දැනට අවුරුදු කීපයකට පෙර ඉතාම ජනප්‍රිය වෙලා තිබුණු අංගයක් තමයි භාවනා පංති. තාම තියෙනව සමහර ප්‍රදේශවල .
මේකෙන් ගතමනාවක් හොයාගන්න කල්පනා කරපු කපටි චීවරධාරීන් හා ගිහියන් කීපදෙනෙක් ඒ කාලෙ පටන්ගත්ත භාවනාවට අමතරව හොඳින් ධර්ම කරුණු ඉගෙනගන්න අයව කාලසීමාව අවසානයේ පරීක්ෂණයකට ලක්කරල ඒ අයට සහතික දෙන්න .
මේ සහතික දෙන්නෙ අදාල පුද්ගලයා සෝවාන් , සකෘදාගාමී වගේ මාර්ගඵල ලබාගත්ත බව සනාථකිරීමට. සහතික දෙන උන්නාන්සෙලත් තමන් රහත් වෙලා කියලයි ප්‍රසිද්ධ කර තිබුනේ .
ඉතින් මේ වගේ ආයතනයකට ආපු උපාසකම්ම කෙනෙක් පංති කාලසීමාව අවසානවෙලා වාචික පරීක්ෂණයට පෙනී සිටිය.
පරීක්ෂණය අවසානයේදී හාමුදුරුවෝ මෙහෙම කියනව
‘ මට බොහොම සන්තෝසයි උපාසකම්මේ ! ඔබ සෝවාන් මාර්ග ඵලයට එළඹිලා. කෙනෙකුට ලේසියෙන් ඔය තත්ත්වයට එන්න බෑ. මේ අපේ භාවනා පංතියට සහභාගි වුණු එක ඔබතුමියගෙ වාසනාවක්! සාදු! සාදු! සාආදූඌ !! ‘
මේක අහපු උපාසකම්මට මල පැන්නා!. දඩබඩ ගාල නැගිටල මෙහෙම කිව්ව.
‘ මොකක්? සෝවාන්! මගෙන් කුණුහබ්බ අහගන්න එපා හාමුදුරුවනේ! ංහහ් ! සෝවාන් !! රෙද්ද !! ‘
‘ ඇයි? ඇයි? උපාසකම්මේ ! ‘
‘ මම මීට කලින් ……… හාමුදුරුවන්ගේ භාවනා පන්තියට ගිහින් සකෘදාගාමී වෙලා ඒ හාමුදුරුවන්ගේ සහතිකයක් අරන් මෙහේ ආවෙ අනාගාමී වෙන්න. මේ තියෙන්නෙ මගේ සකෘදාගාමී සහතිකය ! ‘
මේක අහපු අර රහත් හාමුදුරුවෝ එතැනින් එර්දිවෙන්නැති! නැත්නම් එහෙම වෙන්න ඇත්නම් කියල උන්නාන්සේට හිතෙන්නැති!!
( බෞද්ධ නොවන අයගේ දැනගැනීමට -. මේ උපාසකම්මට උණේ පහවසර පාස්වෙලා ඒ බවට සහතිකයකුත් ලැබිල තියෙද්දි අර පස්සෙ තැනින් පංතියෙ අවසානෙ කල පරීක්ෂණයේදී හතර වසර පාස් කියල කිව්ව වගේ වැඩක් !! )
# මන් ඉස්සර අහපු කතාවක්
උපුටා ගැනීම: Channa Witha