑ ..

” ආදරේ කියන්නේ ෆෝන් එකේ එල්ලිලා ඉන්න එකම නෙමේ,විශ්වාසෙන් කොහේ හිටියත් ඉන්න එක”

එයා කියන්නේ එහෙම.මගෙ ආදරේ අමුතුයි වෙනස්.මං ආදරේ කරද්දි මුලු හිතෙන්ම ආදරේ කරන්නේ ආදරේ බාගයක් මගේ ගාව තියාගන්නේ නෑ ඔක්කොම ආදරේ කරන කෙනාට දෙනවා ..

” අපි වෙන්වෙමු ඔයා හොයන්නේ හැමවෙලේම කතා කරන්න පුලුවන් කෙනෙක් මට එහෙම බෑ “

එයා එහෙම කිව්වෙ විහිළුවටද ඇත්තටද දන්නෑ මට එයාව අමතක කරන්න පුලුවන් වුනේ නෑ දැක්කෙ නැතත් අවංකව ආදරේ නිසා මං එයාව නවත්තගත්තා..

“මගෙ ජීවිතේ අලුත් පිටුවක් පුරා

ලියවෙන්නේ ඔබදෝ ගීයක් වෙලා

පහනක් පැතූ මා සද හමුවෙලා

හිනහේවි සසරේ පුරා ..”

අපි ආදරේ කරන්න පටන්ගත්තු දවසේ මං එයාට කියපු සින්දුව තමා ඒ.

යන්න ඕනෙම නම් යන්න එකපාරක් මං නවත්තගත්තා තවත් නම් බෑ ආදරෙයි තමයි ඒත් කෝල් ගත්තත් බනිනවා මැසේජ් කරත් බනිනවා මොනදේ කරත් වැරදි මං .

වැඩිපුර ආදරේ කරලා හොයලා බලන්න ගියාම හැමෝටම අපිව ඉක්මනට එපාවෙනවා වෙන්න තියෙන දෙයක් නම් අනිවාරෙන් වෙයි ..

“රත්තරන් මං ගොඩාක් ගොඩාක් ආදරෙයි කෝල් ගත්ත හොයල බලපු අඩපු ආදරේ ඉල්ලපු ඒ හැමතැනම තිබුනෙ මගෙ ආදරේ ,ඔයාට තේරුම් ගන්න බැරි වුනෙත් ඒකම තමයි මං නැතත් මගෙ ආදරේ මතක තියාගන්න ඈතින් ඉදන් හොයලා බලන්නම් පරිස්සමින් සතුටින් ඉන්න ආදරෙයි හැමදාම ..”

එහෙම මැසේජ් එකක් යවලා ෆෝන් එකත් ඕෆ් කරලා මං නිදි පෙති අහුරම කටේ හලාගෙන වතුර බෝතලේ අරන් වතුරත් කටට දාගත්තේ කියාගන්න බැරි තරම් දුකකින්..

ආදරෙන් පැරදිලා හිටපු ඔයා මගෙ ජීවිතේට ආවම මං හිතුවෙ ඔයා තමා මගෙ අවසන් ආදරේ කියල ඉතිං ඒක හැමදාම එහෙමයි ඊලග ආත්මෙක හම්බවෙමු එතකොට නම් වදයක් කියල මාව රිද්දන්න එපා ඇස් දෙක පියවීගෙන යද්දි මං එහෙම හිතුව අවසන් වතාවට ..

හිතට දැනුන දේ කියන් යන්න

උපුටා ගැනීම: Sayu Sayu