ඉවීමේ කලාව (වැල් වටාරම්)

එදානම් අම්මගෙන් කෑවා අම්බානෙක.සාමාන්‍ය දැනීමවත් මේකීට නැහැ කියලා.මාළු සුද්ද කරන්න ඉගෙනගන්න ඕන උනා දවසක් උදේම අම්මා සාලයෝ ගත්තා .එදා ඔන්න අම්මගෙන් අහගෙන සුද්ද කලා පස්සේ දවසම වමනේ දැම්මා.

පස්සේ ගෙදර සුපිරියටම හදන්න පුළුවන් උනා පරිප්පු තෙම්පරාදුවයි.හාල් මැස්සෝ තෙල් දාලයි.බිත්තර තම්බලයි.ඕක තමයි ගෙදර එන හැමෝටම හදලා දුන්නේ.

කේක් එකක් හැදුවා අයිසින් කරන්නම ඕනේ බටර් 250 g කට අයිසින් ෂුගර් 100g දැම්මා කේක් එක උඩ අයිසින් දියවෙවි වැටෙනවා.බටර් වැඩිවෙලා.

හබියා වෙන්න කලින් පෙම්වතානේ ගෙවල් වලින් දැනගත්තම මාව බලන්න ඉරිදට එනවා.ඉතින් උදෙන්ම නැගිටිනවා උයනවා ඔක්කොම වැඩකෑලි දාලා පරිප්පු හාල්මැස්සන් තෙලට බිත්තර..

අපේ අම්මා දවසක් කිව්වා ඒ ලමයට හැමදාම ඕක කන්න පුළුවන්ද පැත්තකට වෙයන් මම හදන්නම් කියලා.අම්මෝ එදා එයා කෑවා පිදුරැතලාගල කන්ද වගේ බත් එකක්.පුදුම රසක් කිව්වා ඒකනම්..

දවසක් කිව්වා යාළුවෙක් එක්ක එනවා නුඩ්ල්ස් ටිකක් රෑට හදන්න කියලා.ගත්තා වතුර මුට්ටියක් උතුරනකොට දැම්මා නුඩ්ල්ස් පැකට් දෙකක් වහලා තිබ්බා පැය භාගයක් හිතාගන්න පුළුවන්ද හිතවතුනි.අම්මා එනකොට නුඩ්ල්ස් බතක් තිබ්බේ ආයේ ජීවීතේට අපෙ කෙනා කෑමට යාළුවෙක් ගෙදර ගෙනාවේ නැහැ..

කසාද බැදලා ආපු අලුත කොස් තම්බන්න කිව්වා. කැපුවා පත කොස් කෑලී වතුර දැම්මා බාගයක් විතර තැම්බුවා කොස් ඒක සුප් උනා.සාලයෝ මලවන්න කිව්වා කළුවට.දන්නේ නැහැ දාන්නේ ගම්මිරිස් ගොරකා කියලා හැලුවා බැඳපු තුනපහ සාලයෝ කළු උනා නැන්දම්මගේ මුණ දෙක උනා..

එලවළු බතක් හැදුවා මාළු මුකුත් නැහැ සොසේජස් එක කරලක් ඉතිරි වෙලා තිබ්බා ගෙදර හිටියා අම්මයි,තාත්තයි, මහත්තයයි, නංගියි,මමයි කැපුවා සොසේජස් කරල විස්සට. බෙදුවා එක්කෙනාට කෑලී හතර ගානේ අපේ එක්කෙනා කිව්වා සම්මානයක් දෙන්න ඕන කියලා..

ඔන්න ඔහොමයි ඉවීමේ කලාව ඉගෙනගත්තේ අදත් වරදිනවා එ්ත් අර තරම් නැහැ.දැන් දෙනවා ඇට්ටි හැලෙන්න….

(පින්තූරය අන්තර්ජාලයෙන් )

උපුටා ගැනීම: Madushani Thenuwara