මාස ගණන් ප්ලෑන් කරපු නමුණුකුල කෑම්පිං ට්‍රිප් එක සැබෑවක් කරගැනීම සඳහා 5.55 පොඩි මැනිකේ දුම්රියේ දෙවන පන්තියට ගොඩවුනේ වෑන් රථයෙන් පිටකොටුවට පැමිණි පසුයි. දුම්රිය ගමනට අකැමැති (බය) සෙට් එක බදුල්ල දක්වා පැමිනෙන්නේ එකී වෑන් රථයෙනි.
නෙක්ටො ස්ප්‍රයිට් බෝතල් වලට වයිට් ලේබල් පුරවාගෙන බයිට්ද රැගත් අපි පළමු ෂොට් එක ගම්පහ පසුවෙද්දීම ලබාගත් අතර ඒ අතරතුර වොෂ්රූම් එකට ගොස් හොරාට සිගරට් ගැසීමටද අමතක නොකලෙමු. සින්දු දෙක තුනක් කියාගෙන එනකොටම පිටරට ඇත්තන් ටිකක් ගේම ඉල්ලූ අතර කැඩිච්වි ඉංගිරිසියෙන් උන්ට බැන ගාඩ් මහත්තයාට කියා දෙවන පන්තියේ සිට පළවන පන්තිය දක්වා උසස්වීමක් ඔවුන් වෙත ලබාදීමට අප කටයුතු කළෙමු.
ගමනේ සුන්දරත්වය ටිකෙන් ටික වැඩිවෙන්නට පටන්ගත්තේ නුවරට කිට්ටුවත්ම නැගෙන්නාවූ සීතල එක්ක නීඩ් ෂොට් දෙක තුනක් උගුර කඩාගෙන බහින විටයි. නුවර විනාඩි කිහිපයක් නැවත නාවලපිටියේදී විනාඩි කිහිපයකට දුම්රිය නතර කෙරූ දුම්රියේ සෙනග අඩුවීගෙන කෙමෙන් කෙමෙන් ඉදිරියට යයි. දුම්රියේ ටොයිලට් එක තුල සිගරට් බිව් අපට දැන් පා පුවරුවේ සිටම වැඩේ ජයටම කරගෙන යාමට හැකි වී ඇත.
නාවලපිටියෙන් පසු පරිසරයේ සුන්දරත්වය බදුල්ල දුම්රිය ගමනේ උපරිම වින්දනයක් ලබාදෙන අතරම පා පුවරුවට පැමිණි සුද්දි කෑල්ලක් අපගේ ආතල් එක ඩබල් කරන්නට විය. කැඩිච්ච ඉංගිරිසියෙන් ඇහෙන්නේ නැති ගානට ඇය සමග මමත් තව එක් යහළුවෙකුත් කතාව පටන්ගත් අතර ඇයට හොඳහැටි ඉංගිරිසිය තේරෙන නිසා ඇයගේ කතාව මුලු පෙටිටියටම ඇසෙන ලෙසය.
රට වටේම රවුම් ගසා ඇල්ල තෙක් ගමන් කරන බවත් එළඹෙන සතියේ ඇය මෙරටින් යන බවත් අපහට පවසන ලදී. ඇල්ල ගමන පැමිණීමට පෙර ඇය ගිය තැන පිළිබඳව අප ඇසූ විට ෆොටෝ එකක් පෙන්වා කපටියා කපටියා යැයි කියාගෙන ගිය අතර, පෙට්ටියේ සිටි සියල්ලෝම අප දිහා කැත විදියට බැලුවේ අපි සුද්දිට මොකක් හෝ කැත වැඩක් කරන්නට ඇතැයි කියා සිතා බව මට සිතුණි.
මේකට සිංහල තේරෙනවාදැයි මං යාලුවාගෙන්ද විමසීමි. කපටියා කියන්නේ අපට දැයි මට නොතේරිනි. ඇල්ල කිට්ටුවත්ම සිග්නල් තිබූ හෙයින් ඇය ගූගල් හරහා ගියේ කොහේදැයි පෙන්වා දුන් අතර ඇය ගොස් තිබුණේ කල්පිටියටයි.
උපුටා ගැනීම: Udayanga Rox