මේක කියවන්න කලින් “””ඉංග්‍රීසි පංති “” කියන කතාව කියන්න කියලා ආදරෙන් ඉල්ලනවා!
භූතදෝස.. හොල්මන්.. පෙරේතයෝ විශ්වාස නොකරන ඈයෝ පෝස්ට් එක මගහැර ගියාට කම් නැත. මාත් මේ ලියන්නෙ අහගත්තු කතාවක් මිස A- Z මන් ඇහින් දැක්ක දෙයක් නම් නෙමෙයි. මේ කතාව ඊයෙ ගොඩ දෙනක් අහපු නිසයි ලියන්නෙ.
කොහොමහරි ඔන්න ඉතින් මං ඔයාලා කියපු හින්දම අද උදේම ඇහැරලා අම්මා ළගට ගිහින් ශේප් එකේ අම්මට හේත්තු වෙලා ඇහුවා….. අම්මේ අර යාලුවගෙ ගෙදර හිටපු ඉංග්‍රීසි මිස්ට මොකද උනේ කියලා. රකාරාංශෙ වගේ මූන හදාගතතු අම්මා.. මොකටද දැන් උඹට කවදාවත් නැතුව ආයේ ඒ මිස්ව මතක් උනේ කියලා ඇහුවා. මාත් ඉතින් දැන් ටිකක් පානිය දාලා කිව්වා නෑ නෑ අම්මේ මේ නිකන් ඇහුවේ මට මේ ඒ මිස්ව ඊයේ රෑ හීනෙන් පෙනුන කියලා…. මගෙත් ඉතිං ගොන් කමනේ ඔන්න ඒ ගමන අපේ අම්මට අර එක්දහස් නවසිය බර ගණන් වල යටගියාව ආයෙ උඩට මතු වෙලා ඇවිල්ලා… උඹලා ඒ කාලේ කරපුව කියලා ඕන් අපෙ අම්මා අදත් උදේ පාන්දරම සරස්වති පූජාව පටන් ගත්තා. ඕක මහ බලගතු ආශිර්වාද පූජාවක්. අහන්න අහන්න වසී වෙලා වීසි වෙලා ගීන් බිත්තියේ ඔලුව හැප්පෙනවා.
කොහොමහරි යාලුවාටත් කතා කරලා.. ඒ කතාවට එයාලගෙ අම්මලාවත් එකතු කරගෙන.. අපේ අම්මලත් එකතුවෙලා.. ආයෙත් ඒ මිස් ගැන යටගියාව ගොඩ ආවා. කොටින්ම මිනිය විතරයි උඩ ආවේ නැත්තෙ. මේකයි කතාව! දැන් මේක කියවලා පච කියනවාය බොරු කියනවායි කියලා වැලලෙන්න නම් හදන්න එපා ආයේ ඉතින් කොටනවා ක්ස්නික!.. මොකද මන් ආයෙත් කියනවා.. මේක මන් දැක්ක දෙයක් නෙමෙයි අහපු කතාවක්!
හරි දැන් කතාව…..
ඔය මිස්ගෙ තාත්තා පවුලෙ බාලයා. ඉදලා තියෙන්නේ මහගෙදර. පවුලේ ළමයි තුන් දෙනයි. මේ ගෙදර මැද මිදුලක් තියෙන ගෙදරක්. ඉස්සරහම දොරෙන් ඇතුලු වෙන කෙනෙක්ට එක එල්ලේ පෙන්නේ තවත් එලියට දොරක්. ඒත් මේක මහා විසාල ගෙයක්. ලොකු වත්තක් තියනවා. උපතින්ම රබර් වතු අයිති උදවිය. කොහොමහරි මිස්ගේ තාත්ත මැරිලා. මේ මිස්ගෙ මහප්පා, ඒ කියන්නෙ තාත්තගෙ අයියා, එ මනුස්සයට හිතක් පහල වෙලා තියනවා තමුන්ගෙ මල්ලිගෙ නොනා ගැන. මල්ලි මැරුනට පස්සෙ අයියට වැඩේ තවත් ලේසි වෙයි කියලා හිතලා නිතර නිතර මහගෙදරට යන්න පටන් අරන්. ඕක ඒ දවස් වල මිස්ලට තේරිලා තියනවා.
දවසක් මේ අම්මා කුස්සියේ ලිපේ ගොම ගගා ඉන්නකොට කුස්සියේ දොරට හේත්තු වෙලා කවුද උස මිනිහෙක් පිටිපස්සෙ ඉදන් බලන් ඉන්නවා වගෙ තේරිලා. නිකමට හැරිලා බලනකොට ඒ ඉදලා තියෙන්නේ අර මහප්පා. මේ මනුස්සයට ඉවසගන්න බැරි කාම ආසාවකින් ඉදලා තියෙන්නේ. ඒ හින්දම මිස්ගෙ අම්මට කරදර කරන්න ආපු පාර මිස්ගේ අම්මා ලග තිබ්බ බඩු වලිනුත් ගහලා ගොම ටික අර මනුස්සයාගෙ මූනෙ ගහලා කුස්සියේ දොරත් වහගෙන එලියට පැනලා. ඊටපස්සෙ ළමයිට කෑ ගහලා කතා කරලා.. ලග ගෙවල් වල මිනිස්සුත් ඇවිත් අර මනුස්සයාට අවවාද කරලා ගෙදර යවලා. ඒ මනුස්සයා එදා ගෙදර ගිහින් නෑ උනු ලැජ්ජාවට මැහිතෙල් අරන් බීලා මැරුනා කියලා තමා කියන්නෙ.
ඔන්න ඔය මනුස්සයා පෙරෙතයෙක් වෙලා අර අම්මට කරදර කරන්න පටන් අරන් තියනවා. ඒ අම්මා ඒ හින්දා ගොඩක් දුක් විදලා තියනවා. පේරේතයා වැහුනා කියලා හොදට තේරෙනවලු මොකද සමහර දවස් වලට අම්මා ලගින් කුනු වෙච්චි තුවාලෙක ගදලු එන්නේ. මලපහ පිටවෙන්නෙ තාර වගේලු. හරියට තරහා යනවලු. ඔහොම උනු අම්මව මේ මිසුයි, මිස්ගෙ අක්කයි දාලා ගිහින් තියනවා රස්සාවලට. ගෙදර ඉදලා තියෙන්නේ මිස්ගේ මල්ලියි අම්මයි විතරයි. මල්ලිටත් වැඩි කාලයක් ගෙදර ඉන්න හිතිලා නෑ.. හේතුව තමයි.. මල්ලි ගෙදර ඉන්න වෙලාවක් බලලා අම්මා මල්ලිට කතා කරනවලු අයුතු දේවල් වලට. ආවෙ නැති උනාම අම්මා තරහා අරගෙන කාමරේ වටේට යනවලු.. ආයේ ටික වෙලාවකින් පියවි සිහියට ඇවිත් කන්න එහෙම කතා කරනවලු.. කන්න කියලා එලියට ආවම කනකන් අම්මා රාගිකව පුතා දිහා බලන් ඉන්නවලු.. ගොඩාක් හොදින් ආදරෙන් ඉන්න හදනවලු.. ඒ හැමදේම පුතා ප්‍රතික්ෂේප කරාම කන බත් එකට පවා කෙල ගහනවලු… ඉතින් ඔය කරදර ඉවසන්න බැරි හින්දා මල්ලිත් ගෙදරින් ගිහිල්ලා.
මිස්ගෙ අක්කා එයාට ගුරුපත්වීම් හම්බුනු පැත්තෙන් ගෙයක් අරන් මිස්වත් එහෙ නවත්තගෙන. මල්ලිත් රස්සාව කරන තැනම උදේ හවා ගෙදර යන්න පුළුවන්කම තිබ්බත් ගෙදර නොගිහින් නැවතිලා. ගමේ මිනිස්සු නෑදෑයො මිස්ගෙ මලගෙදර දවසෙ අපේ අම්මලාට කියලා තිබුණු හැටියට නම් ඒ දරුවෝ කිසිම කෙනෙක් අම්මව බලාගෙන තිබුණෙ නෑ. කාලයක් ඔහොම පණ අදින පෙරේතියක් විදියට අර විසාල ගෙදර අම්මා ඉදලා තිබිලා තියනවා. දවසක් ගමේ මිනිස්සු මිස්ගෙ මල්ලිව හොයාගෙන ගිහින් කියලා තියනවා අම්මා දවසක් ලග ගෙදරට ගිහින් අමාරුයි කියලා කෑ ගැහුවා.. පුතාට එන්න කියන්න කියල. මල්ලිට තනියම යන්න බැරි නිසා ඕක අක්කලා දෙන්නටත් කියලා තුන් දෙනාම අම්මා බලන්න ගිහින් තියනවා පහුවදා.
කොහොමහරි දරුවො තුන්දෙනා ගෙදර යනකොට අම්මා පෙන්න නෑ ලු. ගෙදරත් තනිකරම අපායක් ලු. මෙයාලා ගෙනාපු බඩු මුට්ටුත් සාලෙන් තියලා..මල්ලි වත්ත පැත්තට ගිහින් අම්මව බලන්න. මිසුයි අක්කයි කුස්සිය පැත්තට ගිහින්. කුස්සිය පැත්තට යනකොට අම්මා ඉන්නවලු. අම්මේ කියලා කතා කරපු පාර.. අම්මා හොදටම කලු වෙලා ඇදිලා ගිහින් මහා විරූපි වෙලාලු අම්මද කියලා හොයන්නවත් බැරි තරමටම. අම්මා විරිත්තලා වගේ හිනා උනු පාර මිස්ලට තේරුනාලු ඒ නම් අම්මා වෙන්න බෑ කියලා. ඒත් ඒ බව අගවන්නෙ නැතුව හිටිය පාර අම්මා කීවලු ගෙට යමන් මන් එන්නම් කියලා. මිස්ලත් කියපු පමාවට ගෙට එනකොට මල්ලි ඉන්නවලු ඉදගෙන. ඊටපස්සෙ මල්ලි කීවලු..
“”අම්මා එයි දැන් අම්මා වත්තෙ දර අහුලනවා කියලා “” එවලෙ මිස්ලා තේරුම් ගත්තලු තව දුරටත් අම්මෙක් නෑ කියලා. එහෙම හිතලා තුන් දෙනාම අම්මා මැරිලා නම් මිනියක් තියෙන්නේ එපැයි කියලා කට්ටියම මිනිය හොයන්න පටන් අරන්.
කොහොමහරි හොයලා බලනකොට අම්මගෙ මිනිය හම්බවෙලා තියනවා මල්ලිගෙ කාමරෙන්. එතකොට එදා උදේ වගේ හරි පාන්දර හරි හුස්ම ගිහින් ඇති කියලා තමයි එයාලා හිතලා තියෙන්නේ. මිස්ගෙ අක්කා තමයිලු අම්මගෙ අවසන් කටයුතු වලට බරටම වියදම් කරලා වැඩ ඉවර කරලා තියෙන්නේ.
දැන් තමයි මිස් මගෙ යාලුවාගෙ ගෙදර එන්නෙ නවතින්න. ඒ ආවට මුල් කාලෙ මගේ යාලුවාගෙ ගෙදර අය මුකුත් දන්නෙ නෑ මේ ගැන. මිස් කියලත් නෑ. දවසක් මගෙ යාලුවාගෙ අම්මා නෝට් කරලා තියනවා මිස් නිදාගන්නකොට තව කෙනෙක් ඇදේ එහා පැත්තෙන් ඉන්නවා වගේලු නිදාගන්නෙ. හැමදාම තව කෙනෙක්ට ඉඩ තියානලු ඒ මිස් අයිනටම වෙලා නිදාගන්නෙ. ආපු අලුත නිස වෙන්න ඇති කියලා ඒක ගනන් අරගෙන නෑ. ඊටපස්සෙ දවසක මෙයාලගෙ ගෙදර බිත්තර බදිනකොට උදේම කවුරුහරි කෑ ගගහා වමෙන් දානවා ඇහෙනවලු. බලනකොට අර මිස්ලු.. ඇස්වල කදූලු පුරෝගෙන වමනෙ දානවලු කලුම කලු පාටට. යාලුවාගෙ ගෙදර අය බය වෙලා හොස්පිටල් අරන් යන්න යනකොට කීවලු. එයාට ඒවා ඇලජික් ආයේ එයා ඉන්නකොට කරවල මස් මාලු බදින්න එපා කියලා. ඕකට ගෙදර අයට සැක හිතිලා.. මේක මොකක් හරි පෙරෙත සීන් එකක් තමා කියලා. මෙයාලා ඊටපස්සෙ කරලා තියෙන්නේ රෑ වෙල මිස්ට නිදාගන්න ඇරලා පිරිත් දාලා සද්දෙට. ඒත් හැබැයි මුකුත් වෙලා නෑ. යාලුවාගෙ අම්මටත් හොදටම නින්ද ගිහින්. ඒත් යාලුවා දැකල කවුරුම හරි හොදට දොරට හෙත්තු වෙලා අතත් බැදගෙන ඉන්නවා. බය වෙන්න තරම් මොකක්ද වෙන්නෙ කියලා තෙරුමක් නැති නිසා.. යාලුවා අම්මට කතා කරලා.. තිගැස්මෙන් හිටපු හින්දා අම්මත් ඇහරලා බලපුවාම මිස් හිනා වෙලා බලන් ඉන්නවලු මේ දෙන්නා දිහා. ඊටපස්සෙ මිස්ම කීවලු..
“” ආයෙ එහෙම කරන්න එපා… “” කියලා..බොහොම හොදින් හිනා වෙලාම කියලා. ඒ බලනකොට පිරිත් සද්දයක්වත් නෑ ලු.
පස්සෙ පහුවද උදේම මිස් යාලුවාගෙ ගෙදර අයට කතාව කියලා. මිස්ගෙ අම්මට උනු කරදර.. අම්මා මැරුනු හැටියි සේරම විස්තර කියලා. දැන් එයාලාගෙන් අම්මා පලිගන්නවා කියලත් කියලා. ඊටපස්සෙ ඉදන් තමයි යාලුවාගෙ අම්මලා අපේ අම්මලා දේවාලෙ ගානෙයි කට්ටඩියො ගානෙයි ගිහිල්ලා මිස්ව හොද කරන්න උත්සාහ කරේ. ඒත් ඒවා එකක්වත් සාර්තක උනේ නෑ. දවසක් ඔය ගෙදරට එක්කන් ගියා පෙරේතයො භූතයෝ පේනවා කියලා විශ්වාස කරන කෙනෙක්. බුදුගුන වලින් තමයි එයා ඒවා කරන්නෙ. ඒවෙලාවෙ එයා ඒ ගෙදර බලලා කීවෙ නිරුවතින් නිතරම එහාට මෙහාට දුවන මිනිහෙක් ඉන්නවා කියලා.. ඊටපස්සෙ ඒ මිස්ලා ඒ ගෙදර සදහටම අතාරැලා දාන්න තීරණය කරා.
ඔය අතරෙ මිස්ගෙ මල්ලිට එක එක විදියේ හැමදාම ලෙඩ හැදිලා තියනවා. මල්ලිව එයා නැවතිලා හිටපු බෝඩිමෙන් අයින් කරලා. රස්සවෙනුත් අස්වෙලා මල්ලි ඇව්ල්ලා මිස්ගෙ අක්කලාගෙ ගෙදර. දවසක් මල්ලිට දෙහි කපලා නූලක් දාන්න කියලා මල්ලිට හොරෙන් අක්කලා දෙන්නට එන්න කියලා තියනවා දේවාලෙකින්. කොහොමහරි මිසුයි අක්කයිත් මල්ලිට හොරෙන් ගිහිල්ලා. එතනින් බලපුවාම කියලා මෙතන එක පෙරේත ආත්මයක් නෙමෙයි පෙරේත ආත්ම දෙකක් ඉන්නවා කියලා. දෙන්නා දෙවිදියකින් සැරින් සැරේ හැමෝටම බලපෑම් කරනවා කියලත් කියලා. කොහොමරි එතනින් කියලා මේ වෙනකොට මල්ලිත් ඉන්නෙ අර මහගෙදරමයි කියලා. ඊටපස්සෙ මිස්ගෙ අක්කා කියලා ඒකනම් වෙන්න බෑ මල්ලි ඉන්නෙ අපේ ගෙදර කියලා. කට්ට්ඩියත් දෙහි කපලා නූලක් මතුරලා දීලා කීවලු මල්ලි පන පිටින් හිටියොත් මේ නුල දාන්න කියලා. මිස්ලා දෙන්නටත් නූල් දෙකක් දීලා බැදගන්න කියලා.
කොහොමහරි අක්කලාගෙ ගෙදර යනකොට මල්ලි ගෙදර ඉදලත් නෑ. මල්ලිට හත් අට පාරක් විතර කෝල් අරගත්තට ආන්සර් කරලත් නෑ. ඊටපස්සෙ මල්ලිම කෝල් එකක් අරගෙන කෑ ගැහුවලු.. ලොකු අක්කෙ… ලොකු අක්කෙ ගෙදර එන්න කියලා.. ඒ පාර මිස්ලා ආයේ දෙවාලෙට ගිහිල්ලා කට්ටඩියවත් අඩගහගෙන ගෙදරට යනකොට මල්ලිත් සීරීමක්වත් නැතුව මැරිලා ඉදලා පිලිකන්නෙ. ඒ මල ගෙදරටත් යාලුවාගෙ ගෙදරින් ගිහිල්ලා තිබුනා. ඒ මල්ලි මැරුනෙ හෘදයාබාධයකින් කියලා තමා කීවේ. මල්ලි ගෙදරට ගියෙ කොහොමද කියලා නම් අපි දන්නෙ නෑ. හැබැයි මල්ලි එදා බීලා ඉදලා තිබුනේ.
මල්ලි මැරුනාගෙන් පස්සෙ සේරම කරදර ඊලගට ආවේ මිස්ට. මොන දේවාල වලට එක්කන් ගියත් හරි ගිහින් නෑ. මිස් සමහර දවස්වලට යාලුවාගෙ අම්මා එක්ක කියනවලු.. අද ඔය පැත්තෙන් යන්න එපා.. දැන් ලිද ගාවට යන්න එපා.. අර ගහගාවට යන්න එපා.. ආන් අරකා ඉදගෙන් බලාන ඉන්නවා කියලත් කියනවලු. කොහොමහරි ඕක මගෙ යාලුවන්ගෙ ගෙදර අයට ඇත්තටම වදයක් වෙලා තිබුනේ. ගෙදරට ආරක්ෂාවක් කරන්න කියලා කීප සැරයක්ම උත්සාහ කරත් එදාට මිස්ට පෙරේතයා වැහෙනවා. සමහර දවස්වලට යාලුවා රෑට නැවතුනේ අපේ ගෙදර. කොහොමහරි ඔහොම ඉන්නකොට මිසුත් තරුනකමක් ගෑවිලාවත් නැතුව ටික ටික ලෙඩ වෙන්න ගත්තා. නූල් දදා කලයක් හිටියා. ආයෙ කාලෙකට හොදටම ලෙඩ වෙනවා. සති ගනන් නාන්නෙ නැතුව ඉන්න පටන් ගත්තා. මිස්ගෙ අක්කා ඇවිත් එක්කන් යනවා ඒ කාලෙට.
ටික දවසකින් මිස්ට අම්මා හීනෙන් පෙනී පෙනී කීවලු… මිස්ගෙන් පලිගන්න එක නවත්තන්නම් හැබැයි දේවාලයක් දාලා මිනිස්සුන්ට උදව් කරන්න කියලා. ඉස්කෝලෙ ගමන නතර කරලා ගමට ඇවිත් ඒ ගෙදරම දේවාලයක් දාන්න කීවලු. මේ අතරතුර කාලෙ දන්න දන්න ගුරුවරු ටික මුල් වෙලා මිස්ට කියලා තිබුනා මැරුනු අම්මට එහෙම පින් දෙන්න කියලා. එතකන් එ මිස්ලා එහෙම දෙයක්වත් කරලා තිබුනේ නෑ. මොකද පන්සලකට අඩිය තිබ්බ ගමන් මිස් කෑ ගහලා හූ තියලා ගැහිලා ගැහිලා ඇදගෙන වැටෙනවා. ඒ මොකක්වත් හරි ගියෙ නැති තැන ඉස්කොලෙන් අස්වෙලා දෙවාලයක් දාගෙන ඉන්න හිතලා මිස් යාලුවාගෙ ගෙදරිනුත් ගියා. ඇත්තම කියනවා නම් මට ඒ මිස්ව මතක තියන කාලෙත් එයාගෙ මූනේ ලේ කදුලක් තිබ්බෙ නෑ.. හිනා වෙන්න දන්නෙවත් නෑ.. ඒ වෙනකොට ඒ ලග ලග කීප සැරයක්ම මිස් කොයි වෙලෙත් හිටි ගමන් මහ රෑට දොරකට හේත්තු වෙලා අත් බැදගෙන එක එල්ලේ බලාගෙන ඉන්නවලු. සමහර දවස්වලට මිස් නිදි නෑ ලු. කුස්සියේ දොර ලග කාමරේ දොර ලග.. ගෙදර මිනිස්සු නිදාගෙන ඉන්න කාමර වල දොරවල් ලගට හේත්තු වෙලා අත්ත බැදගෙන බලාගෙන ඉන්නවලු.
ඒක හිසරදයක් වෙලා තිබ්බ යාලුවාගෙ ගෙදර අයත් මිස් යන එක වලක්වලා නෑ. එහෙම ගිහින් දේවාලයක් දැම්මම එයාව නිදහස් කරනවා කියලා කියපු නිසා එහෙම හරි සැනසීමෙ ඉන්න කියලා මිස්ගෙ ගමන වලක්වලා නෑ. ඒ මිස් අම්මා මැරුනට පස්සෙ අම්මගෙ රත්තරන් බඩු සේරම අරගෙන. ඔය ටික ගෙදරට ගේන්න කියලත් මිස්ට වද දුන්නලු. රෑට හීනෙන් බය කරනවලු.
කොහොමහරි මිස් ගිහිල්ලා සතියකින් විතර මිස්ගෙ අක්කගෙන් යාලුවාගෙ ගෙදරට කෝල් එකක් ඇවිත්.
“” අපේ නන්ගි පිටත් වෙලා ගොඩක් වෙලාද.. ෆෝන් එක ආන්සර් කරන්නෙ නෑ.. ” කියලා එහා පැත්තෙන් අක්කා කීවලු. ඊටපස්සෙ යාලුවාගෙ ගෙදරින් කියලා එයා දැන් ගිහින් සතියක් විතර ඇයි ඔයාලගෙ ගෙදර ගිහිල්ලනෙ යනවා කීවේ.. අපිට කෝලුත් කරානෙ එදා ඔයාලගෙ ගෙදරට ගිහින්… කියලා කීවලු. කොටින්ම යාලුවාගෙ ගෙදරට කෝල් කරලා කියලා තිබ්බා මහගෙදරට ගියා… මේ දවස් ටිකෙ දේවාලෙ හදන්නත් පටන් ගන්නවා කියලා.
ඔය කෝල් එකෙන් දවසක් විතර තුස්නීම්භූත වෙලා හිටපු අපිට දවසකට පස්සෙ කෝල් එකක් ආවා මිස් මැරිලා කියලා. කවුරු කොහොම එන්න කීවත් ඒ ගෙදරට යන්න යාලුවාගෙ පවුලෙ අයට සාධාරණ බයක් තිබුනු නිසා මෙහෙන් වෑන් එකක් කතා කරගෙන අපි ගොඩ දෙනෙක් එදා මිස්ගෙ මල ගෙදර ගියා. එදත් නම් ඇත්තටම හිටියෙ අපි දන්න දැකලා තිබ්බ මිස් නම් නෙමෙයි. එයාව හොයාගෙන තිබුනේ ගෙදර පිටිපස්සෙ තිබුනු නොගැබුරු ලිදකට දණ ගහගෙන මූන ඔබාගෙන ඉද්දි.
මිස්ගෙ මලගෙදර දවසෙ නම් නෑදෑයො කියලා බොහොම අඩු පිරිසයි ඇවිල්ලා තිබුනේ. එකට හේතුව විදියට ඇවිත් හිටපු අය නම් කීවේ අම්මට සලකපු නැති දරුවෝ කියලා. මල්ලි මැරුනු වෙලාවෙ එයා දැකපු දේවලුත් මිස් මැරුනු වෙලාවෙ එතන උනේ මොනවද කියලා දන්නෙ ඒ දෙන්නම විතරයි. එදා මිස්ගෙ අක්කා දුක් වුනේ ඊලගට එන්නෙ එයාගෙ වාරෙ කියලා එයා හොදටම දන්නවා කියලයි. ඔක්කෝටම වඩා අර පෙරේතයො පිරිනු ගෙදර සතියක් තනියම ගෑනියක් ඉන්නවා කියන්නෙත්…. ඒ දවස් කීපයට ආසන්න කාලය තුල ඇත්තටම ඒ හිටියෙ මිස් නෙමෙයි කියලත්… අපි අදත් කතා උනා.
අන්තිමට අපි දැනගෙන හිටියෙ මිස්ගෙ අක්කා විතරයි. එයත් දැන් මැරිලා ඇති කියලා තමයි හිතන්නෙ. යාලුවාගෙ ගෙදරින් පසු කාලීනව අක්කව සම්බන්ද කරගන්න උත්සාහ කරත් බැරිවෙලා තියනවා.