අපේ රටේ හරිම ප්‍රසිද්ධයි නේ කිතුල් ගහට ගිය මිනිහටත් උත්තර තියෙනවා කියන කතාව.
ඉතින් මට හිතුනා ඒ වගේ කට උත්තර නැතිවුණ අවස්ථා ටිකක් හොයල අපේ පාඨකයන්ට කියන්න. වරකට කතා දෙකතුන බැගින් කොටස් වශයෙන් පලකලාම කියවන්නත් ලේසියි නේ.
1 . අහපු නැති කවිය .
මුලින්ම අතීත කාලෙන්ම පටන් ගන්නම්. ඕගොල්ල හුඟදෙනෙක් මේඝදූතය ලියපු කාලිදාස කවියා ගැන අහල ඇති. මේ එයා ගැන. ඒ කවියා සේවය කලේ ඉන්දියාවේ භෝජ කියල රජකෙනෙක්ගෙ ලඟ. මේ රජතුමාට තිබ්බ අපූරු හැකියාවක් ! ඒක තමයි ඕනෑම කෙනෙක් කියන කවියක් එක සැරයක් ඇහුවම මෙයාට ඒක කටපාඩම් වෙනව!
මේ රජතුමා දවසක් රාජසභාවෙදි කිව්ව තමන් අහල නැති කවියක් ( කවි කිව්වට ඒවට කියන්නෙ ශ්ලෝක) කියන කෙනෙකුට රන්වලින් හදපු පුහුල් ගෙඩියක් තෑගිදෙනව කියල , ඒ පුහුලෙත් හැමෝටම පේන්න රාජසභාවෙ එල්ලල තිබ්බ.
හුගාක් දෙනා ආවා, ඒ උනාට කිසිම කෙනෙකුට කියන්න බැරිවුණා රජතුමා නොදන්න කවියක් ! ඉතින් රජතුමා කාලිදාසගෙන් ඇහුව
‘ඔබවත් දන්නෙ නැද්ද එහෙම කවියක් ?’
‘ දේවයන් වහන්ස ! මන් දන්න හැම එකක්ම කියල තියෙන නිසා ඔබතුමා නොදන්නා එකක් නෑ! ඒ උනත් මන් බලන්නම් අපේ පියාණන් ලියපු එකක් තියෙනවද කියල !’ මොකද ඔබේ පියරජතුමාට නේ මගේ පියාණන් සේවය කලේ’
ඔන්න පහුවදා කාලිදාස රාජසභාවෙදි කිව්ව
‘ දේවයන් වහන්ස මට කවියක් ලැබුණ ‘
‘හොඳයි කියමුකො බලන්න’
කාලිදාස කවියක් කිව්ව. ඒකෙ තේරුම තමයි දැන් ඉන්න රජතුමාගෙ පියරජතුමා කාලිදාසගේ පියාට අර රන්පුහුලේ වටිනාකම වගේ දසගුණයක පමණ මුදලක් ගෙවන්න නියමිත බවත් ඒ මුදල් මේ දක්වා ගෙවා නැති බවත් !!
රජතුමාට තේරුණා වැඩේ වරදින්නයි යන්නේ! ඇයි දැන් මේක දන්නව කිව්වොත් අර මුදල් කාලිදාසට දෙන්න වෙනව!!
‘ ආ මන් ඒක අහල නෑ! කාලිදාස පුහුල්ගෙඩිය අරන් යන්න!!!
2 අපූරු ප්‍රතිකාර
මේක මේ රටේ වුන සිද්දියක් නෙවෙයි . නමුත් ලංකාවෙ අය සම්බන්ධයි. ලංකාවෙ වෛද්‍යවරයෙක් අමෙර්කාවේ ජීවත් වුනා . එයා ලංකාවෙදි ප්‍රසිද්ධ වුනේ වන් ෂොට් වෛද්‍යවරයකු විදියට . නමුත් එහේ එච්චර සාර්ථක නෑ බිස්නස් !. මෙයා කල්පනා කලා මේක තව දියුණු කරන්න .
එහෙම හිතල දැන්වීමක් පලකලා ‘ ඕනෑම රෝගයක් සුවකරනු ලැබේ . අයකිරිම ඩොලර් පණහයි!! . සුව නොවුනොත් ඩොලර් පන්සීයක් ලෙඩාට ආපසු ගෙවමි!! ‘
මේක දැක්ක එහේ හිටිය ලංකාවෙ මුදලාලි කෙනෙක් කල්පනා කලා ‘ මන් ලංකාවෙ ඉන්න කාලෙ හොරට කිරල, හොරට මැනල ,ගඩොල් කුඩු, හුඹස් මැටි මිනිස්සුන්ට කිලෝගණන් කවල, කුණුබඩු ඉස්තරම් විදියට හරවල මිනිස්සු රැවැට්ටුවේ මන් ගැටයා සංදියෙ ඉඳල! මේකව රවට්ටල ඩොලර් පන්සීය අරන් එන්න ඕන!’
ඉතින් මේ මුදලාලි ගියා වෛද්‍යවරය හම්බවෙන්න .යනකොට හිතාගෙන ගියා හොඳ වුනාද නැද්ද කියල දොස්තරට තේරුම් ගන්න බැරි අසනීපයක් ගැන!
‘ දැන් මොකක්ද අමාරුව’
‘ මේකයි දොස්තර මහත්තයො, මට ටික දවසක ඉඳල ගඳ සුවඳ, රස දැනෙන්නෙ නෑ!!’
වෛද්‍යවරය මෙයා පරීක්ෂා කරල බලල තේරුම් ගත්ත මිනිහ බොරුවක් කරන්නෙ කියල .
‘ ංආ හරි මේක සුලු දෙයක් ! ‘ එහෙම කියපු වෛද්‍යවරය තමන්ගෙ සහායිකාවට කිව්ව
‘ ශෂී! ඔයාගෙ A 9 සාම්පල් එකක් ගේන්න’
සහායිකාව මුත්‍රා සාම්පල ගන්න කුප්පියක් අරන් ඇතුලට ගිහින් ඒක පුරවගෙන ආවා!
‘කෝ කට අරින්න ‘ කියල දොස්තර එයින් ටිකක් කටට වක්කරල
‘ ංආ ‘ කියල කුප්පිය මුදලාලි ගෙ නහයට ලංකලා
‘ ංහම්මා !! මොනවද මේ මුත්‍රා නේද? ලුණුරසකුත් ආවේ’
‘ ආන්න බලන්න මන් ඔබගේ ලෙඩ දෙකම අර කාන්තාවගේ මූත්‍රා බිංදු දෙකකින් හොඳකලා ‘
මුදලාලි ඩොලර් පණහ දීල ගියා . ඒ උනාට කල්පනා කලා ‘ යකෝ මීට කලින් මන් හැම එකාටම ඔයිට වැඩිය ජරාව කවල සල්ලි අරන් තියෙනවනෙ! මේ සැරේ මන් ජරාව බීල මන්ම සල්ලි දුන්නනෙ!කොහොමහරි මුගෙන් ඩොලර් පන්සීය ගන්නවාමයි!’
එහෙම හිතපු මිනිහ මාසෙකට විතර පස්සෙ ආයෙගියා මේ සැරේ නන් මූත්‍රා බොන්නවෙන ලෙඩක් කියන්නෙ නෑ කියල හිතාගෙන !
‘ ංආ මොකද මේ ලෙඩා ආපහු කලින් ලෙඩේ හැදුණද?’
‘මොකක්ද දොස්තර මහත්තයා ඇහුවෙ ? මන් කලින් මෙහේ ඇවිත් තියෙනවද? , මට කල්පනාවක් නෑනෙ! . මන් ආවෙත් ඒකට බෙහෙත් ගන්න! දැන් ටික දවසක ඉඳල මට මේ කලදේ මේ මතක නෑ! ‘
දොස්තර ආයෙත් දැනගත්ත මෑන්ගෙ බොරුව . සහායිකාවට කතාකලා.
‘ ශෂී! එදා මෙයාට දුන්න ජාතියෙ A 9 සාම්පලයක් ගේන්න!’
‘ මොකක්! ආයෙත් මට අර ගෑනිගෙ මූත්‍රා පොවන්නද යන්නෙ?’
‘ ආන්න බලන්න මගේ ප්‍රතිකාරවල විස්මිත බව බෙහෙතෙ නම කියනකොටම ඔබගේ ලෙඩේ හොඳ වුනා !’
මුදලාලි එදත් සල්ලි ගෙවල ගියාට
ඉතින් මිනිහට හරිම කේන්තියි. ලංකාවෙ මිනිස්සු නිකම්ම ඕනම එකෙකුට රැවටෙන අන්දන්න පුලුවන් අය කියලනෙ මිනිහ මෙච්චර කල් දැනන් හිටියෙ .
ඉතින් ආයෙම දවසක් යන්න හිතුවා අල්ලන්න බැරි ලෙඩක් කියාගෙන . ඇස් පේන්නෙ නෑ!! ඔය මූත්‍රා ටිකක් ඇහැට දැම්මත් අදනන් ඉවසන් ඉඳල කොහොමහරි ඩොලර් පන්සීය අරගෙනමයි එන්නෙ!
මෙහෙම හිතල ආයෙ ගියා . එදත් දොස්තරට වැඩේ අහුවුණා . ප්‍රතිකාර විදියට ඇහැට බෙහෙත් දැම්ම. ඒත් මුදලාලි කියන්නෙ ම පේන්නෙ නෑ කියල !! ඉතින් දොස්තර මෙහෙම කිව්ව.
‘ බොහොම කණගාටුයි මට මේ සැරේ නම් ඔබගේ අසනීපය සුවකරන්න බෑ වගේ !’
මුදලාලි පස්වනක් ප්‍රීතියෙන් පිනාගියා. උත්සාහවන්තයා ජයගනී කියන්නෙ ඕකතමා.!!
‘ මෙන්න ඔබගේ අසනීපය සුවකරන්න බැරිවුණාට මන් දෙන ඩොලර් පන්සීය!’
එහෙම කියපු වෛද්‍යවරය ඩොලර් එකේ නෝට්ටුවක් අරන් මේසෙ උඩින් තිබ්බ.!
‘ මොකක්? මේ ඩොලර් පන්සීයක්ද? ඩොලර් එකේ නෝට්ටුවක් නේ? ‘ මුදලාලි කිව්ව.
‘ ඒ කියන්නෙ මගේ ප්‍රතිකාරය සාර්ථකයි!! ඔබේ ඇස් පෙනීම නැවත ලැබිල !! ‘
එදායින් පස්සෙ ආයෙ කවදාවත් මුදලාලි ඒ දොස්තර හම්බවෙන්න ගියේ නෑ.
උපුටා ගැනීම: Channa Witha