ජපානය කියන්නේ හරිම පුදුම රටක්. ජපානය වර්තමානය වන විට තාක්ෂණික දියුණුව හා ආර්ථික වර්ධන වේගය අනුව ඉතා ඉදිරියෙන්ම ඉන්න රටක්. නමුත් ජපානය තවමත් තමන්ගේ සාම්ප්‍රදායික සිරිත් විරිත් ආදිය ආරක්ෂා කරගෙන ඉදිරියට යනවා.
ජපානයේ අද්වීතීයත්වය හෙළිකරන අරුම පුදුම ඡායාරූප 18ක් තමයි අපි අද ඔයාලට අරගෙන එන්නේ.
18. ටෝකියෝ යනු ලෝකයේ ඇති ආරක්ෂිතම අගනගරයකි
ආර්ථික බුද්ධි ඒකක මධ්‍යස්ථානය මගින් පළ කරන ලද ලෝකයේ ආරක්ෂිත නගර ශ්‍රේණිගත කිරීමේ පළමු ස්ථානය හිමිවන්නේ ටෝකියෝ නගරයටයි. මේ සදහා තොරතුරු හා පුද්ගලයන්ගේ ආරක්ෂාව, සෞඛ්‍ය සේවා හා යටිතල පහසුකම් වැනි දේ පදනම් කොටගෙන ඇත. මෙම ශ්‍රේණිගත කිරීම් ලැයිස්තුවේ දෙවන ස්ථානය සිංගප්පූරුවත්, තුන්වන ස්ථානය ජපානයේම තවත් නගරයක් වන ඔසාකා වලටත් හිමිවී ඇත.
17. සවිස්තරාත්මක උපදෙස් මාලා
ජපානය තුළ බොහෝ සෙයින් මාර්ගෝපදේශ හා මාර්ග සංඥා බොහෝ සෙයින් දැකගන්නට පුළුවන්. මේවා බොහෝවිට විදේශිකයන්ට පවා තේරුම් ගතහැකි පරිදි ඉංග්‍රීසි භාෂාවට ද පරිවර්ථනය කර ඇති අතර රූප මගින්ද පැහැදිලි කොට ඇත.
16. ජපන් දරුවන් පොදු උපන් දිනයක් සමරනවා
අවුරුදු 3,5,හෝ 7 වයසැති ජපන් ළමයින්ට නොවැම්බර් 15 කියන්නේ ඉතා උත්කර්ශවත් දිනයක්. මේ දවස නම් කර ඇත්තේ ෂිටි-ගෝ-සෑන් යනුවෙනි. මෙහි තේරුම වන්නේ හත, පහ, තුන යන්නයි. ජපන් ජාතිකයන් සාමාන්‍යයෙන් ඔත්තේ සංඛ්‍යා වලට විශේෂ බලයක් ඇති බව විශ්වාස කරනවා. එසේම ව‍යස අවුරුදු 3,5,7 කියන්නේ ළමුන්ගේ වර්ධනයේ වැදගත් සංධිස්ථානයක් බව ඔවුන් විශ්වාස කරනවා.
15. සාමාන්‍ය උදෑසන ව්‍යායාම
පාසල් සිසුන් හා වෘත්තිකයන් සාමාන්‍යයෙන් තම උදෑසන කටයුතු ආරම්භ කිරිමට කළින් පොදු උදෑසන ව්‍යායාම වල නිරත වෙනවා. මෙම සම්ප්‍රදාය ජපානය තුළ 1928 සිට පැවත එනවා. මේ තුළින් නිරෝගිමත් දිවියක් හා ප්‍රබෝධමත් දවසක් පවත්වා ගැනීම පමණක් නොවෙයි එකිනෙකා තුළ සහයෝගයද ඇතිකරනවා.
14. විනෝද සිකුරාදා
ජපානයේ වෘත්තිකයන් ඉතා අධිකව වෙහෙස මහන්සි වී දිනය පුරා වැඩ කිරීමෙන් ඔවුන් ඉතා තෙහෙට්ටුවට පත්වීම නිසා ජපන් රජය විසින් සෑම මසකම අන්තිම සිකුරාදා දිනය අවසානයේ පැය කිහිපයකට කලින් සේව‍යෙන් නික්ම ගොස් විනෝදශීලී ක්‍රියාවක යෙදීමට අවස්ථාව සපයා ඇත. මෙය ආදර්ශයක් විදියට මුලින්ම සිදුකොට ඇත්තේ ජපන් ආර්ථික කටයුතු අමාත්‍ය හිරෝශිගේ සෙකෝ ය.
13. අවුරුදු දහස් ගණනක ඉතිහාසයක් සහිත සමාගම්
ජාපානයේ දේපල අයිතුය ලබා ගැනීම ඉතා අපහසුය. එබැවින් පෞරාණික ආයතන හා සමාගම් තවමත් ජපානය තුළ ඉතිරිව පවතිනවා. හෝෂි ර්යෝකාන් ජපන් හෝටලය ආරම්භ කොට ඇත්තේ 718 වර්ශයේදීය. මෙම හෝටලය එකම පවුලේ පරම්පරා 46ක් විසින් කරගෙන එයි.
12. ඉතා අලංකාර වන සතුන් සඳහා වූ අභය භූමි පැවතීම
ජපානයේ අභය භූමි අතරින් හොන්ෂු දූපතේ මියාගි ප්‍රාන්තයේ පිහිටා ඇති සාඕ ෆොක්ස් ගම්මානය ඒ අතර වේ. එය කැළෑ හිවලුන්ගෙන් පිරුණු ගමක් වන අතර කුඩා දරුවන් හැර අන් සියල්ලන්ටම ඔවුන් බැලීම හා ආහාර දැමීම කළ හැකිය.
11. ආලෝකයේ වේගයෙන් සිදුවන මාර්ග ප්‍රතිසංස්කරණය
2014 දී ෆුකුඕකා නගරයේ මාර්ගයක එක් තැනක් අඩි 45ක් ගැඹුරට ගිලා බැස ඇත. මේ අනතුරෙන් කිසිවෙකුටත් හානියක් සිදු වී නැහැ. මේ අනතුර සිදු වී පැය 48ක් ඇතුලත මෙම ස්ථානයේ කිසිදු අනතුරක් නොවුනු ආකාරයට ප්‍රතිසංස්කරණය කිරීම අන්තර්ජාලය තුළ ආන්දෝලනාත්මක ප්‍රවෘත්තියක් වුනා.
10. අනිත අය ගැනත් සිතන නඩත්තු සේවකයන්
රූපයේ දැක්වෙන්නේ මාර්ගයේ නඩත්තු සේවකයන්, වැඩ කිරීමේදී ඇතිවන දූවිල්ලෙන් අසල ඇති වෙනත් කෙනෙකුගේ වාහනයක් ආරක්ෂා කර ගැනීම සදහා කැන්වසයකින් ආවරණය කර ඇති අයුරුය.
09. අඩු ඉඩකින් වැඩ ගොඩක්
ජපන් ජාතිකයන් බොහෝ විට ජීවත් වන්නේ කුඩා ඉඩක් ඇති මහල් නිවාස සංකීර්ණ වලය. මෙම සෑම ගොඩනැගිල්ලකම සදළුතලයේ කුඩා සින්ක් එකක් සවිකර ඇත. එමගින් ඔවුන් මල් වලට වතුර දැමීම වැනි දේ සිදු කරයි.
08. සෑම නොවැදගත් දෙයක්ම පවා අලංකාරව නිමවා ඇත.
පාරේ ඇති අගල් වැසීමට භාවිතා කරන වැස්ම පවා අලංකාර සිතුවම් වලින් වර්ණවත් කොට ඇත.
07. බුලට් ට්‍රේන්ස්
අධික ලෙස වේගවත් ෂින්කැන්සෙන් දුම්රිය හදුන්වන්නේ බුලට් ට්‍රේන් කියාය.මෙය පැයට සැතපුම් 200ක වේගයකින් ගමන් කරන නිසා මෙහි මගියනට ඉතා ඉක්මනින් තම ගමනාන්ත කරා යාමට හැකියාව තිබෙනවා.
06. ජංගම දුරකතන වල ඇති අනතුරු ඇඟවීමේ පද්ධතිය
ජපානයේ ජනතාවට හදිසි අවස්ථාවක මාධ්‍යය හා ශබ්ධ විකාශන යන්ත්‍ර මගින් අනතුරු ඇඟවීම සදහා ජේ-ඇලර්ට් යනුවෙන් රජයේ අනතුරු ඇඟවීමේ පද්ධතියක් තිබෙනවා. මීට අමතරව සෑම නූතන ජංගම දුරකතනයකම තත්පර 4-20 අතර කාලයකින් අනතුරක් දැනුම් දීමට පද්ධතියක් ක්‍රියාත්මක වෙනවා.
05. නොයෙකුත් ආකාරයේ අමුතු ආහාර
සාම්ප්‍රදායික ඔකොනොමියාකි පෑන් කේක් වල සිට සකුරා රසැති චොකලට් දක්වා වූ ඕනෑම ආකාරයේ ආහාරයක් ජපානයේ ඇත. එසේම ලෙගෝ වලට කැමති අයට ලෙගෝ බ්ලොක්ස් ආකාරයේ කෑම වර්ග සදන අවන්හල් ද ජපානයේ ඇත.
04. කලා කෘතියක් බදු වූ එළවලු
මුකිමොනෝ එළවලු හා පළතුරු කැටයම් කලාව ජපානයේ ඉතා ජනප්‍රියයි. ජපානයේ එක් එක් කලාප වලට වෙන වෙනම මුකිමොනෝ තේමවන් තිබෙනවා. මේ සදහා වෙනම පිහි හා උපකරණ භාවිත කරනවා.
03. දත් කුහර වලට ප්‍රතිකාර කරන දන්තාලේප
ජපන් විද්‍යාඥයෙක් වන කසුවේ යමගෂි විසින් දත් කුහර හා අනෙකුත් දත් දිරා යාම් වේදනාවකින් තොරව සුව කළ හැකි දන්තාලේපයක් සොයාගෙන තිබෙනවා. මෙය විනාඩි තුනකින් පමණ ඉරිතැලී ඇති එනමලය සුවකරනවා.
02. අමුතු ආකාරයේ නව නිපැයුම්
අමුතුම ආකාරයේ නව නිපැයුම් සදහා ජපානය සුප්‍රසිද්ධයි. සංවේදී තොල් සදහා මවුත් ඩිස්ටෙන්ඩර්, ඔබගේ ආදරණීයයා සිප ගැනීමට ස්මාර්ට්ෆෝන් ඇමුණුමක්, නිදා ගැනීම සදහා කාන්තා උකුලක් වැනි අමුතු ආකාරයේ නිශ්පාදන බොහෝ සෙයින් ජපන් වෙළඳපොලවල් වලින් සොයාගන්න පුලුවන්.
01. ජපන් පාසල්
ලෝකයේ වේගයෙන්ම දියුණු වන පාසල් පද්ධතිය ඇත්තේ ජාපානයට යැයි කිව්වොත් ඒක වැරදි නැහැ. උදාහරණයක් විදියට ජපන් පාසල් වල සිසුන්ට ලකුණු දීම සදහා ශ්‍රේණි ක්‍රමය භාවිතා කරන්නා නැහැ. ඒ වෙනුවට ගුරුවරයා තමයි තීරණය කරන්නේ ළමයා කොයි තරම් දුරට පාඩම තේරුම් ගත්තද කියලා. වෙනත් දියුණු රටවල මෙන් නොව ජපන් පාසල් ළමුන්ට පාසල් තුළ ජංගම දුරකතන භාවිතය සපුරා තහනම්. එසේම ජපන් පාසල් වල පිරිසිදු කිරීම සදහා වෙනම් කාර්‍ය මණඩල නැහැ. සියලු පිරිසිදු කිරීම් කටයුතු ළමයින් විසින් සිදුකළ යුතුය.
උපුටා ගැනීම: Ceylon journal