මේ සිද්ධිය උනේ මම 7,8 වසරෙ දි වගේ, එතකොට අපේ අයියා උසස් පෙල ..
අපේ ලොකු අම්මා ඉන්නෙ රත්නපුර . අපි ඉතින් හැම නිවාඩුව ටම රත්නපුර යනවා . මමයි, අම්මයි, අයියයි.
මේ කියන පාර අයියා ට යන්න බැරි උනා . අම්මයි මමයි ගියේ.
අපි රත්නපුර යද්දි ඇබිලිපිටියට ගිහින් එතනින් තව බස් එකක තමයි යන්නෙ . ඇඹිලිපිටියෙ ටව්මෙ තියෙනවා අපේ මාමා කෙනෙක් ගෙ කඩයක් . අපි රත්නපුර යද්දි මේ කඩේට ගිහින් තේ එහෙම බීලා තමයි යන්නෙ.
හැමදාම කඩේට ගියාම මාමා අහනවා මොනවාද ඕන කියලා . අහල බිස්කට් , චොකලට් වගේ මොනවහරි දෙනවා . මුලින් පස්ස ගැහුව ත් පස්සෙ මමත් මොනවහරි ඉල්ලනවා . අම්මයි , අයියා යි බැන්නට බඩජාරි කම ලොකු වෙනවා මට ඒ වෙලාවට.
මේ පාර මම හිතන් ගියා ජම්බො පීනට් එකක් ඉල්ලනවා කියලා . මොකද මම එතකොට ඒවා කාලා තිබුනෙ නැහැ . අයියා ත් නැහැ නෙ රවන්න.
ඔන්න ඉතින් මමයි , අම්මයි මාමා ගෙ කඩේට ගිහින් එන්න හදද්දී මාමා ඇහුවා මොනවාද ඕන කියලා මම කිව්වා ජම්බො පීනට් එකක් කියලා . ඒකත් අරන් රත්නපුර යන්න බස් එකට ගියා . අම්ම්ත් කිව්වා උබ ඉල්ල ගත්තා නම් උබම කාපන් කියල. ඉතින් මම තනියම කෑවා.
ඒ සිද්ධිය ඉවරයි …
…….
ඊට මාස 2 කට විතර පස්සෙ අපි ගියා දානෙ ගෙදර ක. කට්‍ටිය කතා කර කර ඉද්දි බීම එකකුත් ලබුනා . මම යි අයියයි ත් බීම බොනවා දැන්. ඔහොම ඉද්දි එතන හිටපු නැන්ද කෙනෙක් කිව්වා
” අනේ බලන්නකො මම ඊයෙ ජම්බො පීනට් එකක් කෑවා . ඒකෙ ඇතුලෙ තියනවනේ පොඩි පැකට් එකක් . ඒක කැඩිලා . මම ඩොක්ටර් කෙනෙක් ලගටත් ගියා . ඒකෙ කෙමිකල් එකක් ද දන්නෙ නැහැනෙ ” කියලා .
මට හික් ගැවුනා . අයියා මගේ ලගම හිටපු නිසා එයා ට තේරුනා වෙනස. පස්සෙ අයියා මගෙන් ඇහුවා මොකද උනේ කියලා …
මොකද උනේ ..
මාර වැඩේනෙ හලෝ..
මමත් කෑවනෙ ..
මොනවාද
ජම්බො පීනට් ..
ඉතින් , කවුරුත් කන්නෙ . ඒකටද බීම හලා ගත්තෙ ..
ඒක නෙමෙයි අනේ
එහෙනම්
ඒක ඇතුලෙ තියෙන්නේ පොඩි පැකට් එකක්
ඕ
ඒකත් කෑව
මොකක් ..
පිස්සුද තමුසෙට .
ඒක මොකටද කෑවෙ.
මම දන්නවද , මම හිතුව ඒක රස කාරක පැකට් එකක් කියලා . අර මැගී නූඩ්ල්ස් වල එහෙම තියෙන්නේ ..
උබට පිස්සුද ගොනෝ.. ජම්බො පීනට් වලට රස කාරක පැකට් දානවද.
මම කොහොමද දන්නෙ ..
හපෝ උබ වගේ හරකෙක් . දැන් රහද ඒවා .
නැහැ නෙ. අගුරු වගේ. මම ඒත් බැලුවා මොකද ඒක මෙලෝ රහක් නැත්තෙ කියලා .
ඒ මිනිස්සු දන්නෙ නැහැනෙ උබ වගේ ගොන්නු ඉන්නව කියලා . ඉදපන් මම ලියුමක් දාන්න ඒකත් රහට හදන්න කියලා ..
දැන් කවදද ඕක උනේ
මමයි අම්මයි රත්නපුර ගිය දවසෙ .
දැන් මාස දෙකකට ත් වැඩි නෙ. දැන් ඉතින් ඩොක්ටර් කෙනෙක් ලගට ගිහින් වැඩක් නැති වෙයි .
උබ දන්නෙ නැද්ද බන්. ඒක තියෙන්නේ ඇතුලෙ ජල වාශ්ප උරා ගන්න . අනික ඒකෙ ගහල තියෙන්නේ ඩූ නොට් ඊට් කියලා .
දන්නව නම් කනවද.. අනික මම ඉන්ග්‍රීසි කියවන්න යන්නෙ නැහැ . තමුසෙ දන්නව නම් කියන්න එපායැ .
මොකක් ද, ජම්බො පීනට් කනව නම් ඇතුලෙ තියන පැකට් එක කන්න එපා කියලා ද. අනෙ පලයං බන් යන්නෙ . උබ වගේ බූරුවෙක්.
අනේ කාටවත් කියන්න එපා හලෝ . මම ඕන උදව්වක් කරන්නම් ..
නැහැ . මම කියන්නෙ නැ. දැන් යමන් . තෝ තනියම දාල යන්න බයයි . හරක් කෑවොත්..
කාටවත් කියන්නෙ නැහැ කිව්වා ට. අපේ අයියා කාරය වටේටම ගින්න දුන්නා හිතෝතුනි ..
හරි වේදනයි මට…
උපුටා ගැනීම: Eranga Lakmali