සුන්දර සමක් පවත්වාගැනීමට නම් සමේ නිරෝගිබව ආරක්ෂා කරගැනීම සඳහා සිදුකල යුතු සහ නොකල යුතු දේවල් ගැන අවබෝධයක් හා සැලකිලිමත්භාවයක් තිබීම අතිශයෙන්ම වැදගත් වෙනවා. ඊට හේතුව නම් සුන්දරත්වය වැඩි කරගැනීමට භාවිතා කරන ඇතැම් දේවල් නිසා සුන්දරත්වය නැති වෙලා යන්නත් පුලුවන්, විශේෂයෙන්ම සමේ රැළි වැ‍ටුණු ස්වභාවයක් ඇතිවීමට තුඬු දිය හැක.
එදිනෙදා ජීවිතයේ භාවිතා වන ඇතැම් නිෂ්පාදන වර්ග සහ අනුගමනය කර ඇතැම් පුරුදු නිසා ඔබ නොහිතන ආකාරයෙන් ඔබේ සමට හානිවිය හැකියි. ඔබේ සම දිගු කාලයක් නීරෝගී, සුන්දර තරුණ පෙනුමකින් යුතුව පවත්වාගැනීමට නම් මෙවැනි වැරදි දේවල් කිරිමෙන් වළකින්න.
- නිතර නිතර මුහුණ සේදීම
ඔබේ සම තෙල් සහිත හෝ කුරුලෑ වලට සමක් නම්, එය පිරිසිදුව තබාගැනීම ඉතා වැදගත්ය. සම පිරිසිදු කිරීමට ස්ක්‍රබ් වැනි ක්‍රම නිතර භාවිතා කිරීමෙන් වළකින ලෙස විශේෂඥයින් විසින් උපදෙස් දේ.ඇතැම් ස්ක්‍රබ් නිෂ්පාදන නිතර භාවිතයෙන් සමේ අපිචර්මයේ ඉහළ ස්තරයට හානි ඇතිවිය හැකියි. සතියකට වරක් එම නිෂ්පාදනයක් භාවිතා කර සම ගැඹුරින් පිරිසිදු කරගන්න. දිනපතාම ලෝෂන් හෝ ටොනික් වතුර භාවිතයෙන් මුහුණ පිරිසිදු කිරීමෙන් ද වළකින්න.මෙවැනි කෘතිම සත්කාර වලින් සමේ ස්වභාවික වපසරියට බාධා ඇතිවී, සමේ ප්‍රතිශක්තිය අඩුවීම හා සම අධිකව් වියළීයාම වැනි තත්වයන් හේතුවෙන් සම වේගයෙන් රැළි වැටීමට පටන්ගත හැකිය.
- කොට්ටය මත මුහුණ හොවාගෙන නිදාගැනීම
කපු කොට්ට කවර මත නිදාගන්නා විට මුහුණ සහ රෙද්ද මත ඝර්ෂණය ඇතිවී සම වියළීයාමට ලක්වේ. සමේ තෙතමනය ඉවත්වී යාම නිසා සමේ රැළි හා රේඛා මතුවීමට වැඩි ඉඩකඩක් ඇති වේ.මෙසේ දිගු කලක් වන විට මුහුණේ කැපී පෙනෙන ලෙස සම රැළි වැටි ඇති අයුරු දැකිය හැකිය. සම කොට්ටයට එරෙහිව තෙරපෙන විට එහි ස්වභාවයට යම් හානි ඇතිවිය හැකියි වගේම, එහි සාමාන්‍ය සංසරණ ක්‍රියාවලින්ට බාධා ඇතිවී රාත්‍රියේ සමට හොඳින් ඔක්සිජන් ලැබීම අඩාල වී යා හැක. මීට වඩා උඩු අතට හැරී නිදාගැනීම හෝ පැත්තකට හැරී නිදාගැනීම විකල්ප වේ.කොට්ටයක් වෙනුවට දිගැටි හැඩයේ කුෂන් එකක හිස තබා නිදාගැනීමෙන් ඔබේ සමේ මෘදු සුමුදු බව ආරක්ෂා කරගත හැකියි මෙන්ම, ඔබේ බෙල්ලේ මාංශ පේශින් ද වඩාත් ශක්තිමත් කරගත හැකි වේ.
- දුම්පානය කිරීම
දුම්බීම සමට අහිතකර බව අමුතුවෙන් කිව යුතු නැහැනේ. දුම්වැටි වල අඩංගු නිකොටීන් සහ ටාර් සම වියළා දමයි.ඔබ වයසින් තරුණ වුවත්, ඔබේ පෙනුම වියපත් ස්වභාවයකට පත්වීමට ප්‍රබල හේතුවක් තමයි මේ අහිතකර පුරුද්ද.
- අධික ලෙස මේක්-අප් භාවිතා කිරීම
දවස පුරාම මේක්-අප් තට්‍ටු පිටින් ගල්වාගෙන සිටීමෙන් සමට හොඳින් වාතාශ්‍රය නොලැබෙයි. දහවල් කාලය සඳහා ක්‍රීම් වර්ගයක්, මේක්-අප් ෆවුන්ඩේෂන් සහ ලයිට් පවුඩර් එකක් භාවිතයෙන් සරල මේක්-අප් එකක් භාවිතා කළ යුතු බවත්, අනෙකුත් රූපලාවන්‍ය නිෂ්පාදන සැදෑ කාලයේ මේක්-අප් එකකට යොදාගැනීම වඩාත් උචිත බවත් රූපලාවාන්‍ය විශේෂඥයින් උපදෙස් දේ.සම නොඇදෙන ආකාරයෙන් නිවැරදි ක්‍රමයකට මේක්-අප් නිෂ්පාදන ආලේප කරගැනීම ද ඉතා වැදගත් පියවරකි. මේක්-අප් භාවිතයෙන් පසු රාත්‍රී නින්දට පෙර ඔබේ සම හොඳින් පිරිසිදු කරගැනීම ද අනිවාර්යෙන්ම කළ යුතුය. නැතිනම් ඔබේ සමේ කුරුලෑ, කුශ්ඨ බිබිලි, කැසිල්ල ආදී නොයෙකුත් චර්ම ගැටලු ඇතිවීමට ද බැරි නැත.
- ඉලෙක්ට්‍රොනික උපාංග තිර ඉදිරියේ වැඩි කාලයක් ගත කිරීම
දවසේ වැඩි කාලයක් අප දුරකථන, ලැප්ටොප් හා පරිගණක වැනි ස්මාර්ට් උපාංග භාවිතා කරමින් සිටින්නෙමු. නමුත්, මේවා අපේ සමට අහිතකර බලපෑම් ඇතිකරන බව ඔබ ඇතැම් විට නොදැනුවත් ඇති.එකදිගට බෙල්ල නවාගෙන සිටින බැවින් බෙල්ලේ දාරයේ සහ නිකට ප්‍රදේශයේ සම රැළි වැටීමට පටන්ගනියි. ‘ෆේස්-ෆිට්නස්’ අභ්‍යාස ක්‍රම හා සම්බාහන ක්‍රම අනුගමනය කිරීමෙන් මෙම හානිය බොහෝ දුරට පාලනය කරගත හැකි වේ. නමුත්, මෙම ස්මාර්ට් උපාංග භාවිතා කරන කාලයත් සීමා කිරීම වැදගත්ය. මේසයක් ඉදිරියේ වාඩි වි වැඩකරන විට, ඔබේ බෙල්ල සහ නිකට රේඛාව අතර සෘජු කෝණික ඉරියව්වක් පවත්වාගන්න. බෙල්ල පහළට නවාගෙන සිටීමෙන් වළකින්න.
- තාපක යන්ත්‍ර ආසන්නයේ නිතර ගැවසීම
තාපය නිකුත් වන උපාංග අසල හා ස්ථාන වලට නිතර ගැවසීම අපේ සමේ ස්වභාවික සුන්දරත්වයට ඉතා හානිකරය.සීතලෙන් ආරක්ෂා වීමට බොහෝ අය මෙවැනි දේ භාවිතා කරති. තාපයට සම නිරාවරණය