“පෙරේදා අපෙ පන්සලේ ශ්‍රමාධනයක් තිබුනා. මායි ගමේ මගේ යාලුවෝ ටිකයි මේ වැඩේට සම්බන්ධ වුනේ මේ ටිකේ අපිට පන්තිත් නැති හින්දා. පන්සල අවට සුද්ධ කරන්න ලොකු පිරිසක් හිටපු නිසා හාමුදුරුවෝ අපිට කිව්වේ පන්සල ඇතුලේ සුද්ද කරන්න උදව් කරන්න කියලා. ඉතින් හාමුදුරුවන්ගේ පොත් රාක්කෙ සුද්ද කරද්දී මේ පහතින් දාලා තියන පුස්කොළ පොත මට හම්බවුනා. හරියටම පුස්කොළ පොතක් දැක්කෙත් පෙරේදා නිසා සුද්ද පවිත්‍ර වැඩ ඉවර කරලා මන් නිකමට ඒක කියවන්න උත්සහා කලා. ඇත්තටම මෙලෝ දෙයක් තේරුනේ නැහැ. මන් හාමුදුරුවන්ගෙන් ගිහින් ඇහුවා මේ තියෙන්නේ මොනවාද කියලා. හාමුදුරුවන් කියපු කතාවත් එක්ක මට මේක නිකමට අඩයාලම සමුහයේ දාන්න හිතුනා කට්ටියගේ අදහස් මේ ගැන දැනගන්න.
මේකේ තියෙන්නේ ” කළු මල් පොකුණ’ කියලා අද්භූත තැනක් ගැනලු. අද්භූත කිව්වේ, ඉස්සර ගවරා කියලා, හරක් කුලයට අයත්, හැබැයි හරකෙකුට වඩා විශාලා, ඒ කිව්වේ අලියෙකු හා සමාන කකුල් හතරකින් යුතු සතෙක් හිටියලු. එක්තරා ගමක, කඳු මුදුනෙන් පටන් ගෙන ගම හරහා ගලාගිය ඇල පාරවල් කිහිපයක් තිබුනලු. මේ ඇල පාරවල් දැක්කහම ඕන කෙනෙක්ට තේරෙනවලු, කන්ද මුදුනේ පොකුණක් තියනවා කියලා. මේ පොකුණට යන්න හරි හමන් පාරක් වත් තිබ්බේ නැහැල්ලු. මෙන්න මේ කඳු මුදුනේ තමයි මේ ගවරා කියන සතා ජිවත් වෙලා තියෙන්නේ කියලලු සදහන් වෙන්නේ.
මට කුතුහලය පහල වුනේ එකේ නෙවෙයි, හාමුදුරුවෝ මේ හා සම්බන්ධව කියපු අනික් කොටසේ. ඒ තමයි මේ පොකුණේ වතුර බොන ඕන කෙනෙක් පෝසත් වෙනවා කියලා තියනවලු. ඉස්සර අපේ පැරණන් මේ පොකුණ හොයාගෙන ගිහින් වතුර බිලා පෝසත් වුනා කියලත් සඳහන් වෙනවලු. මන් ඊට පස්සේ හාමුදුරුවන්ගෙන් ඇහුවේ මේක තියෙන්නේ කොහෙද ? ඇයි මේ ගැන ලංකාවේ කොහෙවත් පත්තරයක හෝ ටීවී එකක හෝ සඳහන් වෙන්නේ නැත්තේ කියලා. හාමුදුරුවෝ නම් කියන්නේ සමහරවිට මේක මිත්‍යාවක් වෙන්නත් පුළුවන්, හැබැයි හාමුදුරුවෝ අහලා තියන විදිහට මේ පොකුණ තියෙන්නේ සිංහරාජ අඩවිය පැත්තේ ලු. මිනිස්සු මේ ගැන වැඩි අවධානයක් යොමු කිරීම තුලින් ඓතිහාසික වටිනාකමකින් යුත් ස්ථාන විනාශ කිරීමට ඇති හැකියාව වැඩි නිසා පුරාවිද්‍යා දෙපාර්තම්න්තුව මේ ප්‍රදේශය රහස් ප්‍රදේශයක් ලෙස ආරක්ෂා කරන කතාවකුත් තියනවා කියලයි කිව්වේ. මොකද මේක රජවරු අතරෙත් රහසක් විදිහට තිබුණු දෙයක් ලු.
මේ කතාව ගැන මීට කලින් අහපු කවුරු හරි ඉන්නවද මේ group එකේ? මට විස්තර දැනගන්න ආසයි. ලකාවේ මේ වගේ අපි නොදන්නා පෞරාණික වටිනාකමිකින් යුත් ගොඩාක් දේවල් ඇති කියලත් මට හිතෙනවා. මොකද මේ පුස්කොලපොත වුනත් මට හම්බ වෙන්නේ අහම්බෙන්. අනේ දන්න කවුරු හරි හිටියොත් මට මේ ගැන විස්තර ටිකක් කියන්න. ස්තුතියි.
උපුටා ගැනීම: Dinuleeya Weerasinghe