මුලින්ම කියන්න ඕන මේක සත්‍ය කතාවක් නෙමෙයි…(බිරිඳගෙ උපදෙස් පරිදි තමයි මෙහෙම කියන්නේ)
ගෙදර ගෑනු මිනිසුන්ගේ කංකරච්චලේ දන්නවනේ ඉතින්… අපේ නෝනගෙත් මාස ගානක ඉඳන් කංකරච්චලේ, කිසිම රොමෑන්ටික් ගතියක් නෑ, ට්‍රිප් එකක් යන්නෙ නෑ, කියලා. මේ අඳෝනා කනට කරවිල මිරිකල යුෂ කිලෝ ගනන් වක්කරනවා වගේ .. මුන් දන්නවයි අපට තියන වැඩ කන්දරාව.. මුල ඉදන් අගට ගිහින් ආයි අග ඉඳන් මුලට FB යන්න ඕන… ඔය අතරෙ සතුරු වෙසින් ඉන්න මිතුරන්ගේ කුප්ප වැඩ වලට යන්නත් ඕන… පත්තරේ මුල ඉඳන් “උපාලි මුද්‍රණාලයෙන් මුද්‍රණය කර බෙදා හරින ලදී.”කියන තැන වෙනකම් අකුරක් නෑර, කකුල් දෙකත් උඩ තියාගෙන කියවන්න ඕන…
ඔය වැඩ එක දහස් පන්සිය එකක් අතරෙ මං හිතා ගත්තා අද නම් රොමෑන්ටික් වෙනවමයි කියලා මේ කන්කරච්චලෙන් බේරෙන්න… එහෙමයි කියලා වැඩිය මහන්සි වෙන්න පුළුවන්යෑ… හිතලා බැලුවා ලේසි ක්‍රමයක් හරි.. රෑට පොඩි ඈයෝ නිදිකරවලා (නෑ නෑ එහෙම දෙයක් නෙමෙයි..) බලන්න ඕනා හොද රොමාන්තික ෆිල්ම් එකක්.. ඔන්න ඉතින් නැකැත් ඔක්කොම බලලා දැම්මා යෝජනාව බිරිදට..
මම – අද අපි ෆිල්ම් එකක් බලමුද සුදු?
බිරිද – මොකද්ද කිව්වේ?
මම – අපි වෙනසකට එක්ක ෆිල්ම් එකක් බලමු සුදු..
බිරිද – හා හා ඒවා ඕන නෑ.. කියනවා මොකක්ද උනේ කියලා?
මම – මුකුත් උනේ නෑ අනේ..
බිරිද – මුකුත් උනේ නැත්නම් ඔලුව කොහේ හරි වැදුනද?,,, මොකක් හරි කුඩු කරාද?,, නැත්තං කෑල්ලක් ටෝක් කරන්න ගිහිල්ලා මාට්ටු උනාද?…
මම – අනේ මේ පිස්සුද?
බිරිද – හරි හරි මොකක්ද දැන් බලන ෆිල්ම් එක?
මම – ඔයාට කැමති එකක් බලමු. ඔයානෙ ඕවට ආසාව තියෙන්නේ.. ඕවා ගැන දන්නේ..
බිරිද – එහෙනම් (ත)පප්පඩ් (මට ඇහුන විදිය) බලමු…
මම – මොකක්ද ඒ ?
බිරිද – ත’ තප්පඩ් හලෝ…
මම – මොකක් ගැනද ඒ ෆිල්ම් එක?
බිරිද – ඒකෙ කියවෙන්නේ මිනිහා දීපු කනේ පාරට ගෑනි ගන්න රියැක්ෂන් එක ගැන…
මම – හෑ…
බිරිද – ඔව්.. අන්තිමට ඒ ගෑනු කෙනා නඩු දාලා දිනලා ඩිවෝස් වෙනවා…
මම – නෑ… අද ටිකක් ඔලුවත් රිදෙනවා වගේ.. අපි වෙන දවසක ෆිල්ම් හෝල් එහෙකටම ගිහින් බලමු..
බිරිද – පිස්සුද මන්දා මේ මනුස්සයට.. බ්ලාහ්…බ්ලාහ්..බ්ලාහ්හ්හ්හ්හ්….
නැවතත් කංකරච්චලය ආරම්භ වන ලදී…
(ෆොටෝව ගන්නා ලද්දේ ගූගල් මගිනි)
උපුටා ගැනීම: Ranga Sanjeewa