රෝමානු-ඊජිප්තු යුගයේ පාවිච්චියට ගැණුනු කිඹුල් හමෙන් කළ සන්නාහයක් තමයි මේ තියෙන්නේ. නයිල් නදියේ බටහිර ඉවුරේ පිහිටි මාන්ෆලූට් කියන නගරයෙන් මේ අපූරු ඇඳුම හොයාගත්තේ 1840 දී. මේ ඇඳුම දැන් බි්‍රතාන්‍ය කෞතුකාගාරයේ ප්‍රදර්ශනයට තබලා තියෙනවා.
පුරාණ ඊජිප්තුවේ කිඹුලා සැළකුණේ පූජනීය හා දිව්‍යමය සතෙක් විදිහට. ඒ හින්දා කිඹුලව දෙවියෙකු ලෙසින් න ම් කරලා මිනිස්සු නමස්කාර කළා. ඉතිං කිඹුල් හමින් කළ ඇඳුමක් ඇන්දාම කිඹුල් දෙවියන්ගේ දේවාත්මය තමන්ට ආවේශ වෙනවා කියලා පූජකයෝ විශ්වාස කලා.
අප්‍රිකා මහාද්වීපයේ බොහෝ රටවල කිඹුලා බිය උපදවන සහ පරාජය කළ නොහැකි සත්වයෙකු ලෙසින් හැඳින්වෙන අතර, කිඹුල් හමින් කළ ඇඳුමක් සහ හිස් වැස්මක් පැළැඳ සිටීමෙන් කිඹුලාගේ තියෙන ඉන්ද්‍රජාලික බලය තමන්ටත් ලැබෙනවා කියලා රණශූරයෝ විශ්වාස කළා. ඉතින් ඒ අයත් මේ වගේ ඇඳුම් ඇන්ඳා කියලා තමයි ඉතිහාඥයෝ කියන්නේ.
– අනිල් කරුණාරත්න –
