අනපේක්ෂිත ගැටලුකාරී අවස්ථාවන්ට මුහුණ දීමට සිදුවන අවස්ථාවල තැනට සුදුසු විදියේ විසඳුමක් යොදාගන්න ඔබට ප්‍රයෝජනවත් විය හැකි අපූරු උපක්‍රම කිහිපයක් ගැනයි අද අපි ඔබට කියන්නට සූදානම් වෙන්නේ.
1.පිනිදිය එකතුකිරීමට
- කපු තුවායකින් හෝ පිරිසිදු ටී-ෂර්ට් රෙදි කැබැල්ලකින් පත්‍ර පිස දමා ඊට උරාගත් පිනිදිය බඳුනකට මිරිකාගන්න.මේවා පානය කිරීමට ද වුව භාවිතා කල හැකියි.පත්‍ර අග ඇති පිනි බිංදු විවිධ ප්‍රතිකර්ම වලට භාවිතා කරන බව කියවේ.
2.ආහාර පිසිමින් ඉන්න බඳුන ගිනිගත් විටකදි
- මෙවැනි අවස්ථාවක බඳුනට ජලය වත්කිරීම ඉතාමත් භයානක දෙයකි.රත් වූ තෙල් වලට ජලය වත්කිරීමෙන් පිපිරුමක් වුවත් ඇතිවීමට ඉඩ ඇත. ඉන් අවට සිටින අයට පිලිස්සුම් තුවාල පවා ඇතිවිය හැකියි.මෙවැනි වෙලාවක වඩාත්ම සුදුසු දේ වන්නේ පෑන් එක පියනකින් වසාදැමීමයි. පෑන් එක නොසොලවා එසේ නිවෙන්නට ඉඩ හරින්න.
3.හුලං වැඩි දිනක ගිනිමැලයක් ගසාගන්න විදිය
- සුලඟට හෝ වැස්සට නිරාවරණය නොවී මුවා වී ඇති තැනක් සොයාගන්න.වියළි දරකෝ‍ටු, කොළ, අතු කොටස් එකතු කරගන්න. සිහින් කෝ‍ටු ,වියළි කොළ ආදිය එක මත එක වාතය ගමන් කල හැකි පරිදි අතුරන්න. ඉට ඉහළින් දර කැබලි ටිකක් කේතුවක් ආකාරයෙන් හේත්තු කර සකස්කරගන්න.සුලඟ හමන පැත්තෙන් ගිනිමැලය දල්වන්න.
4.ඇඳුම් වල පැල්ලම් ඇති වූ විට
- ඇඳුමේ පැල්ලම ඇතිවූ තැන වහාම ජලයෙන් තෙමන්න.ලුණු, බේකිං සෝඩා, ටැල්කම් පවුඩර් හෝ කෝන් පිටි වැනි හොඳ අවශෝෂක ද්‍රව්‍යක් පැල්ලම මත ආලේප කරගන්න. මිනිත්තු 15 ක් පමණ වියළෙන්නට හැර ඒවා අතින් ඉවත්කර සාමාන්‍ය පරිදි ඇඳුම සෝදා පිරිසිදු කරගන්න.
5.විදුලි ආලෝකය නොමැති විටක
විදුලිය නොමැති අවස්ථාවක ගෙදර ඉටිපන්දම් අවසන් වෙලා නම් ඉක්මනින් DIY ඉටිපන්දමක් හදාගන්නේ මෙහෙමයි. බටර් වලින් කො‍ටුවක් කපාගන්න. ඒ මැදට තිරයක් ඇතුල් කර පත්තු කරන්න. මෙය වීදුරුවක් මත තබන්න.මේස හැන්දක ප්‍රමාණයකින් පැයක් පමණ කාලයක් හොඳින් තිර එලිය ලැබේ.දොඩම් ගෙඩියකින් ඉටිපන්දමක් සකසාගන්නා අයුරු:දොඩම් ගෙඩියක උඩු කොටසේ පොත්ත ඉවත්කරන්න. තෙල් ස්වල්පයක් මදයට එකතු කර එය දල්වන්න.
උපුටා ගැනීම: The Lanka Post