කඩේ පපඩම් වගේද කැලේ පපඩම් ( සෞඛ්‍ය හා යෝග්‍යතාවය )

“පොෂ් අය නම් දැකල තියා අහලවත් නැතුව ඇති මේ මොනාද කියල.“

පොෂ් වුනත් නැතත් අද කාලේ මෙව්වා අහලා නෑ කාල නෑ කීවට පුදුම වෙන්න දෙයක් නෑ. හැමෝම තරඟෙට කොහෙද මන්ද හැල්මෙ දුවනවා.

අද ගෙනවා ටිපි ටිප්,Lays,French Fries පරාද වෙන කෑමක්. සතයක් වත් වියදම් වුනේ නෑ හදාගන්න. එච්චර වෙලා ගියෙත් නෑ.අම්මෝ රස.බොහොම අමාරුවෙන් ෆොටෝ එක ගත්තෙ.විනාඩි 5න් කාලත් ඉවරයි.

මේවා කඩන්න ඉතින් ලඳු කැලෑ,බඩවැටි අස්සෙ රිංගන්න ඕනි.ඉස්සර ආච්චම්මල පොඩි කාලේ මේවා කන්න කොච්චර ආසද කියනව නම් එයාල නාන් නැතුව වද කරන කොට අම්මල කරල තියෙන්නෙ මේව කඩල ඇලට දාන එක.එතකොට පොඩි උන් තරඟෙට වතුරට පැනලා පීනලා ඇල දෙක කරල එකක් නෑර අල්ලගන්නව ලූ.

කොහොමත් නාල නෙ ගොඩට එන්න වෙන්නෙ එතකොට ? මොනාද ඉතින් මේ?

මේ වෙල් බුත්සරණ නැතිනම් මුස්සැන්ද

Mussaenda frondosa කියන විද්‍යාත්මක නමින් හඳුන්වන Mussaenda ගණයට අයිති Wild Mussaendas කියල ලෝකෙම දන්න ගහේ සුදුපාටට හැදෙන මණිපත්‍ර.

ගහේ ෆොටෝ එහෙකුත් දැම්මා.දැකල නැතිනම්.

අපි පොඩිකාලේ කියන්නේ පපඩම් ගස් කියල.

හේතුව දන්නෙ කෑවට පස්සෙ නේ?

මහලොකු රෙසිපිය ක් නෑ.

මුස්සැන්ද කැඩුවා.

හොඳට හේදුවා.

පාන් පිටි චුට්ටක්,මිරිස් කුඩු,කහ,ලුණු අයිස් වතුරෙන් අනල අරන් මුස්සැන්ද ටික ඒ බැටර් එකේ දවටල තෙලේ බැදල ගත්තා.

ලෙඩ රෝග රාශියකට දිව්‍ය ඖෂධයක් ලෙස සැලකෙන මේ මුස්සැන්ද නැතිනම් වෙල් බුත්සරණ මේ විදිහට කෑවොත් කුඩා දරුවන්නෙ ධාරණ ශක්තිය වර්ධනය කරනවා කියල පුරාණ වෙදපොත් වල සඳහන් වෙලා තිබෙනවා.

කහට එහෙකුත් වක්කරගෙන ආව නම් පංකාදු පහයි ඕන්.

හදපු හැටි බලන්න

දීමංක ජයකොඩි.

Heartfelt Food