ස්පාඤ්ඤය විසින් පාලනය කරනු ලබන, බටහිර අප්‍රිකානු කළාපයට අයත් ලැන්සාරෝට් කළාපයෙහි පිහිටි කැනරි දූපතේ මිදි වගාව කෙරීගෙන යන්නේ, එහෙමත් නැත්නම් ඔවුන්ගේ වයින් කර්මාන්තයට අවශ්‍ය මිදි වතු වර්ධනය කරගෙන යනු ලබන්නේ මෙන්න මේ ආකාරයටයි.
කුඩා දූපතක් වන මෙම කැනරි දූපත ඇතුළත ගිණි කඳු 300 කට වඩා පිහිටා තිබෙන අතර, එම නිසා එම දූපතේ බොහෝ ස්ථානවල ඉතා විශාල වශයෙන් ගිණි කඳුවල අළු පස් හා මිශ්‍ර වී ඇත.
එමනිසා මෙම දූපතේ මිදි පැළ හිටවනු ලබන්නේ සාමාන්‍යයෙන් වෙනත් රටවල සිටුවන ආකාරයට නම් නොවේ. පින්තූර වල පෙනෙන විදියට ඔවුන් මිදි ගස් පැළ කරන්නේ මීටර් කිහිපයක් දිග පළල සහිත කැණීම් කරන ලද වලවල් වලය. මෙසේ සිදු කරනු ලබන්නේ මිදි වැලේ මුල් සාරවත් පාංශු ස්ථරයට ළඟාවීමට සහ මිදි වල තිබෙන තෙතමනය නිරන්තරයෙන් පවත්වා ගෙන යෑම සඳහා ය.
එයට විශේෂිත හේතුව වී තිබෙන්නේ මෙම දූපත් කළාපයට ප්‍රායෝගිකව වැස්සක් ලැබෙන්නේ නැති වීමයි, එසේම මෙම වගාවන්ට කෘතිම සෑදූ වාරිමාර්ග පද්ධතියක්ද නොමැත, මෙම මිදි ගස්වලට ඔවුන් ජලය ලබා ගන්නේ රාත්‍රිය පුරාවට ලැබෙන පින්නෙණි. මෙම මිදි වගාවන් රාත්‍රී කාලයේ ලැබෙන පිණි වලින් පමණක් ගසට අවශ්‍ය ජලය ලබාගෙන පෝෂණය වන අතර මෙම වලවල් වටා ඇති සිලින්ඩරාකාර බිත්ති ලෙස සාදා ඇත්තේ ඒවා මතටත් පිණි වැටී ගසට වැටෙන පිණි ජලයට අමතරව තවත් පිණි ජල ප්‍රමාණයක් එමගින් ගසේ මුලට ලේසියෙන් ගමන් කිරීමට සැලැස්වීමෙනි. එමගින් ගසේ මුල් වලට අවශ්‍ය තෙතමනය ඔවුන් අමතරව ලබාගනියි. (Quote from Ivelina Stefanova)
උපුටා ගැනීම: -ධම්මික සමරතුංග –