ඊශ්‍රායල් හමුදාව මේ දිනවල අරාබි අර්ධද්වීපයට වඩා ප්‍රසිද්ධ ලංකාවේය. සමහරු ඊශ්‍රායල් කෙල්ලෝ පෙරේතකමින් හමුදාවට බැදෙන්නද කැමතිය. නමුත් පුද්ගලිකව ඊශ්‍රායලයට මම අකමැතිය. ඒ ඔවුන්ගේ දේශපාලන වුවමනාවන් හා භාවිතාව නිසාය.
ගොඩක් අය නොදන්නා දෙයක් අරාබියේ තිබේ. එනම් ත්‍රස්තවාදයට රිදෙන්න පිලිතුරු දෙන සංවිධානද බිහිව තිබේ. අද විස්තර කිරීමට බලාපොරොත්තු වෙන්නෙ එවැන්නකි.
තවත් රටවල් කීපයක උවමනාව නිසා ISIS සංවිධානය බිහිවූ බව රහසක් නොවේ. ත්‍රස්තවාදය සදහා ජාති හෝ ආගම් හෝ සුන්නි ශියා ආදී වශයෙන් වර්ගීකරණයක් කල නොහැක. නමුත් ත්‍රස්තවාදීන්ට දැනෙන භාශාවෙන් උත්තර දෙන සංවිධානයත් ලොව නැතිවා නෙවෙය. ISIS බිහිවන්නේ සුන්නි මතවාද හා අන්තවාදය තුලිනි. පෝශණය කලේ මැදපෙරදිග ලොකු අයියා හා පොඩි අය්යලාගේ රටවල් විසිනි. නම් කියන්න යන්නෙ නැත. ඒ රටවල් සමග වැඩ කරන නිසාය.
මැදපෙරදිග ප්‍රදානම ප්‍රශ්නය සුන්නි හා ශියා බෙදීමය. බෙදෙන්නේ කුරානයේ හා සාස්තෲවරුන්ගේ බෙදීමකිනි. ඒ විස්තර මෙහිලා උවමනා නැත. එමගින් මෙය නීරස වනු ඇත. ශ්‍රී ලාංකික මුස්ලිම් වරු ඇතුලත්ව සෞදිය විසින් සුන්නි මතවාද සදහා නායකත්වය දරයි. ශියා මතවාද ඉරානය මූලිකව පවත්වාගෙන යයි. ඉරානය ඉරාකය සිරියාව තුර්කිය ඊජිප්තුව ආදිය ශියා ආගමික බහුතරයක් වෙසෙයි.
ISIS ම්ලේච්ඡත්වය මුලින්ම මුදා හැරුනේ ශියා සමාජය වෙතය. කාන්තාවන් ලිංගික වහලියන් ලෙසත් පිරිමි සහ දරුවන් අමානුශීය ලෙස ඝාතනයත් ආරම්හ විය . ගම්, නගර පිටින් ISIS ත්‍රස්තවාදී විනාශ කලහ.
ISIS ප්‍රධානම මර්මස්ථාන වූයේ ඉරාකය හා සිරියාවයි. එහි ශියා ජනයා වෙත ඔවුන් නිරතුරුවම ම්ලේච්ඡත්වය මුදාහැරියේය.
සුන්නි පාර්ශවයට වඩා ශියා පාර්ශවයයේ වෙනස්කම් කීපයක් ඇත. එනම් ඔවුන් බහුතරයක් උගත්ය. කලාව සංගීතය නාට්‍ය හා නැටුම් කෙරෙහි ආගමික තහනමක් නැත. සාහිත්‍යය අතින් ද පොහොසත් වේ.
නිරන්තර එල්ලවන ISIS පීඩනය හමුවේ YPG සංවිධානය හෙවත් Peoples protection Unit of Kurdistan (Yekîneyên Parastina Gel) ආරම්භ වූයේ 2011 වසරේ සිරියාවේ බටහිර කුර්දිස්තාන් හා රජෝවා (නැගෙනිහිර සිරියාව) ප්‍රදේශ කේන්ද්‍රකර ගෙනය. සිරියානු යුද්ධයට මැදිවුනු සිය උපන්බිමේ ජනයාගේ ආරක්ෂාව සදහා සිරියානු දේශපාලන පක්ෂ කිහිපයක් එක්ව මෙම ආයුධ සංනද්ධ සංවිධානය පිහිට වූ අතර එය සිරියානු හමුදාව හා එක්ව ජිහාඩ් වරුන්, ISIS හා Salafist අන්තවාදී සංවිධාන වලට එරහිව අදවන තුරුම සටන් වදී.
YPG සතුව Women Protection Unit හෙවත් මුස්ලිම් කාන්තාවන්ගෙන් සම්න්විත වූ මෙම බලකායක් තිබේ. ලොව පෙරමුණේ සටන් වැදි ලොව එකම මුස්ලිම් කාන්තා හමුදා බලකාය ලෙසද සැලකේ. ISIS වෙත යටත්වී ලිංගික වහලියන් වීමට අකැමැති තරුණියන් එහි ස්වේච්ඡාවෙන්ම සේවය කරයි. වාර්තාවන ආකාරයට එම ස්වේච්ඡා සෙබලියන් ගනන 24,000කට අධිකය .
ISIS ත්‍රස්තවාදීන් මෙම සෙබලියන් සමග සටන් කිරීමට මැලිකමක් දක්වයි. ඒ කාන්තාවක් අතින් මැරුම් කෑ විට සවර්ගය අහිමි වීමයි. එම නිසා මෙම සෙබලියන් නිරතුරුව ජයග්‍රහණය කරයි.
ඔවුන්ගේ පැතුම සිරියාව හා ඉරාකය අමතක කොට කුර්දිස්තානය නැමැති රටක් පිහිටුවා ගැනීමය. ඒ වෙනුවෙන් ලොව පුරා ශියා මුස්ලිම් සාමාජිකයින් ඔවුන්ට සහයෝගය දක්වයි. මෑත කාලීනව ISIS පරදා විශාල යුඪ ජයග්‍රහණය පවා ලබා ඇත. ඒ ISIS ලාට බටහිර රටවල් වල පවා සහය තිබියදී බව අමතක නොකල යුතුය.සිරියාවේ රකා නගරය ISIS ග්‍රහනයෙන් මුදවා ගැනීම ඔවුන් ලැබූ විශාලතම ජයකි.
සමහර සටන් වලදී සෙබලියන් සැලකියයුතු දායකත්වයක් ලබාදුන් අතර ඔවුන් සෙබලුන් අභිබවාගොස් ජීවිත පරිත්‍යාගයෙන් පෙරමුණේ සටන් කිරීම ඔවුන්ගේ විශේෂත්වයයි.
එමෙන්ම කුර්දිස්තාන් කදුකරය අවට පිහිටි සින්ජාර් නම් ප්‍රදේශයේ වාසය කල යසඩි වන්දනාකරුවන් සමූලඝාතන කරමින් පැමිණි ISIS වරුන් හරවා යැවීමේ සටන සින්ජාර් කන්දේදී මෙහෙයවන ලද්දේද YPG සෙබලුන් හා YPJ සෙබලියන් විසිනි. ඉන් ඒවන විට ඉතිරිව සිටි යස්ඩි ජනයා 10,000ක් පමණ බේරා ගැනීමට ඔවුන් සමත්විය. මෙහෙයුමට ඇමරිකානු ගුවන් හමුදාව සම්බන්ධ වන විටත් ඔවුන් සැලකියයුතු ISIS සටන් කරුවන් ප්‍රමාණයකගේ දිවි තොරකර තිබුණි. ටබ්කා හා රක්කා නම් සිරියානු ප්‍රදේශ වලින් ත්‍රස්තවාදීන් එලවා දැමීමට දායක වූයේද YPJ හී රණ ශූරියන්ය.
YPJ සංවිධානයේ කැපවීම හා ධෛර්යය පිලිබදව ලොවපුරා මාධ්‍ය ඉතා ඉහලින් වාර්තා කිරීමත් සමග විදෙස් රටවලින් YPJ සංවිධානයට සම්බන්ධවීම සදහා තරුන තරුණියන් ඇදී ඒමට පටන් ගන්නා ලදී. මෙලෙස සම්බන්ධවී ඇති සමහර ක්‍රිස්තියානි හා වෙනත් ආගමික පුරවැසියන් ද නැතිවා නොවේ. බ්‍රිතාන්‍යය ජාතික හා කැනේඩියානු බෙල්ජියමේ හා යුරෝපේ තරැන තරුණියන් පවා ඔවුන් සමග එක්වී සිටී. මේ ලියන මමද ඔවුන් වෙත තිබූයේ කැමැත්තකි.
ISIS සංවිධානයට ජීවග්‍රහයෙන් අසුවූ පසු දැඩි ලිංගික අපහරණයකින් පසු අමානුශීය ලෙස ඝාතනය වන බව දැන දැනම තරුණියන් එක්වීම පුදුමය. ISIS දැඩි තර්ජනයක් වූ මෙම සෙබලියන් කොටුකර අමානුෂික ලෙස ඝාතනය කරන විඩියෝ කිහිපයක් පවා ISIS සංවිධානය විසින් අන්තර්ජාලයට නිකුත්කර තිබුණි. ඒ හරහා ඔවුන් YPJ සමග සම්බන්ධ වන තරුණියන් බියවැද්දවීමට උත්සහ කල නමුත් එයින් සංවිධානය හා සම්බන්ධ වන ප්‍රමාණය වැඩිවූ බව විදෙස් මධ්‍ය වාර්තාකොට තිබුණි.
ලංකාවේ පැවැත්ම සදහා මැදපෙරදිග සාමය හා රටවල් අතර අවබෝධය අත්‍යාවශ්‍ය කාරණයකි. ඒ අපේ අපනයනය වලින් වැඩි කොටසක් වන මෙන්ම තේ කුරුදු කෝපි සාදික්කා මැනික් හා වෙනත් දෑ සඳහා ඇති වෙලඳපල අවස්ථාවන් නිසාය. අනෙක් අතට ජාත්‍යන්තර බලපෑම් හමුවේ නැගීසිටීමට මැදපෙරදිග ස්වාධීන රටවල් වල කොන්දේසි විරහිත සහයෝගය අපට අවශ්‍යය.
ඇමරිකන් හිතවාදී රටක් වන ඊශ්‍රායලය අපිට ජාත්‍යන්තරයේ සහය දෙන්නේත් නැත ISIS ලා කවදාවත් ඊශ්‍රායලයට පහර දෙන්නෙත් නැත.. ඒ දේශපාලන හේතු නිසාය.
නමුත් ISIS විරෝධී මිලිශියා කණ්ඩායම් හා නායකයින් නිරන්තරයෙන් බලාත් රටවල ප්‍රහාරවලින් ඝාතනය වේ එනම් තව කාලයක් මැදපෙරදිග ගිනි නිවෙන්නේ නැති බවට සාක්ශියකි.
මෙවන් ජිවීත පරිත්‍යාගයෙන් අනාගතයේ ඉදිවන කුර්දිස්තානය මැද පෙරදිග නව අරුණැල්ලක් මෙන් නැගී එනු ඇත.
උපුටා ගැනීම: Kasun Pethiyagoda