ලෝකයේ සාර්ථකත්වයට පත් බොහෝ පුද්ගලයින් එතැනට ලඟාවී ඇත්තේ බිංදුවේ සිටය.ඔවුන්ගේ අප්‍රතිහත කැපවීම, උත්සහ සහ ස්ථිර අධිෂ්ඨානය තුලින් ඔවුන් තම ජීවිත තමාගේ අපේක්ෂිත අරමුණු ඉලක්ක කරා මෙහෙයවාගැනීමට සමත් වී තිබේ. සාර්ථකත්වය සඳහා උසස් අධ්‍යාපනය වැදගත් දෙයක් වුවත් එය අනිවාර්ය සුදුසුකමක් නොවන බව ඔප්පු කල ලොව සාර්ථක පුද්ගලයින් කිහිප දෙනෙකු ගැනයි මේ කියන්නට සූදානම් වෙන්නේ.මේ අය අතරින් ඇතැම් අය කිසිදාක විශ්වවිද්‍යාලයකට ගොස් නොමැති අය වේ. ඇතැම් අය උසස් අධ්‍යාපනය අතරමගදී අත්හැරි අය වෙති. උපාධිය යනු එක් සුදුසුකමක් මිස ජීවිතයම තීරණය කරන දෙයක් නොවන බව මොවුන් ක්‍රියාවෙන්ම ඔප්පු කර තිබෙන බවයි පෙනී යන්නේ.උපාධියක් නැතත් ලෝකයේ නම් දැරූ සාර්ථක පුද්ගලයින් බවට පත්වූ චරිත 15 ක් ගැනයි මේ.
1 එලන් ඩිජෙනරිස්
- හොලිවුඩයේ ජනප්‍රිය ප්‍රහසන ශිලිපිණියක් හා නිවේදිකාවක් වන ඇය නිව් ඕර්ලින්ස් විශ්ව විද්‍යාලයට ඇතුලුවූ පළමු අධ්‍යයන වාරයෙන් පසුව ඉන් ඉවත් වූවාය.එතැන් පටන් ඇය තීන්ත බාස් රැකියාව,අලෙවි සහකාරිණියක් ආදි විවිධ රැකියාවල නිරතවී ඇත.ප්‍රහසන ශ්ල්පිණියක් ලෙස ක්ෂේත්‍රයට පැමිණි ඇය ජොන්ය් කාර්සන්ගේ ‘Tonight show’ වැඩසටහන හරහා ජනප්‍රියත්වයට පත්වූවාය. වර්තමානයේ ‘Ellen talk show’ නම් අතිශය ජනප්‍රිය වැඩසටහන හරහා ඇයව ප්‍රේක්ෂකයින්ට හමුවේ.
2.ටෙඩ් ටර්නර්
- නේවාසික කාමරයේ කාන්තාවක් රඳවා ගැනීමේ සිද්ධියක් හේතුවෙන් ඔහුව බ්‍රවුන් විශ්ව විද්‍යාලයෙන් නෙරපා තිබුණි.කෙසේවෙතත් ඉන්පසු ඔහු තම පියාගේ ප්‍රචාරක ආයතනයට සම්බන්ධව වැඩකටයුතු කිරීමට මුල් වූ අතර පසුකලෙක එම ආයතනය Turner Broadcasting company ලෙසින් සාර්ථක විය.
3.ඇනා වින්ටූර්
- ලෝක ප්‍රසිද්ධ මෝස්තර නිර්මාණ ශිල්පිණියක් වන ඇය 1988 සිට ඇමෙරිකාවේ Vogue සඟරාවේ ප්‍රධාන සංස්කාරකවරියයි.නෝර්ත් ලන්ඩන් කොලීජියට් පාසලේ සිසුවියක් වූ ඇය ඉන් පසුව තවදුරටත් උසස් අධ්‍යාපනය හදාරා නැත.පියාගේ ඇවෑමෙන් සංස්කාරක වෘත්තිය හරහා ඇය විලාසිතා ප්‍රකාශන සම්බන්ධයෙන් දැවැන්ත චරිතයක් බවට පත්ව සිටින්නීය.
4.ලැරි එලිසන්
- කුඩා පටන්ම ධනවත් ජිවිතයකට හිමිකම් කියූ ඔහු දෙවරක්ම විශ්ව විද්‍යාලය හැර ගිය අයෙකි. විවිධ රැකියාවන් වලින් ලත් පරිගණක සහ වැඩසටහන්කරණ කුසලතා හරහා ඔහු Oracle නමින් තමන්ගේම මෘදුකාංග සමාගමක් පිහි‍ටුවිමට සමත් විය.
5.රසල් සයිමොන්ස්
- රැප් සංගීතයේ පුරෝගාමි චරිතයක් ලෙස හැඳින්වෙන දැවැන්ත සංගීත පෞරුෂයක් ලෙස ඔහුව හඳුන්වයි. Def Jam Recordings හි සම නිර්මාතෘවරයායි. නිව් යෝර්ක් සිටි කොලේජ් හි තම උසස් අධ්‍යාපන කටයුතු අතර මගදි ඔහු අත්හැර දමා තිබෙන බව සඳහන් වේ. ඔහු වර්තමානයේ ලොව හොඳම ග්‍රන්ථ අලෙවියක් සහිත රචකයෙකු බවට පත්ව සිටියි.
6.ස්ටීව් ජොබ්ස්
- ලෝක ප්‍රසිධ Apple දුරකථන සමාගමේ නිර්මාතෘ වන ඔහු ඔරිගන් හි රීඩ් කොලේජයේ සිසුවෙකුව සිට ඇති අතර සිය පළමු සමාසිකයේදීම එය හැර යන්නට විය. කෙසේවෙතත් ලොව වැඩිම අලෙවියක් ඇති ජනප්‍රියම දුරකථන සහ පරිගණක නිර්මාණකරුවෙකු ලෙස තම සමාගම හරහා තාක්ෂණික ලෝකය වෙනම දිශාවකට යොමුකිරීමට ඔහු සමත් වූ බව නොරහසකි.
7.මයිකල් ඩෙල්
- ඔහුගේ පවුලේ අයට ඔහුව වෛද්‍යවරයෙකු කරවීමට අවශ්‍ය වුවත් ඔහුගේ කැමැත්ත තිබුණේ පරිගණක අංශයටය. කෙසේ වෙතත් ඔහු වෛද්‍ය ශිෂ්‍යයෙකු ලෙස ඕස්ටින් ටෙක්සාස් විශ්වවිද්‍යාලයට ඇතුළු වී ඉගෙන ගන්නා කාලයේදී සුලු ව්‍යාපාරයක් ලෙස පරිගණක අලුත්වැඩියා කර අලෙවි කිරීමට පටන්ගත්තේය.විශ්වවිද්‍යාලයේ පළමු වසර අවසන් කිරීමත් සමඟ ඔහුගේ ව්‍යාපාරය ලබා තිබූ සාර්ථකත්වය හේතුවෙන් ඔහු විශ්වවිද්‍යාලය හැරයාමට තීරණය කර තිබුණා. වර්තමානයේ ජනප්‍රිය තාක්ෂණික ව්‍යාපාර සන්නාමයක් වන Dell Technologies ආයතනය ඔහුගේය.
8.රේචල් රේ
- ඇමෙරිකානු රූපවාහිණියේ දැවැන්ත පෞරුෂයක් වන ඇය ව්‍යාපාරිකාවක්, රචිකාවියක් මෙන්ම ජනප්‍රිය සූපවේදිනියකි.The Food Network හි ‘30 minutes meals’ වැඩසටහන හරහා ඇය විශාල ජනප්‍රියත්වයක් දිනා සිටියි. සූපවේදයට දස්කම් කිවුවත් ඇය ඒ සම්බන්ධයෙන් වෘත්තිමය අධ්‍යාපනයක් හෝ පුහුණුවක් මින් පෙර ලබා නැති බව ඇය හෙලි කර ඇත.
9.ඩේවිඩ් ගෙෆෙන්
- හොලිවුඩයේ ධනවත්ම මිනිසා යන අන්වර්ථ නාමයෙන් හැඳින්වෙන ඔහු DreamWorks, Geffen Records හි නිර්මාතෘ වේ.සැන්ටා මිනිකා සිට් කොලේජයේ, බෲක්ලීන් කොලේජයේ සහ ටෙක්සාස් විශ්ව විද්‍යාලයේ සිසුවෙක්ව සිටි ඔහු එම උසස් අධ්‍යාපන ආයතන සියල්ලක්ම හැර ගිය අයෙකු වේ.
10.කිම් කාර්ඩේෂියන්
- ජනප්‍රිය මෝස්තර නිරූපිකාවක් මෙන්ම රංගන ශිල්පිණියක් වන ඇය සාර්ථක ව්‍යාපාරිකාවක් ද වේ.නිතර පුවත් මවන තාරකාවක් වන ඇය තමන් උපාධියක් කිරීමට බලාපොරොත්තු වන්නේ තමන් වයසට ගිය විට බවත් බොහෝ විට නීති උපාධියක් සම්පූර්ණ කිරීමට තමන් කැමැත්තෙන් සිටින බවත්ය.
11.පෝල් ඇලන්
- බිල් ගේට්ස් ගේ දකුණු අත සේ සලකන ඔහු පාසල් කාලයේ සිටම පරිගණක අංශය කෙරෙහි උනන්දුවෙන් පසුවූ අයෙකි.ගේට්ස් හාවර්ඩ් විශ්ව විද්‍යාලයට යාමත් පෝල් වොෂිංග්ටන් ස්ටේට් විශ්ව විද්‍යාලයට යාමත් සමඟ දෙදෙනාගේ මිත්‍රත්වය තරමක් ඈත් වුවත් වසර දෙකකට පසුව ඔවුන් දෙදෙනාම සිය විශ්ව විද්‍යාල ගමන අත්හරිමින් එකට වැඩකිරීමට පටන්ගෙන තිබුණි. වර්තමානයේ ලොව සුපතල තාක්ෂණික සමාගමක් වන Microsoft සමාගම බිහිවන්නේ එසේය.
12.ජෝන් ඩී. රොක්ෆෙලර්
- ඇමෙරිකානු ඉතිහාසයේ ධනවත්ම පුද්ගලයෙකු ලෙස සැලකෙන ඔහු උපාධිධාරියෙකු නොවේ. The standard oil company හි නිර්මාතෘ වන ධනවත් ව්‍යාපාරික ජෝහ්න් ඉගෙනගෙන ඇත්තේ උසස් පාසල දක්වා පමණි.
13.ඩේව් තෝමස්
- Wendy’s බර්ගර් නිෂ්පාදන සමාගමේ නිර්මාතෘ අධ්‍යාපනය හදාරා ඇත්තේ උසස් පාසල දක්වා පමණයි. ඉන්පසුව ඔහු ඉන්ඩියානා හි අවන්හලක සේවයට ගොස් ඇත.1969 වසරේ ඔහු තම ප්‍රථම Wendy’s ශාඛාව විවෘත කලේය. ‘Fast food’ ආහාර කලාවේ වෙනසක් කිරීමට සමත් වූ ව්‍යාපාරයක් ලෙසයි එය වර්තමානයේ හැඳින්වෙන්නේ.
14.කෙවින් රෝස්
- තාක්ෂණික ක්ෂේත්‍රයේ නැගී එන තරුවක් වන ඔහු අන්තර්ජාල ව්‍යවසායකයෙකු ලෙස තම වෘත්තිය ගමන අරඹා ඇත. ඔහු ලාස් වේගාස් හි නෙවාඩා විශ්වවිද්‍යාලයෙන් වසර දෙකක් පරිගණක විද්‍යාව හදාරා ඇත.ඉන්පසුව ඔහු විසින් තම උපාධිය අතර මග නතරකර ඇත. නමුත් ඉන් ඔහුට කිසිඳු වරදක් වෙලා නැහැ කියලයි ඔහුගේ සාර්ථකත්වය දෙස බලන විට සිතෙන්නේ. ‘Digg’ ‘Revision3’ ‘Pownce’ ‘Milk Media’ වැනි සමාජ ජාලා වල සමනිර්මාතෘවරයා වන්නේ ඔහුය. එමෙන්ම Tony Hawk Foundation හි මාණ්ඩලික සාමාජිකයෙකු ලෙස මෙන්ම Google Ventures වෙනුවෙන් උපදේශකයෙකු ලෙස ද ඔහු කටයුතු කරමින් ස්ටියි.
15.හෙන්රි ෆෝඩ්
- Ford මෝටර් රථ නිෂ්පාදන සමාගම එක කර්මාන්තය වෙනස්ම මාවතකට ගමන් කරවීමට සමත් වූ ඉතිහාසයේ සන්ධිස්ථානයක් සටහන් කල ව්‍යාපාරයකි. ඒ සඳහා ඔහුට ඉංජිනේරු අධ්‍යාපනයක් හෝ ව්‍යාපාරික පවුල් පසුබිමක් තිබී නැත.ඔහු වයස අවුරුදු 16 දි සිය පවුලේ ගොවිපළ අත්හැර ඩිට්‍රොයිට් බලා ගමන් කර තිබු අතර එහි යන්ත්‍ර වැඩපොළක අත් උදවුකරුවෙකු ලෙස රැකියාව සිදුකර ඇත.1896 දී ඔහු විසින් සිය පළමු මෝටර් රථය නිමවීමට කටයුතු කලේය.
උපුටා ගැනීම: The Lanka Post