හොඳම යාළුවා (පිරිමි) VS බෝයි ප්‍රෙන්ඩ් (වැල්වටාරම්)

#මට_බඩගිනියි..

පෙම්වතා – මොනවා හරි කන්න බබා..බඩගින්නෙ ඉන්නෙ එපා..

යාළුවා – වරෙන් යන්න ගිහින් කොත්තුවක් කමු..

( කඩේට ගොස් ටික වෙලාවකින්..)

සේරම කන්නෝන උඹ..මෙතන බඩගිනි කියලා වැලලෙන්න හැදුවා.. ආ කාපන්..මේ ටිකත් මේ ටිකත් කාපන්..

ගෙදර ගෙනියන්නත් එකක් අරන් දෙන්නද..

#මං_දුකිම්

පෙම්වතා – මල කෝලං

යාළුවා – ඇයි දැන් මොකක්ද දුක හිතෙන්න උඹට උනේ.. හිතනවා වැඩියිනේ බං ඕනාවට වඩා.. වරෙන් මොනවාහරි කාලා ඉන්න. බිත්තර රොටියක් කමුද.. කෑම දැක්කම උඹට දුක අමතක වෙනවා..

#මගේ_හිතට_හරි_නෑ

පෙම්වතා – ඇයි පරණ කොල්ලව මතක් වෙනවද

යාළුවා – පරණ මනස්ගාත හිතන එක නතර කරපන් බං.. ඒව හිතුවා කියලා සිද්ධ වෙන මගුලක් නෑනේ.. අනික ඒක නැති වුන එකමයි හොඳ.. ඌ උඹට හරියන එකෙක් නෙවෙයි .. දැන් තමයි හරිම කෙනා හම්බෙලා ඉන්නේ.. ඌ එක්ක හොඳින් ඉඳහන් මැරුම් නොකා..

( මොනවාම හරි ගොන් කතාවක් කියා හිනස්සවයි..)

#කොල්ලෙක්_මගේ_පස්සෙන්_එනවා.. #කොච්චර_කිව්වත්_අහන්නේ_නෑ_පුදුම_කරදරයක්_තියෙන්නෙ..

පෙම්වතා – තමුසේ සුවර් එකට ඉඟිබිඟි කරන්න ඇති.

යාළුවා – මුගේ අම්මට… ඌ කොහොමද එහෙම උඹට ලයින් දාන්න එන්නේ.. පෙන්නපිය මොකාද ඒ පරයා කියලා ඕකව බාවන්න මං..

#මට_පාළුයි

පෙම්වතා – මොන කරදරයක් ද බබා.. මාත් වැඩකනේ ඉන්නේ.. ඔයාව හුරතල් කරන්න වෙලාවක් නෑනේ..

යාළුවා – හිටපන් මං ගමනක් යන ගමන් ඉන්නේ.. ඒ ගමන් උඹලගේ ගෙදර එන්නම් කැරමක් ගහමු.. අම්මට කියපන් කන්න මොනවාහරි හදලා තියන්න කියලා..

උඹට මොනවද ඕන ටිපි ටිප් ගේන්නද..

#ඔෆීස්_එකේ_අය_මට_බොරු_කතාවක්_හදලා

පෙම්වතා – ඇයි ඒ මිනිස්සු එහෙම කියන්නේ?? මොකක්ද හේතුව..

යාළුවා – අනේ ඕකුන්ට නටාගන්න කියපන් බං.. උඹට කවුරුත් කන්න අඳින්න දෙන්නෙ නෑනේ.. එක එක ගෑනු කියන දේවල් අහලා ආයේ නාහෙන් අඬන්න තියා ගත්තොත් මිරිකනවා බෙල්ල..

#මට_මේවා_කන්න_බෑ..

පෙම්වතා – අනේ මේ කෝලං කරන්න වෙලාවක් නෑ..කන්න

යාළුවා – කෝ ඕක දීපන් මට.. උඹට මොනවද ඕන.

#මට_සැලූන්_යන්නෝන

පෙම්වතා – මොකද මේ හදිස්සියෙ..

යාළුවා – හා හිටපන් මාත් එනවා..මටත් පේසල් එකක් දාගන්න ඕන..

#මට_ශොපින්_යන්න_ඕන

පෙම්වතා – අම්මෝ මතක් කරන්නෙපා..

යාළුවා – යමං වෙඩිමට ඇඳුම් ගන්නත් ඕන.. අපි දෙන්න එක පාටින් මැච් කරලා ගමු..

( එදින මගෙ අනේකවිධ වධ බන්ධනයන් සියල්ල සිනාමුසු මුහුණින් ඉවසා වදාරයි.. බෑග් මළුත් උස්සන් විටෙක සේවකයෙක් මෙන් තවත් විටෙක පලපුරුදු ෆැශන් ඩිසයිනර් කෙනෙක් මෙන් එකී මෙකී නොකී සියළු චරිත වලට ආරූඪ වෙයි)

#මං_කොණ්ඩෙ_ටිකක්_කොට_කරන්නද..

පෙම්වතා – කැමැත්තක්

‍යාළුවා – තෝ කොණ්ඩෙට අත තියලා තිබ්බොත් බලාගන්න පුළුවන්

#බෙහෙත්_ගන්න_නොගිහින්_ගොඩ_බෙහෙත්_කරල_අසනීප_වැඩි_වුනාම..

පෙම්වතා – මං කිව්වනේ බෙහෙත් ගන්න කියලා කලින්ම.. යන්න යන්න ගිහින් බේත් ගන්න.

යාළුවා – ඕක බලන් ඉඳලා බෑ බෙහෙත් ගමු.. යන්න කෙනෙක් ඉන්නවද.. එක්කො මං ශෝර්ට් ලීව් එන්නම් ලෑස්ති වෙලා හිටපන්.. අතේ සල්ලි තියෙනවා ද??

ඕ ජොබ් කලාට සතේ අතේ නෑ. ( බොරුවට බනියි)

ෆාමසි ගානෙත් රස්තියාදු වෙලා බෙහෙත් අරන් දීලා කන්නත් අරන් දීලා ගෙදරටම ඇරලවන්නෙ උපදෙස් මාලාවකුත් එක්ක..

ඉන්පසු වේල් තුනටම කෑමට පෙර පසු දුරකථනය ඔස්සේ වෛද්‍ය උපදෙස් හා බිය වැද්දීම් තර්ජනාංගුලි.. ( ලෙඩේ හොඳ වෙලා සතියක්ම ගියපසුවත්)

#රෑ_වෙලා_පාරෙ_තනියෙන්_ඉන්න_බයයි..

පෙම්වතා – වෙනදත් හිටිය පාරනේ.. අනික කවුරුහරි දැක්කොත් දෙන්නටම හරි නෑ.. රෑ වෙන්න කලින් ඕෆ් වෙන්න අනිත් දවසේ.

යාළුවා – මං එනකම් ඉඳින්.. මං උඹව බස් එකට දාන්නම්.. රෑ වෙලා මෙතන තනියෙන් ඉන්න හොඳ තැනක් නෙවෙයි ..

#මගේ_ෆෝන්_එක_ගොඩ_වෙලාවකට_ඕෆ්_කලාම..

පෙම්වතා – call me ASAP

යාළුවා – 101 missed calls

35 messages

(ලෑන්ඩ් ලයින් එක හරහා හෝ අම්මගේ පෝං එක හරහා අප්පටසිරිවෙන්නම ජාතිය අමතයි )

#උදේ_ඉඳන්ම_මගෙන්_මැසේජ්_කෝල්ස්_නැති_උනාම

පෙම්වතා – ඌත් ආගිය අතක් නැත

යාළුවා – තෝ මැරිලද යකෝ.. හෙන ගහනවද මැසේජ් එකක් දැම්මම..&@$@@ &@@$@’

#පෝං_එකේ_රුපියලක්_වත්_නැති_උනාම

පෙම්වතා – ඕකට රීලෝඩ් එකක් දාගන්නකො අනේ

යාළුවා – රීලෝඩ් එක ආවද බලපන්..

(අඬමින්) ඔයා මට ආදරේ නෑ..

පෙම්වතා – ආදරෙයි ඉතින්.. මේ මගේ හැටි.. ඔයා තේරුම් ගන්න බලන්නකෝ..මීට වඩා ආදරේ කරන්න මං දන්නෙ නෑ..

එයා මට ආදරේ නෑ

යාළුවා – ඌ උඹට ආදරෙයි බං.. උඹට විකාර.. ඌට උබව හුරතල් කර කර ඉන්න නෙවෙයි තව වැඩ තියෙනවානේ.. ඒ උගේ විදිය.. හැමෝම එක වගේ නෑනේ.. මොනවා උනත් ඌ එකෙන්ම හොඳ කොල්ලෙක්.. ඕනාවට වඩා හිතන්නෙ නැතුව හිටු..

_________________

කෙල්ලෙක්ට හොඳම පිරිමි යාළුවෙක් ඉන්නම ඕන .. රිදෙන තැන් වලදි සනසවන්න වැටෙන තැන් වලදි නැගිට්ටවන්න.. ආදරෙන් හිත කැඩිලා පෑරිලා ඉන්න වෙලාවක බය නැතිව මචං මං අවුලින් කිව්වම ඒ සැනින් කෝලෙකක් අරන් හිත හදන්න මං කියන්නේ කෙල්ලෙක්ට හොඳම පිරිමි යාළුවෙක් ඉන්නම ඕනි මහ මෙරක් වගේ ඒකිගෙ හයියට..

යකෙක්ට වත් බය නැති හිත් හයිය කෙල්ලො පිටිපස්සෙන් අනිවාර්යයෙන් හිටිය පිරිමි යාළුවෙක් බොක්ක උනත් දෙන..

උඹට උපහාරයක් ම වේවා..

Copied

උපුටා ගැනීම:  Dill K Dahanayaka